« Surprise បងនីក មាននឹក ខេតដែលទេ ? »
ទ្វារបន្ទប់ធ្វើការធំរបស់ នីកូឡូ បើកដោយមិនឲ្យសំឡេងជាមុនហើយ បង្ហាញខ្លួនស្រីស្អាតគួរឲ្យស្រឡាញ់ បានដើរចូលមកស្នាមញញឹមដ៏គួរឲ្យស្រលាញ់នៅលើផ្ទៃមុខស្រស់ស្រទន់ ក៏ប្រែទៅជាភាំងពេលឃើញ អាកប្បកិរិយារបស់អ្នកនៅចំពោះមុខទាំងពីរ ។
នីកូឡូ ងាកទៅមើលម្ចាស់សំឡេង គេឃើញ ខេតធឺរីន កំពុងសម្លឹងមើលមកគេ ដោយក្រសែភ្នែកភ្ញាក់ផ្អើល នាងឈរភាំងមិនកំរើក ចំណែក រ៉ាយ៉ា បើកភ្នែកធំៗមើលទៅស្រីស្អាតដែលទើបមកដល់ហើយប្រញាប់ងើបឈរវិញ ។
« មកបានខ្ញុំម៉េចកូនស្វា »
នីកូឡូ សួរប្អូនស្រីពៅព្រោះពេលនេះនាងគួរតែនៅទីក្រុងឡុង ។
« ជិះយន្តហោះមក គេតាំងចិត្តថានឹងមកផ្តល់ការផ្ញាក់ផ្អើលឲ្យបងធំ តែឥឡូវបែរជាបងធ្វើឲ្យខ្ញុំភ្ញាក់ផ្អើលទៅវិញ »
និយាយរួចក៏ដើរទៅអង្គុយលើកៅអីស្បែកទល់មុខតុធ្វើការរបស់បងប្រុស សម្លឹងមើលមុខបងច្បង និង មិត្តភក្កិរបស់បងថ្លៃនាង ដោយក្រសែភ្នែកមានសំណួរពេលឃើញបែបហ្នឹង នីកូឡូ ក៏និយាយ ។
« ចង់ដឹងរឿងអីក៏សួរបងមកកុំធ្វើមុខបែបហ្នឹង »
« ពួកបងទាក់ទងគ្នាតាំងពីពេលណា ? » ក្រោយពីបងប្រុសបើកដៃឲ្យសួរនាងក៏មិនចាំយករហ័សសួរភ្លាមតែម្ដង ។
« វាជារឿងអាថ៌កំបាំងរបស់បុគ្គល » និយាយហើយ គេងាកទៅមើលមនុស្សមុខក្រហម ដែលឈរក្បែរខ្លួនមិនមាត់មិនក ។
« អុញ...ហើយឱ្យខ្ញុំសួរធ្វើអីចុះ ? ហើយម៉េចក៏ខ្ញុំមិនដឹងថាពួកបងទាក់ទងគ្នា »
« បងកំពុងតែប្រាប់ឯងពេលនេះហើយតើ ! »
« ឈប់និយាយជាមួយបងហើយ ខ្ញុំសួរបង រ៉ាយ៉ា វិញល្អជាង... តោះយើង បងរ៉ាយ៉ា ទៅហាងកាហ្វេខាងក្រោមខ្ញុំមានសំនួរជាច្រើនចង់សួរបង »
រ៉ាយ៉ា ងាកមុខទៅសួរយោបល់ពីគេ នីកូឡូ ងក់ក្បាលជាចម្លើយហើយពួកនាងក៏ដើរចេញទៅ ។
...
« ឆាប់ប្រាប់ភ្លាមមកពួកបងទាក់ទងគ្នាយូរហើយនៅ ? »
ក្រោយពីអង្គុយទុកខាងក្នុងបំផុត បានកម្មង់ភេសជ្ជៈ និង អាហារសម្រន់រួច ខេតធឺរីន សួរទៅ រ៉ាយ៉ា ភ្លាម។
« អ្ហឺម.. ទើបតែទាក់ទងគ្នាទេ » រ៉ាយ៉ា ឆ្លើយតបដោយអឹមអៀនពេលប្អូនស្រីគេចាប់បានបែបនេះ ។
« អ្ហើយ!! បងនីក នេះគួរតែវ៉ៃមែន មានរឿងអីក៏មិនព្រមប្រាប់បងប្អូនឱ្យឆាប់ទេ »
ខេតធឺរីន និយាយដោយសំឡេងធ្ងន់ ធ្វើឫកពាឈឺចិត្តបន្តិចបន្តួច ដោយគ្រឺតក្នាញ់តិចៗ ចំពោះចរិតរបស់បងធំ ។
« កុំថាឲ្យគាត់បែបហ្នឹងអី គឺបងជាអ្នកហាមគាត់មិនឲ្យប្រាប់អ្នកណាទេ »
« អ៎...បែបហ្នឹងទេអីតែ បងរ៉ាយ៉ា កុំបារម្ភបើគាត់ធ្វើបាបបងត្រូវប្រាប់ខ្ញុំភ្លាម ចាំខ្ញុំការពារបង »
« យល់ព្រម »
ងក់ក្បាលតិចហើយញញឹម ស្របពេលដែលបុគ្គលិកលើ ភេសជ្ជៈ និងនំគួរឲ្យចង់ញ៉ាំពីរបីមុខចូលមក ។ កែវភ្នែករបស់ រ៉ាយ៉ា មានពន្លឺពេលឃើញនំសំណព្វចិត្តរបស់ខ្លួននៅលើតុ មុននឹងអោនញ៉ាំនំ ក្នុងចានដែលបុគ្គលិកមកឲ្យ ដោយឫកពាឆ្ងាញ់ពិសា ។
YOU ARE READING
អន្ទាក់ស្នេហ៍កាមទេព ( Season 1 )
Romanceនីកូឡូ ហាសាន់ អ្នកគ្រប់គ្រងសណ្ឋាគារដ៏ទំនើបនៅក្នុងប្រទេសបារាំង គេបានដាក់សំណើរ ទៅស្រីម្នាក់ដែលគេទើបហ្នឹងជួបលើកដំបូង ក្នុងថ្ងៃមង្គលការរបស់ប្អូនប្រុស ឲ្យនាងមកធ្វើការជាមួយគេនៅប្រទេសបារាំង... ស រ៉ាយ៉ា ជាម្នាក់ស្រីដែលចូលចិត្តចង់ស្គាល់ចង់ដឹងនូវរបស់ថ្មី នាងប...
