جميلتي الجزء الاول
نبدا روايتنا بالبطله جميله وهيا فعلا جميله اوي ورقيقه
جميله بنت ف سن العشرين ف الجامعه عاشه حياه بائسه اووي بسبب قصه حب فاشله . جميله عايشه مع مامتها سهام واختها نور اللي ف ثانويه عامه ومش مسئولة ابدا ومستهتره،وجميله بتصرف عليها ع طول ومتحمله مسئوليتهامش عايزه تحسسها بابوها اللي اتوفي وهيا صغيره وهيا تلت سنين .
في يوم كانت الدراسه ع وشك انها تبتدئ نور راحت لجميله تتكلم معاها
نور: جميله انا عايزه اطلب منك طلب
جميله :اطلبي يا حبيبتي
نور:عايزه خمس الاف جنيه
جميله:عايزاهم لي
نور :علشان المدرسه هاتبتدي وانا عايزه اشتري حاجات كتير
جميله :حاضر عايزاهم امتي
نور:عايزاهم بكره
جميله :حاضر يا حبيبتي روحي نامي بقا علشان تصحي فايقه علشان تنزلي تشتري الحاجات
نور:حاضر يا جوجو تصبحي على خير
جميله :وانتي من اهله
تاني يوم مع اذان الفجر صحيت جميله اتوضت وصلت الفجر وفضلت تدعي ربنا
وبعدها لبست ونزلت راحت لعم محمد(عم محمد جار جميله وكان صاحب باباها اووي في سنه ٥٠)
جميله:ازيك يا عم محمد
عم محمد:ازيك يا جميله يا بنتي وحشاني
جميله :الحمد لله وانت كمان يعم محمد انت عارف الظروف بقا والضغط اللي عليا
عم محمد:مالك يا جميله يابنتي
جميله :مش عايزه اتعبك معايا يعم محمد انت طول عمرك شايلنا وبتساعدنا من ساعت ما بابا اتوفي
عم محمد:متقوليش، كده يا جميله انا بعتبرك بنتي
جميله :ربنا يخليك لينا يعم محمد معلش محتاجه خمس الاف جنيه هارجعهملك في اقرب وقت
عم محمد :خدي اهم الخمس الاف جنيه وبعدين ماتقوليش هارجعهملك انتي بنتي
جميله :شكرا يعم محمد مش عارفه اقولك اي انا همشي بقا علشان ماما ماتقلقش
عم محمد :مع السلامه يبنتي سلميلي ع سهام ونور
جميله :حاضر يا عم محمد سلام
جميله روحت وادت الفلوس لنور وحضنتها نور:شكرا يا احلا اخت في الدنيا
سهام دخلت لنور الاوضه كنتي فين يبنتي اديتي اختك الفلوس دي منين
جميله :جبتهم من عم محمد وهارجعهمله ف اقرب وقت
سهام:انا عارفه يبنتي ان الضغط عليكي كتير وانتي مستحمله كل ده معلش يبنتي
جميله :ولا يهمك يا ماما
سهام:انا هسيبك ترتاحي يلا هقوم انا
جميله :ماشي يا ماما
اليوم عدي من غير احداث وعدت ايام كتير ع نفس الحال وجميله بتفكر ف حبها القديم اللي كان بالنسبالها صفحه واتقفلت وكمان بتفكر انها ازاي هاترجع فلوس عم محمد ونور مش بتفكر غير ف نفسها واصحابها وسهام بتفكر في مستقبل بناتها لحد ما جه اول يوم دراسه صحيت جميله بدري كالعاده ولبست وجت تصحي نور
جميله :نور اصحي هانتاخر
نور:مش قادره سيبيني نايمه
جميله :يلا علشان مدرستك ومش من اولها كده انتي ثانويه عامه
نور :يووووه حاضر
قامت نور وجهزوا ونزلو ركبو اتوبيس وجه المحطه اللي هاتنزل فيها نور ونزلت لكن جميله لسه مجتش محطه الجامعه بتاعتها. طلع الاتوبيس شاب غايه في الوسامه عضلاته مفتوله اسمه سليم قعد في الكرسي اللي جنب جميله جميله اتحرجت فضلت تتاخر الشاب حس انها مش مرتاحه قام وقف لان مكنش في ف الاتوبيس كراسي فاضيه غير اللي جنبها وفضل واقف لحد ماجت المحطه اللي هاينزل فيها وفعلا نزل وهيا نفس المحطه اللي نزلت فيها جميله علشان الجامعه ولحظت ان سليم ده معاها ف الجامعه لانها شافتو وهوا داخل الجامعه.
