#انتحال_توأم
الحلقة 25
مازلنا عند رضا
زين خش عليهم لقا صقر ماسك يد رضا وزهير ماسك يدها الثانية وصقر وزهير واضح عليهم انهم متعقدين
زهير:ردا ماتروح معو خليك انا بعالج جرحك
صقر نفخ وجاه مسكه من رقبته :انت كنك شنو قصتك متمسك برضا هكي اها احكي
رضا ماسكه في صقر :خلاص صقر راك تقتل العيل صقر
زين مصدوم ومش فاهم هما عليش ايتعاركو علي رضا
زهير:انت الي شوبدك من ردا اتركو وين مابدو يروح يروح عمتتحكم فيه ليش
صقر ضربه بوني لعند زهير طاح
رضا:زهير 😱
وجاته تجري
صقر مسكها من يدها :تعال معايا خليه وطلع هو وياه
زين امصبي وفي عقله الف سؤال
زهير صبا متعقد خبط خبط وطلع
زين:زهير زهير
زهير:شوبيك
زين:انت الي شوبيك يازلمة تعا تعا اقعود واحكيلي
زهير:😤شو بدك ياني احكيلك
زين:شو الي صار هلأ بينك وبين ردا وقريبو احكي
زهير:لك يازلمة اتركني في حالي وطلع وسيبه
زين :شو هيدا معقولة زهير وردا يكونو بعدها هز راسه بسرعة لالالالالالالالا ويضرب في وجهه زهير مو هيك لا انا بعرفو من وقت كنا زغار لكن ردا انا من اول يوم مارتحتله 😡حتى شكله متل الحريمات 😠
.................
انجو لليبيا
امال :انا قلت لا يعني لا
محمود:توا البنت اموافقة وانا اموافق خلاص شن تبي اخرى انتي
امال:انا سند منحباش تبيني نعطيه بنتي
محمود:مش انتي الي تبي تزوزيه اتحبيه تكرهيه هذي حاجة اتخصك انا ولد خويا وعطيته والعرس بعد شهر تبي ترضى اهلا وسهلا منكش راضية اطربقي والباب ايفوت جمل وبرم رقد
امال:😲انا يامحمود اتقولي هكي 😭ياما تحملت واصبرت هضا جزاي 😭😭
محمود:اووف وبرم عليها باهي شن تبيني انقولك اها العيل ويبيها وهيا تبيه وسند مربيه تحت ايدي انا هكي انتريح عليها توا انتي متبيش اتريحي علي بنتك ولا لا
امال:بنتريح عليها ها امالا بنتي راهي
محمود:باهي خلاص توا كان صكرتي راسك ورفضتيه وعطيتيها لواحد منعرفوش يعذبها ويضربها وادير عيال ماهو ياتحمل ونحنا انشوفوها ونسكتو ياتطلق وتقعد هكي
امال:لا لا بعيد السو علي بنتي من الطلاق
محمود:خلاص معناها صدقيني الي تعرفه خير من الي ماتعرفه وسند منا وفينا ومش حيرضا علي بنتك العيبة
امال هدت اشوية واقتنعت بكلام محمود ونفس الوقت عارفه روحها انها هيا الي حتخسر وسند واخد ملاك غصبن عنها
....................
ليث ورابحة راقدين وروز سهرانه اتفرج علتلفزيون
روز اتفرج وغلبها النوم ورقدت ليث وعا عطشان طلع بيشرب امية يلقا التلفزيون والع وروز راقدة بلا غطاء
ليث قرب منها طبس عليها ايشوفلها:سبحان الله الي ايشوفها وهيا راقدة ايقول بريئة بعدها اذكر منظرها وهيا متعقدة
هيا بعد تعقد خشمها يقعد حمر
ليث ضحك وصبا جابلها غطاء غطاها وشرب امية ورد رقد
..................
انردو لتركيا
صقر خش للدارها ويكر في رضا في يده
رضا فكت يدها ومعصبه:انت كنك توا عليش ضربته حراام عليك زهير طيب
صقر تلفتلها بعصبية:توا عليش مصمم هوا الي يديرلك دواء اها مفكرتيش انتي غبية ولا شنو
رضا:شنو مفهمتش
صقر حط ايديه في اجنابه ونفخ بقلة صبر:انتي متفهميش ولا شنو يعني عادي عندك ايشوف ضهرك ويلمسك
رضا:😳لالا اكيدة لا
صقر:خلاص معناها تعالي مسكها من يدها
رضا فكت يدها:وانت
صقر:😳
رضا:انت عادي
صقر توتر :اانا
رضا مدت يدها :عطيني الدواء توا انديره ماعليك خداته وخشت للحمام
صقر:🤦♂🤦♂غبي انا شن قلت
..............
زين وعلي وزهير قضوها الليل كله سكير وشرب وضحك طبعا الي يشرب يطلع الكلام الي في عقله الباطن بدون ميعلم بروحه
