هلا والله اشونكم شخباركم انشالله بالف خير كل عام وانتم بالف خير انشالل اشوفكم باعله المراتب يارب اعتذر وارجع واكول مجاي اشوف الدعم المناسب واذا شفت دعم حلو من تخلص هاي القصه راح انزل قصتي اني وزوجي وبسس يلا تعالو انشوف لو نسيتو شراح يصير ويه ابراهيم يلا تعالو
مؤلم ان تودع اشياء لاتتمنا ان تودعها يوما....
ابراهيم: جنت نايم فزيت علا صوت الموبايل
ابراهيم: الو،،،
ابو احمد: هلا عمي ابراهيم اشونك اشون صحتك
ابراهيم: هلا عمي الحمد الله انته شونك
ابو احمد: الحمد الله بويه اني حجيت ويه بنتي وتعال بعد انته واسمع الجواب بس هيه كلتلي موافقه
ابراهيم: عمي العصر اني يمكم وايصير خير
ابو احمد: اهاا هلا بيك بويه
ابراهيم: في امان الله
ابو احمد: الله وياك
الكاتبه: وهسه خلي انشوف البنيه الي طوه هديه منو هيه تعالو نتعرف عليه
زينب: مرحبا اني زينب عمري ١٩ سنه ادرس معهد فنون جميله مرحله اولا شكلي بشرتي بيضه عيوني لونهن اسود وكبار خشمي حلو وحلكي زغير يعني شكلي عادي واني طولي ١٥٨ ولاسمينه ولاضعيفه وسط طبعي هادئه كولش يعني عندي يوم كامل مااحجي عادي وماعندي صديقات ولااصدقاء بعض الناس ايكولون اني مغروره ومتكبره بس اني مو هيج المهم ونسيت اكلكم اني مريضة قلب بعد الي صار والي قريتو فوك اجه بابا عليه بليل وكعد يمي وكلي
ابو احمد:بنيتي زينب انتي عرفتي اشسوه اخوج
زينب: نعم بابا
ابو احمد: ابنيتي اني ردت اتشوفين حياتج وانتي تدرين بنفسج مريضه واني يابابا ماعندي اعالجج واوديج دكاتره وبعد سالفت اخوج،،،
زينب: بس بابا اني
ماريد اروح للدكتور والااعمار بيد الله اريد بس ابقه يمكم
ابو احمد: بابا اني انطيتج هديه لولد خوش ولد ومتمكن والولد العصر يجي ياخذ رئيج وانتي راح تكليله موافقه افتهمتي اني تعبت وماكدر احمل مسؤوليتج روحي ازوجي احسلج بابا وهاا تره اذا ماوافقتي محد بعد يزوجج لان سمعتنه من وره اخوج صارت بلكاع
زينب: بابا اني ماريد ازوج اريد اكمل دراستي واني من اكبر اعالج نفسي بابا الله ايخليك لاتعوفني
ابو احمد: اسمعيني زين اني ماعندي الولد من يجي تكليله موافقه وبسس افتهمتييييي بصياح وخله وطلع
زينب: الكلام الي كاليا ابويه جان كولش جارح وماجان عندي حل غير الزواج بش شنو ذنبه هاذه الولد ياخذ وحده مريضه وكل عاده كمت اتوضيت واتجهت لربي اشكي همي بقيت اصلي واقره قران بعده اجتني ماما ماما مجان بيده شي حضنتني وكامت تبجي بس اني بينتله انو اني مابيه شي باوعتله
وابتسمت ماما حبيبتي هههه ليش تبجين اني موافقه ولاتخافين مابيه شي
ام احمد: بنيتي كافي اضمين بكلبج اني امج احجيلي اشكيلي تره يمه لمعة عيونج فاضحتج بعد امج لاتضمين بكلبج مو من كد هاذه لشي حته تمرضتي ياماما
