The Day He Said Goodbye

VIII

cai_gonxxx replied to your story: For as long as you want Gabriela Louise Reyes.

Dalawang araw ko na tinititigan yung IG message ni Cai. I couldn't believe what just happened. Cai just followed me and replied to my IG story. At hindi simpleng IG story lang, but it involved him. Nakakahiya. Nakakabigla. Paano kaya niya nalaman IG ko? Well pwede naman sinearch nya sa mga followers ni Art, but the idea na he looked for it, hindi ko rin mapigilan kiligin.

Dahil nga hindi ko alam kung ano next move ko after following his account, l just left his message with no response. And I felt dumb kasi wala akong kaalam-alam with flirting and stuff. Dapat kasi andito si Sal para turuan ako eh. Dalawang araw na rin di siya umuuwi dito. Muntik na namin ireport si Sal sa police buti na lang nagparamdam siya sa gc. Naaya daw siya sumama magswimming ng nakilala niya nung Sinulog at uuwi siya tonight. Ito talaga si Sal kung kani-kanino lang sumasama.

Gusto ko sana ishare kay Carmi yung dilemma ko kaso nahihiya pa rin ako sa kanya dahil pinag-alala ko siya nung isang araw.

"Gab naman alam mo naman nagkakaaltapresyon pa rin ako sa tuwing di umuuwi si Sal, pati ba naman ikaw." Napamasahe siya sa sentido niya.

"Sorry na, nakatulog talaga ako."

"Nakatulog?! You slept in a STRANGER'S house. Sinong di mag-aalala nyan Gabriela Louise Reyes." singhal pa niya. Required ba talaga complete ang name pagpinapagalitan?

"Sorry na. Kang Cai naman ako nakitulog. Di ba nga sabi ni Art he's nice and you even said you're not worried."

"I said I was not worried because Art assured me that he's nice and gonna bring you back not until hindi na kita macontact. Pati si Art nahirapan icontact si Cai. Gosh kung ano-ano na iniisip ko. Kahit pinsan pa siya ni Art, he's totally a stranger to us." I understood yung pinanggagalingan ni Carmi. She's like the ate sa amin magpipinsan kaya natural lang na concern siya sa amin.

"Sorry na. I promise not to make you worry again. Samgyupsal you want?" I hugged her back.

"Kailan ka pa natuto mag-bribe Gab?" lumingon siya at pinagsingkitan niya ako ng mata. Natawa ako. Natawa na rin siya.

Buti na lang maraming pinapagawa ngayon sa school kaya naisantabi ko muna yung worries about how to reply kay Cai.

Busy kami ngayon dahil may iniwan na seatwork yung prof namin. May emergency meeting ata yung mga professors ng department namin. As usual si Art yung pinagsabihan ng prof tungkol sa activity na gagawin namin.

I was busy thinking of ideas nang narining ko yung dalawang classmates sa gilid ko na nagtitilian. Napalingon ako sa gawi nila. Mukhang iba yung pinagkakabusyhan nila while looking at Adin's phone. Napansin ata ni Adin na nakatingin ako kaya napalingon siya at tinaas niya yung phone niya.

"Ang daming yummy sa SBU girl." sabi niya habang hinahatak yung braso ko para mas lumapit sa kanila.

"Pili ka girl." aya pa ni Gel habang hinahampas yung balikat ni Adin. Napapagitnaan na namin si Adin habang nagbabrowse siya sa phone niya.

Akala ko kung ano-anong paninda yung tinitingnan nila sa phone yun pala photo compilation ng mga heartthrob sa Saint Benedict University. Napasapo tuloy ako sa noo ko.

"Add to cart na this."sabi ni Adin habang nag-haheart react sa photo ng SBU student na naka-med uniform.

"Ako din pa ship nito hahaha." Tawang-tawang sabi ni Gel nang malipat yung photo sa isang naka-pilot na uniform. Napailing na lang ako ng ulo ko. Tong dalawang toh hindi pa rin nagbabago ng hobby. Minsan nga dinadamay pa nila ako sa kalokohan nila. Nung nakaraang founders day kaya kaming tatlo yung nakatuka na magbantay sa stall ng block namin. Sa halip na tulungan ako sa paglilista ng inventory, hinatak ba naman ako para mag-rate kami ng mga lalaking dumadaan sa stall namin. May pakulo pa nga yung dalawa na ipasulat ang pangalan at number ng mga bumibili dahil may papromo daw kami. If I know namimingwit lang ng makakatext tong dalawang toh.