البارت الثاني..الكاتبة زهراء جواد
الضابط والمجهوله..
_____________♡______________
سبحت ونزلت..بابا جايب عامل مال حديقه وجايب شتلات وورد جوري......
بعد مرور شهر..
هيف..حبيت نورهان ورنده وصارن احلا صديقات بس نرجس ماتنسي..وتعودت على مشاكل مسره كل مره
تسوي مشكله النه وهيه توكع بيها وكم مره رادت المديره تفصلها من المدرسه....
..
بيوم جان اخو نورهان راجع من السفر دارس بأمريكا ومتخرج وراجع اليوم واهله مسويله عشا وعازمينه
امي كالت ماروح ابوج يتأخر انتي روحي..طبعآ صعدت لبست تنوره بنصل لونها اسود..لوني المفضل هو الاسود
لذالك اغلب ملابسي سود..وقميص ذهبي نص ردن شلت شعري ذيل حصان او ورده..رشيت عطر ونزلت
ماما طالعه
هناء..مو تتأخرين
هيف..ماشي..طلعت رحت لبيتهم شفت رنده سلمت عليها ورحنا سلمنه على نورها اشكال الوجوه خوالهم
وعمامهم وخاصة البنات موتني كل وحده مخليه راسها بالطحين كلهن زغار والمكياج كامل مكمل اجه ولد
كاشخ ولابس بنطرون اسود..شهل صدفه وقميص زيتوني سلمن عليه..همست لرنده..منو هذا
رنده..حالي حالج ماعرفه
هيف..صفن علينه اني ورنده وكال
مهيمن..ذن الحلوات منين
هيف..اني ورنده وحده تصفن بوجهه الثانيه عاد نورهان جاوبته
نورهان..ذن صديقاتي اني عزمتهن
مهيمن..يهلا
هيف..رنده..هلا بيك
هيف..صار وقت العشا وصبينه عشا وكعدنه كلنه سوه ولد وبنات عدهم عادي اني ورنده بالزاويه وكأنما
منعزلات..رنده كالت
رنده..ولج ياعزا الصخمني لو مجايه لو اعرف هيج كلهم سوى جان ماجيت ولا فكرت اجي اصلا
هيف..شمدريني اني هم ماجي لو ادري انلاصت علينه
رنده..خل نتعشه بسرعه ونطفر
هيف..شلون طفرين وجيش الكوفه كدامج..هاي رنده ضحكتها فضيحه ماتكدر تتحمل جان طكها بضحكها
وكلهم التفتو النه كرصتها..فضحتينا يا اأمي
رنده..ولج ماكدر تعرفيني ماتحمل
هيف..عاد صدك كملنه عشا غسلنه كم ماعون وطفرنه
كبل صعدت سبحت شسورت شعري ونزلت كعدت
على التيفي
مجيد..بعد اسبوع امتحانات اخر السنه
هيف..صدك..ماسويت جدول
