أحفاد فرعون

المقدمه 1

#أحفاد_فرعون (المقدمه)1

في قصص تصير في حياتنا خطيره! لو سمعوها الناس رح يقولو ان الشي هاذا يصير في الافلام بس.
لكن الواقع ان القصص هاذي تقعد اسرار بين ناسها
وأحيانا تندفن معاهم ...لو فجآه انكشف سر والسر هاذا يعني ان يفتح على عيلتك وعشيرتك كلها ابواب جهنم!! شن يصير؟
لو الناس يسمعو ان الخير هوا نفسه شر !؟شنو يصير
لو تلقى فجآه الذ اعدائك ملك وزعيم عليك؟شنو يصير!.....ممكن الجميع ينهار في لحضة ضغط!
لكن هل الشي هاذا يصير مع احفاد فرعون؟؟؟

سدره:الولد يلي كان عمره دقايق وخنبته من عيلته !
الولد يلي نفذته من الموت وهوا عمره ثواني مستحيل!!!....متوقعتش في يوم نشوفه هكي !لاااااا
غالطين لا مش نفس الولد !!!
وقفت مذهوله قدامه!!اليوم متوقعتش نشوفه نفسه ال.........

___________________________

سنة1990:-

سدره:وجها اصفر وترجف مع بعضها ...ششن تحكي انتي تبيني نقتلها ونقتل صغارها؟😰
سليمه:اسمعي يابنت وافهميني كويس امك معروفه هيا يلي ولدت نساوين المدينه كلهاوامك عندها علم ان ضرتي حامل بي توأم ومتبيش تقول لي حد حتى من راجلها خايفه من العين
ضرتي تعيط داخل وتخبط اليوم موعد ولادتها
سدره:لا مستحيل منقدرش انا لو ماما مكانتش مريضه مستحييييل نجي
سليمه:مسكتها بقوووه....تعاااالي هنايا وافهمي كويس شنو بديري
بنخش انا وياك بس للغرفه ولديها لو التوأم طلعو بنات خليهم
ولو طلع ولد وبنت لازم نتخلصو من الولد بأسرع طريقه والجنين التاني يقعد ومفيش حد رح يصدق انها كانت حامله بي توأم لان مقالتش لي حد لازم يفهمو انها مجنونه
سدره:تبكي وترعش...مستحيييييل ولو طلعو الزوز ولاد😭
سليمه:الزوز يموتو خنق 😡...بسرعه خشي.....ودفتها لي غرفة النوم .

____________________

برا غرفة النوم :-
كانت مدينه بحالها تراجي في ولادة ولي عهد العيله هاذي❤️العيله يلي معروفها بي هيبتها ورزقها وحسبها ونسبها ...اول حفيد ذكر يجي للعيله هاذي
خصوصا ان كبير العيله تزوج للمره الثاني عشان يحصل الولد
الكل على اعصابه ويتمنى يلي يجي ولد وقتها مدينه كامله رح يتوزع عليها فلوس ورزق وخيرات لي سنين وسنين
ولو طلعت المولود بنت زي العاده مش رح يحصلو شي!

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

سليمه:دفت سدره بقوه
سدره:خشت تشوف لي نادره يلي كانت راقده ع السرير وتتألم
نادره:اااااااه ااااااه الحقيني ياعمتي مني بنمووووت
سدره:مسحت دموعها....امي تاعبه متقدرش تولدك جيت انا بدلها
نادره:كانت عرق مع بعضها وشعرها متناثر عقدت حواجبها وعلامات الالم ع وجها ....ااااااه كككيف نبي امممك ناديها منبي حد ااااااااه
سليمه:اسكتي توا مش وقته هيا سدره المرا خلاص
سدره:قامت كمانها ونادره استسلمت لان الوجع كان رهيب💔
بدت سدره تحاول تولد فيها ونادره تحاول تاخد نفسها واطلع صغارها قد ما تقدر لين طلع البيبي الاول ❤️
سليمه:خيرك ميبكيش؟؟
سدره:قامت راسها بي صدمه...بنيه بنيه ومتوفيه
سليمه:بسررررررعه شوفي التاني
نادره:لاااااااات بنتي 😭😭😭
سدره:خودي نفس وادفعي نادره عشان البيبي التاني حاولي هياااااا
نادره:حاولت مره واثنين وثلاثه لين اخيرا قدرت وطلع بيبي يبكي بصوت عالي ❤️
نادره:ابتسمت وعلامات الموت على وجها....ولدي ولدي ...
سدره:تشوف لي نادره وترجف
نادره:ولد صح؟؟ولد
سدره:هزت راسها بمعنى اي
نادره:نزلو دموعها وسكرت عيونها وهيا مبتسمه ❤️براحه
سليمه:هااااااتيه ....وانتزعاته من يديها ...لفت يديها على رقبة البيبي الصغير يلي عمره دقايق💔
واول ما حاولت تختقه دفتها سدره بقوه
سدره:لا بالله علللللليك لا وراس امك انا ناخده ونطلع بيه من المدينه هاذي كلها بس انتي متاخديشي وراس امممممك لا وربي الليل معاد نقدر نرقده 💔💔
سليمه:كانت داهشه وتشوف لي سدره وكأنها تفكر
سدره:ارجوووووك وربي ما نحكي لي واحد
سليمه:تمام توااااا تطلعي من الباب الخلفي ولو سمعت شي اعتبري روحك ميته سامعه
سدره:هزت راسها بسرعه وخدت البيبي يلي كان يبكي
سليمه:وقفت ماسكه بطنها لانها حتى هيا حامل في الشهر السابع....ضرتي جابت بنت متوفيه
مفيش توأم للبنت هيا سامعه ولا نعاود؟؟
حتى لو فاقت وحكت هكي لازم تكدبيها ورح يقولو من الصدمه لانها مجابتش ولد
سدره:لفت البيبي في حضنها وملامح وجها واضح مرعوووبه💔💔....طلعت بسرعه من الباب الخارجي وشقت طريق الحوايز الساعه 11في الليل بروحها وفي حضنها ولد مقعدش مع امه حتى 10دقايق 💔.

