#انتحال_توأم
الحلقة7
ليث مسكها :بسم الله انتي شنو طلعك هنا امك من بدري قالبه عليك الدنيا
روز قاعدة بين يديه وترعش وادموع ينزلن وخلاص كان واضح عليها صاير امعاها حاجة
ليث:كنك شنو صارلك منيش خايفة
الاشخاص بعد شافو ليث امعاها طلعو بلسيارة علطريق وهربو
روز:ممككني شي حول بنمشي لامي
ليث طلقها ومشت وهوا عيونه عليها
...............
رابحة :وين كنتي قلبت عليك الدنيا
روز:خلاص كملتي هيا انروحو
رابحة:خلاص كملت عارفتك مضايقه هيا خلاص كملت
روز قعمزت علكرسي وحطت ايديها علي وجهها اتحاول انها تماسك وتنسى الي شافاته
ليث يحكي واعيونه علي روز :هيا ياعمتي خليني انروح بيكم قبل بعدها انجي انكمل باقي التنقيل
رابحة:هيا وبرمت علي روز هيا روز
روز :اها هيا هي وصبت طلعت وليث مازال اعيونه عليها
.................
انجو لتركيا عند رضا
رضا وصلت تركيا واول ماوصلت عدت للمدرسة
المدرسة داخلي وهيا عبارة علي مبنى كبير فيه ديار فيهم اثنين والاربعة وفيه غرف العيال الفي اي بي يعني الطالب يبات ابروحه وليد خالها اختارلها دار من الفي اي بي
الاستاذ: this way من هنا
رضا:thank you شكرا لك
خشت للغرفتها وانعزقت علسرير
رضا:ااه ياربي قويني
طق طق طق
رضا انفجعت من الي يدق عليها فتحت لقاته الاستاذ جايبلها الجدول
رضا قعمزت علسرير اتشوف في الجدول:الحصة الاولى تبدا الساعة 8 اعزقت روحها علسرير وحطت ايديها علي اعيونها وتنهدت
رضا: انا قوية ونقدر
وصبت لبست وسقمت روحها وطلعت
...............
انردو لليبيا تحديدا في مركز الشرطة
ليث ضرب التحية:صباح الخير يافندي
الرائد:ليث وينك من الصبح انرنو عليك ومتردش
ليث:سامحني يافندي لكن امس بس كملت مناسبة الفرح الي عندنا وشكله التعب رد عليا اليوم مسمعتش التلفون
الرائد:عالعموم نحنا جانة بلاغ من راعي لاقي جثة وهذي الرابعة الاسبوع هضا العصابة هذي تعامل في الليل وفي اماكن خالية من حركة السكان بيش ميقعدش فيه شهود
ليث:😤باهي وين المكان
الرائد:المكان........
ليث:😲قصدك وين مالقاعة امتاع الافراح
الرائد:تمام خلفها بلزبط
ليث خبط المكتب بيده:المشكلة انا امس في الليل كنت غادي فرح اختي درناه في القاعة غادي
الرائد:مستحيل انلومك لانك مستحيل تفطن او تلاحظ حاجة المهم انا نبيك اتحققلي اكويس مع الراعي واتشوفه بلكي لاحظ حاجة مع اني انشك لانه هوا جا في الصبح والجريمة امس في الليل صارت الطبيب الشرعي قال الوفاء صارت الساعة 11 ونص
ليث منزل راسه ويسمع فيه لكن جت بين اعيونه روز وهيا ماسكها وكان واضح عليها انها خايفة من حاجة
ليث انتبه لحاجةصبا :معليش نستاذن منك نبي انتاكد من حاجة وانرد عليك
الرائد:اتاكد من شنو
ليث:حنقولك بعد منتاكد وطلع
..............
رابحة:انشيلك للمستشفى
روز متغطية وترعش عندها ابراد :لالا
رابحة:يا نعليا شن جاك اسم الله امس مفيكي شي
روز تحت البطانية وترعش وخلاص
رابحة صبت لبست :انا توا نمشي للصيدلية بلكي تعطيكي حاجة للابراد وطلعت
روز مكمشة في روحها وترعش وتبكي كل متغمض اعيونها الراجل وهوا يطعنو فيه ايجي بين اعيونها
.............
