باعوني لك وانت رضيت وشفت انواع الذل فيك // للكاتبة جنـــ انثـــــى ــون كاملة

الجزء التاسع والعشرون

البارت التاسع والعشرون:

بعد ماأخذتلها شور ومسحت مكياجها وكل شي انسدحت على السرير ودمعت عينها

سمعت صوت الباب ينفتح مسحت دمعتها بسرعه وغمضت عيونها

دخل نواف بعد مارمى شماغه وثوبه دخل الحمام ياخذله شور ويريح اعصابه فيه"ياربي سحر ليش سوت كيذا وش تبي مني يعني مااخلص من فجر تجيني عله ثانيه"
طلع ولبس بيجامه سوداء انسدح على السرير لف لمى جهته:لمو نمتي.

لمى:............ .(لارد)

نواف قرب وجهه من وجهها باقي اصبع ويلصق خشمه بخشمها

لمى دفته:لا تحاول تقرب مني طيب.واخذت مخدتها وراحت تنام بالصاله

(بغرفة نوف)

اندق الباب

نوف:تفضل.

دخلت وبطفش:اوف نوف وربي طفشانه وش رايك نقرقر.

نوف:وش نقرقر ذي اسمها نسولف.

رمت نفسها على السرير:الزبده.

نوف:بنام انا روحي قرقري على احمد.

لمار بإحراج ترمي المخده عليها:كلي تبن الشره علي جايه اقرقر معك.

نوف:ههههههههه اسمها نسولف نتكلم تمام.ومسكتها مع يدها:إلا اقولك وش صار معك انتي واحمد.

______________________________

(قبل ساعات)

لمار:ماما خلاص انا وقعت مو لازم اشوفه صح..تكفين ماما خايفه مبي اروح.

ام نواف بحنان:انا معك لاتخافي.

ميس بهمس:لا لا ياويلك ترى احمد بياكلك ياويلك لا تروحي.

لمار قرصتها:ياحيوانه..ماما شوفيها.

ميس:ماسويت شي ياعمه.

لمار:يابريئة.

ام نواف:يلا صدقيني مراح يصير شي..ماياكل هو.

بعد محاولات واقتناعات وافقت

(بالمجلس عند احمد)

بعد مالبسها الدبله وقطعو الكيكه وكل شي

بقيوا لوحدهم

احمد:كيفك لمار.

لمار بإرتباك:بب بخير.

احمد:وانا الحمدلله بخير.

لمار ولعت إحراج لانها ماسألته

احمد:ايه صح بسألك..بس ارفعي راسك.

لمار"وشدخل راسي بالسؤال"

احمد قرب منها ورفع راسها:الحين الصباح انتي والبنات كنتم تصارخوا بالممر عند الغرف وش السالفه سألت ميس قالتلي خل لمار تقولك.