حضرت جميله المحاضره الاولي كان في بنت قاعده جنب جميله
البنت : هاي
جميله :هاي
البنت :ممكن نبقي اصحاب لو ده مش هايضايقك لان انا ماعرفش حد هنا خالص لان انا كنت ف جامعه حلوان ونقلت هنا جميله جامعه عين شمس السنادي
جميله :اها طبعا
البنت :انا تالا احمد عندي عشرين سنه كنت عايشه في حلوان بس عزلنا ونقلنا هنا مدينه نصر ف علشان كده نقلت جامعه عين شمس
جميله :اتشرفت بيكي يا تالا انا جميله فريد عايشه في المعادي مع مامتي واختي نور
تالا :بما ان المحاضره خلصت تعالي نروح الكافيتيريا
جميله اوكي يلا
راحو الكافيتيريا وفضلو يتكلمو ويتعرفو ع بعض اكتر لحد ما دخل الكافيتيريا بردو سليم
جميله شافتو اتصدمت هيا كل اما تروح مكان تلاقيه فيه
سليم شاف تالا والصدفه انهم طلعو عارفين بعض لان ابو سليم يبقي صاحب ابو تالا وسليم وتالا صحاب سليم راح لتالا
سليم:سلم ع تالا وحضنها هاي تالا اونكل اخباره اي
تالا :هاي سليم بابي بخير وانت واونكل عاملين اي
سليم :فل اي نقلتي الجامعه هنا
تالا :اها اعرفك ع صحبتي الجديده جميله
سليم بص لجميله هيا فعلا جميله اوي ورقيقه كده فضل سرحان في جمالها
تالا لقيتو سرح في جميله :سليم بقولك صحبتي جميله
سليم فاق ع صوت تالا ازيك يا جميله انا شوفتك فين قبل كده
جميله بخير الحمد لله اهاا انا فاكره ان انا شوفتك ف حته قبل كده
سليم :اها انتي البنت اللي كنتي في الاتوبيس افتكرتك
جميله :اهاا افتكرتك
تالا:طب اي يلا نقعد مع بعض
قعدو وفضلو يتكلمو واتعرفو اكتر وخلصو يومهم في الجامعه جميله كانت هاتروح لقت سليم بينادي عليها،سليم:جميله جميله
جميله:نعم يا سليم
سليم :انتي مروحه
جميله: اهاا
سليم: طب تعالي نروح مع بعض لو ده مش هايضايقك
جميله :طب يلا
ركبو الاتوبيس مع بعض وقعدوا المرادي جنب بعض وفضلو يتكلمو
سليم كان عاوز ياخد رقمها بس مش عارف هيا ممكن ماترضاش تديهوله
بس سليم قرر انو يطلب منها الرقم بس هوا مايعرفش ان هيا بائسه وهاترفض وحياتها بايظه من ساعت حبيبها اللي هيا كرهتو وكرهت صنف الشباب كلهم
سليم :بقولك يا جميله ممكن تجيبي رقمك علشان لو احتجت اي حاجه ف الجامعه لو مجتش في يوم وكده وبردو نبقي صحاب مقربين
جميله :انا اسفه يا سليم بس مش هاينفع
سليم :لي يا جميله, لي بتعملي فرق كده
جميله :علشان احنا مش هاينفع نبقي اكتر من صحاب هنا ف الجامعه وبس
سليم :اوك انا نازل وصلت
سليم نزل وبيفكر هيا لي جميله قلتلو كده و لي مش عايزه يبقي ليها صحاب ولي معندهاش صحاب في الجامعه غير تالا اللي لسه عارفاها النهارده جميله نزلت في نص الطريق تدور ع شغل لحد ما لقت شركه MSG للاتصالات والشحن ولقيتها فرصه حلوه وقدمت في الشركه دي واتقبلت وروحت فرحانه وزعلانه في نفس الوقت فرحانه انها لقت فرصه شغل حلوه وزعلانه من الماضي بتاعها وحبيبها القديم روحت قالت لمامتها ع الشغل الجديد وفرحو واحتفلو انها لقت شغل ودخلت اوضتها تفكر فضلت تفكر في سليم مش عارفه هيا بتفكر في لي بصفته اي فضلت تقول خلاص مش هافكر فيك انا قفلت موضوع الحب ده مفيش حاجه اسمها حب
فضلت تفكر لحد ما نامت تاني يوم صحيت هيا ونور كالعاده ونزلو ونور نزلت في محطتها وهيا كملت لقت سليم طلع قعد جنبها بس المرادي مقمش وسليم حاول يتكلم معاها
سليم :ازيك يا جميله
جميله :الحمد لله