انردو عند رضا في تركيا
رضا مقعمزة في الفصل وعيال جنبها ايتحاووسو والي يضرب في هضا والي يهدرز ويضحك مع هضا
رضا مطبسة تقرا ومتبيش اتبحت في حد بيش ميجيش وايتواصل معاها
زين قعمز جنبها :hi 👋
رضا رفعت اعيونها فيه : hhi 👋
زين:your a new انت جديد
رضا:yes نعم
زهير:زين تعا لهون ليش تزعج هالامور 😊
زين:حل عني شو بدك انت خلينا نتعرف سمعت انه ساكن في دور الفي اي بي
زهير:معقولة احلف وجا وقعمز شو ياحلو انت من وين
زين:ياغبي شكلو مابيحكي عربي
رضا:انا من ليبيا
زين و زهير :😲
.............
في ليبيا
ليث وقف بلسيارة فم الشارع وشاف رابحة وهيا نازلة
نزل من السيارة وركب ودق علباب علي امل ان روز قاعدة
روز:امي مش وقتك تنسي مفتاحك انا مش قادرة انصبي
طق طق طق
روز تمشي بصعوبة وفتحت الباب :😳
................
عند رضا
رضا ماشية لدارها جاها زين ومسكها من رقبتها بيده وحطها تحت ذراعه
زين:وين علي فين
رضا اتحاول اتفك روحها منحرجة:ببنعدي للداري
زهير:افلت الصبي خنئته
زين طلقها:اسمع بكرا عطلة واليوم السهرة صباحي 😜
رضا:كيف؟!
زهير:زين قصدو اتروح معنا علملهى
زين:بنات ورقص للصبح ووه
رضا:لالا لالا انا منقدرش نمشي امعاكم عندي كتيبة وقراية دراسة يعني 😁
زين:شو لالا ماعنا اولاد بيتوتية هون بعدين بتجيك الغولة وتاكلك عوو 😂😂
زهير:خلاص زين سيب الزلمة براحتو
زين:لا بدو يروح غصبن عنو يلا
زين قعد يدف في رضا ويمشي مشاها غصب عنها وطلعو من المدرسة ركبو سيارة زهير وعدو
واحد امصبي عزق دخان وركب السيارة ولحقهم
..............
في ليبيا
روز كان واضح عليها التعب
روز:نعم شنو تبي مش عرسكم كمل
ليث:كنك مريضة؟
روز:انت جاي بيش تسألني السؤال هضا
ليث عفويا حط يده علي جبينها
روز حولت يده:كنك انت انهبلت
ليث:عندك حرارة
روز :انت شكلك واحد فاضي وجت بتسكر الباب
ليث مسك الباب مخلهاش اتسكره وقرب منها:انتي امس شفتي حاجة خلاتك تمرضي
روز:😳 ححاجة شنو
ليث:جريمة قتل
روز اطيح مغما عليها
ليث:😲
..............
عند رضا
قاعدين في ملهى ليلي ورقص واغاني ودنيا شايلة
رضا مقعمزة في تركينة علي طاولة
زين جا وقعمز جنبها:شو مابدك ترقص
رضا هزت براسها بمعنى لالا
زين:شوف في وحدة عمتسأل عليك
رضا :😳عليش تسال عليا
زين:الزاهر انك عاجبها يامصطوف 😉
رضا:لالا انا مش امتاع الحاجات هذينا
زين:شو ماتقلي انك امتاع شباب يع 🤢لانهم كاترين هالنوعية 😒
رضا:شنو تحكي انت وصبت انا بنروح
زين:اي وروح مين ماسكك
رضا:ببس انا منعرفش انروح ابروحي
زين :والله انا لساتني قاعد انت روح بدبر حالك 😒وعدا كمل رقيص
رضا:ااوف نطلع اندور تاكسي وانروح وصبت وطلعت
النادي كان في مكان كيف الزقاق والدنيا ليل رضا تمشي وخايفة تبي توصل للطريق بيش تاخد تاكسي واتروح
طلعولها شخصين : hay you you're so young to be here
(هاي انت انت صغير جدا لتكون هنا )
رضا تمت ترعش مع بعضها :please I'm trying to get a taxi
(رجاء انا احاول ان احصل علي تاكسي )
شخص:come on stay with us we will have fun
(تعال ابقى معنا سوف نمرح معا)
رضا تبي تهرب منهم ايجي واحد منهم يمسكها من وراء
رضا تبي اتعيط ايجي واحد طول بعرض وينزل فيهم طريحة
رضا:😲
يتبع
ورني التفاعل ورايكن ايهمني 😘