__________________________

سنة2016:-
ساجده:نفس المشوار الطويل كل مره !!
يدي على خدي في السياره ونتفرج ع النجوم ❤️
لين اخيرا وصلنا لي مدينتي ❤️❤️❤️
نتفرج على مبانيها يلي حفضت اثآرها ومعالمها
ابتسامتي اختفت 💔....لما شفت الحوش الكبير يلي قداامي
حوش الشر يلي الكل يتشاأمو منه !!! ولما يسمعو اسمهم يركبهم ستين عفريت!!
كله ضلام وسيارات يخوفو مدرسات بكرا اكتر من12السياره
مفيش حد يقدر يتكلم بسبب نفوذهم وتجارت مدينتنا الكبيره تحت يدهم ويساعدو في الشي هاذا تقريبا الشي هاذا الوحيد يلي مدايرينه خير في حياتهم!! لعند امتى بس؟؟لعند امتى بيقعدو خط احمر ومفيش حد يقدر يقربهم وواعرين هكي احفاد فرعون؟؟؟؟.
الاساطير والشائعات هلبا !كل واحد يقول كلام
فيه يلي يقول جدهم ملقب بي فرعون بسبب اجرامه وتكبره
وفيه يلي يقول جدهم عنده عرق من فرعون بحد ذاته
كله تفتفيت زايد بس الحقيقه يلي محدش يقدر يغيرها ان لعند نهاية الحياة رح يقعد اسمهم احفاد فرعون بنفس السمعه وبنفس الشر !🔥

خذيت نفس عممميق وطلعته بضيق لما خطر ع بالي سيرتهم لكن بسرعه ما ابتسمت ❤️ونضرتي تغيرت لي فرح ❤️لما شفت الحوش الكبير يلي معبي ضي من برا العيله يلي حاكمه البلاد بحالها❤️
العيله يلي مستحيل يدخلو قرش حرام والناس كلها تحبهم ...اخيرا وصلت لي حوشنا ❤️
وصلت لي حوشنا اخيرااا او بي معنى اصح شقه من مملكة جدي لان مشاء الله من كثر عائلتنا جنب بعض قريب نديرو قريه بروحنا 😂❤️
عدلت وشاحي وانا مش مصدقه ان بنرجع لي حوشنا وخلاص الكابوس انتهى لين سمعت صوت خلفنا يقول
-وقف السياااااره يا باش مهندس
ساجده:تلفتت بسرعه شفته نازل من سيارته !
حفيظ(اب ساجده):شنو معش تعرفني ولد منو ولا كيف ؟
احمد:يمضغ في المستكه بي استفزاز ونضراته حاده.....شفتك من بعيد نسحابك واحد من الصيع يلي كاثرين الايام هادم
حفيظ:يلقح....واضح هنايا من الصايع ومن يلي لا
احمد:قال منذر حراره دور دور ولي ...كمل طريقك مدور شي
حفيظ:ع الاقل مفروض تحترمو الناس الكبيره يلي تفوت من هنايا مش معقوله كل حد بتحققو معاه!
احمد:عطاه بضهر كمل طريقه وقام يده يحرك فيها بمعنى....فتفت لصبح
حفيظ:ركب سيارته متكنننننطي ...عارف ان احفاد فرعون يديروله في اللقطات هاذي بتعمد هوا وخوته عشان يستفزوه وتصير حرب بين العيلتين ويربح القوي ويحكم لكن حفيظ قدر يسيطر كويس على اعصابه
ساجده:من احفاد فرعون صح؟
حافظ:اي اعود بالله منهم
ساجده:سكتت شويه....هاذا مالك؟؟
حافظ:هه مالك؟الله لا يوريك مالك....يتبع