قارئة الأفكار

مقدمة

ههاي يا حلوين كيفكم
طبعا اول شي نعرفكم ببطلة الرواية يلي هيا اسمها سناء
(بنتكلم باسم البطلة يعني بنقول أني )
طبعا أني أسمي سناء مواليد 99 أني لساني طويل ونلقح هلبا لاكن طيوبة مستحيل نرضى بحد يظلمني او يهيني بعدها نكسر عليه الدنيا طبعا نقرا في الجامعة السيمستر الثالث في كلية الاداب لأني نحب نقرأ هلبا  مواصفاتي طولي متوسط وبيضا شعري اصفر لنهاية ظهري عيوني كبار لونهم أخضر زي عيون ماما 🙊 شفايفي مليانة وكرزية بصراحة حلوة 🔥❤😌

طبعا عندي 4 خوات بنات متزوجين كلهم و أخ واحد
خواتي .... الكبيرة ابتسام مواليد 87 عندها بنت وزوز ولاد اللي هما ...  محمد عمره 9 سنين و رهف عمرها 7 سنين وإبراهيم عمره سنتين

اللي بعدها نادية مواليد 89 عندها ولد و3 بنات اللي هما ...  عبد الرحمن عمره 9 سنين ورناد عمرها 8 سنين ورنا عمرها 6 سنين ومريم عمرها 3 سنوات

اللي بعدها ربيعة مواليد 91 عندها ولد وبنت اللي هما .... ايوب عمره 6 سنين واساور عمرها 4 سنوات

آخر وحدة اسمها صفاء مواليد 94 عندها بنت وزوز اولاد اللي هما ... رغد عمرها 5 سنوات و همام عمره 3 سنوات والحارث عمره سنة

بعدها خوي زين مواليد 96 مش متزوج

بعدها أني آخر العنقود

ماما اسمها رجاء مواليد 68تحبنا وتخاف علينا وماتفرقش بيني وبين خوتي ومستحيل ترضى بالظلم او الغلط

بابا اسمه سالم مواليد 66 تجوز ماما عن حب وعلاقة سنتين بابا حنون هلبا وديما متفاهم ماعنداش على جو العياط

عندي صاحبتي اسمها رانيا من الاعدادي معاي ودخلنا لنفس الكلية
صاحبتي هلبا هلبا والصراحة هيا بنت تنحب

وطبعا ماعنديش لا عمام ولا عمات وعندي خالة وحدة وماعنديش خوال

خالتي اسمها شفاء مواليد 72 متزوجة وعندها 3اولاد وبنت نديدتي اسمها
ارجوان
والأولاد الكبير فيهم محمد متجوز مواليد 86 وعنده 3 اولاد وبنت ومرته  اسمها سلمى مواليد 89
والثاني أحمد مواليد 90 متجوز وعنده بنتين وولد ومرته اسمها رؤى مواليد 92
والثالت محمود مواليد 93 مش متجوز

وهكي تمت عائلتي السعيدة وأب وأم ماما متوفيين وبابا نفس الشي

نجو لبطلنا الحلو عمر
احم احم أني أسمي عمر مواليد 92 طبعا أني ولد نخاف ربي ونصلي وصلاة الجمعة أمس فاتت عليا لأني صاهر مع الشيخ السديسي
رواسي ... كداااااااب
عمر ... اففففف لازم تخرب عليا بنت الريح ٌ هيا باهي باه اممممم هوا الصراحة أني صايع ومتع بنات ومرة مرة نسكر مرة مرة مش ديما 😂😂😂 طبعا البنات اللي نكلم فيهم أكثر من شعري  لذالك اللي نكلمها اناديها بإسم غير اسمها باش تسيبني 😂 طبعا أني مفدد بوي والعيلة  كلها لاكن أني محبوب الكل واني نسخة من سيف نبيل اللي يشوفني يحسابني سيف ومداير وشم نفس اللي في يده اليسار وهي تشااااااو الباقي تو تكمله فتاة الريحَ 😜

طبعا عمر عنده اختين وحدة متجوزة ووحدة لا وما عنداش خوت
المتزوجة اسمها علياء عندها بنت وزوز اولاد

واللي مش متزوجة مواليد 2000 اسمها عداري

يتبع #
هذه مقدمة بس ونتمنى أن الرواية تعجبكم ونبي فيها تفاعل يلاااا
الحلقة 1 مرات اليوم نكتبها وتنزل غضوا
علي حسب الضي امتى يهرب وامتى يجي 😂😂

فـ♥ـتـ♥ـآةّ 🔥
       آلَريـ♥ـح 🔥