🍎 الحلقة ١٢ 🍎
🍎🍎🍎🍎🍎🍎🍎🍎🍎🍎🍎🍎🍎🍎🍎🍎
.
شمس / خالى هو لية بيقولك خالى
لينا / يعنى هيقولو اية غير خاالى
زياد بيخبى الضحكة و شمس بتبصلهم اوى باستغراب
لينا / مش عندكو فى مصر برضو بتقولو خالى
وبيضحكو و زياد بيشيل فهد فى حضنو
زياد / فهد بيكون ابن لينا اختى يعنى هيقولى اية
شمس بتقف
شمس / انتى لينا بنت خالتو
لينا بتضحك والكل بيضحك على شمس اوى
سراج / اهو الهبل بدا
ابتسام بتضرب سراج على صدرو و شمس بتضحك و زياد بيبص على ضحكتها الى منورة وشها و شمس بتبصلو اوى
شمس / هروح اجيب الحلويات
هاني بيجيلو تليفون وبيروح البلكونة بيتكلم و مريم بتروح علية و هاني بيقفل التليفون
مريم / لية قفلت التليفون اول ما دخلت
هاني / دى مكالمة تفاهة ملهاش اى معنى
مريم / ازاى يعنى مش فاهمة
هاني / ممكن انتى متشغليش بالك الجميل دة
مريم / ممكن تسبنى اشغل بالى وتجاوبنى مين الى كان بيتصل بيك
هاني / انا حاسس من كلامك بعدم ثقة
مريم / لا بس حبة اعرف
هاني / دى واحدة بقلها كام يوم كدة بتتصل بيا معجبة
عادى يعنى بس مجنونة شوية
مريم / معجبة
هاني / اة يعنى من يومين بعتالى ساعة من الالماس كهدية
وبتقول انها بتحبنى وعوزة تتجوزنى
مريم / ولية مرمتهاش فى وشها
هاني / مش لما الاول اشوف وشهاا
مريم / وكمان عاوز تشوف وشهاا
هاني بيضحك
هاني / حببتى الغيرانا علياا
مريم / هاني بلاش هزار فى الموضوع دة
هاني / حاضر خلاص متتعصبيش
مريم / وانت لازم تغير رقم التليفون
هاني / مريم مش للدرجة دى يعنى
وابتسام بتروح عليهم
ابتسام / اية ملكو فى اية
مريم / مفيش حااجة
وبيدخلو هم التلاتة وبيقاعدو و شمس بتقدم للينا الحلويات
لينا / شكرا يا مرات اخويا
شمس بتبصلها اوى و زياد بيبص لشمس وبيشوف تعبير وشها بعد كلمة لينا و شمس باين عليها الصدمة من الكلمة