سليم :انا مش عارف انتي رفضتي تديني رقمك امبارح لي
جميله :ممكن تقفل الموضوع ده
وسكتت وهوا سكت وصلو الجامعه مع بعض وتالا شافتهم جايين مع بعض
تالا:اوعا اي ده من ورايا كده وكابل وحبيتو بعض واي ده لابسين نفس اللون كمان
جميله :احنا اتقابلنا صدفه في الطريق وكمان اللبس صدفه
تالا :اهاا هاتقوليلي كله صدفه كده
سليم:بطلي رغي يبت ويلا روحي كليتك وانتي يا جميله في كليه اي تالا ردت :في اعلام معايا
سليم :اهاا مع بعض انتو يعني انا . في رابعه طب
جميله وتالا مع بعض :اهاا احنا هنمشي بقا المحاضره هاتبتدي باي يا سليم
مشيو وبردو تالا مقتنعه ان في حاجه بينهم
تالا :انتي مش ملاحظه ان سليم ع طول عينو عليكي
جميله :اي اللي انتي بتقوليه ده وبطلي رغي الدكتور دخل
المحاضره خلصت ولسه جميله بتقوم لقت ولد رايح نحيتها بيقول مش عارف اي القمر اللي بيطلع الصبح ده جميله :ماتلم نفسك يا استاذ انت
ومشيو جميله وتالا
تالا :اي يبنتي الواد مز اي اللي عملتيه ده
جميله:اسكتي خالص وراحو الكافيتيريا والولد راح وراهم هما قعدو لقيتو راحلهم تاني
جميله: لو سمحت قوم من هنا
الولد اسمه عمر :ولو مقومتش
مره واحده لقي سليم جه بيقولو افندم انت مين انت علشان تكلمهم كده عمر:واحد معجب يعم انت مالك انت
سليم :هوا اي اللي مالي انت شكلك اهبل وعايز تتربى
عمر:مسك ايد جميله يله يا قلبي
سليم:هيا مين اللي قلبك انت شكلك اهبل دي تخصني وضرب عمر وعملو خناقه كبيره جميله خافت سليم لاحظ ده اخدها في حضنه وقالو علشان تبقي تفكر او تلمس حاجه متخصكش تاني
اخدهم وخرجو من الجامعه تالا :جميله مالك اهدي كده
جميله:انا مش قادره انا لازم اروح
سليم :طب اوديكي للدكتور انتي بتترعشي كده لي
جميله :لا انا كويسه انا هاروح بس
سليم :طب انا هاروحك, تالا سابتهم وروحت وهوا ركب تاكسي هوا وجميله وهيا ماسكه ايدو من الخوف
وصلو ونزلو عند بيت جميله :شكرا جدا مش عارفه اقولك اي وقفت معايا كتير
سليم :ماتقوليش كده تاني احنا صحاب وفتح ايدو هيا حطط ايديها ع اساس ان هما اصحاب
سليم :بردو مش هتديني الرقم احنا صحاب اهو
جميله :خد اهو.... ، انا هاطلع بقا باي
سليم : باي
جميله طلعت مامتها لحظت انها تعبانه وكمان جايه بدري
سهام:مالك يا جميله فيكي حاجه
جميله : لا انا كويسه بس هادخل ارتاح
دخلت جميله وفضلت تفكر في اللي سليم عملو علشانها بس بتقول في نفسها عادي متفكريش كده يا جميله انتي لي بتفكري فيه كتير انسي
نامت جميله ترتاح ولما صحيت عرفت مامتها باللي حصل مامتها خافت عليها فضلت تدعيلها
سهام:ربنا يريح قلبك يا بنتي ويوقفلك ولاد الحلال ويرزقك باللي يستاهلك
جميله مردتش ع مامتها لانها قفلت قلبها خالص من ناحيه الحب والارتباط
بالليل جميله قاعده لقت تليفونها رن ردت: الو
سليم :الو يا جميله انا سليم
جميله :ازيك يا سليم، سليم:عامله اي دلوقتي
جميله:الحمد لله، سليم:ربنا يطمني عليكي
جميله :شكرا
سليم:انا هقفل بقا اشوفك بكرا في الجامعه
جميله :تمام باي ، سليم:باي
تاني يوم في الجامعه تالا شافتهم جايين مع بعض كالعاده
تالا :ازيكو يا شباب عامله اي دلوقتي يا جميله
سليم وجميله :الحمد لله
كل واحد فيهم دخل محاضرته وفي المحاضره تالا بتكلم جميله :شوفتي كل يوم جايين مع بعض وتقوليلي مفيش حاجه
اعملو فوت وكومنت بقا يا شباب علشان انزل الجزء التاني
