برمجت قلبي

برمجت قلبي ١

الفصل الأول :
تبدا قصتنا بصوت رصاص صوب علي عجل سيارة أدهم الالفي المارة بالطريق الصحراوي و يفقد ادهم السيطرة علي القيادة و تنقلب به هو و زوجته و ابنته و تقف احدي السيارات بها رجل و عائلته وقف بعدما وجد السيارة علي وشك الانفجار
الرجل لزوجته : ايه ده فيها ناس
زوجته بخوف : الحقهم طيب
هند بتعب : بنتي الحق بنتي ارجوك
الرجل : حاضر حاضر
هند : و خد التليفون عشان تتواصل مع جدها ، و اعطته الهاتف
و اخذ الرجل حبيبة و جاء ليخرجهم و لكن انفجرت السيارة و حبيبة فاقدة للوعي اثر الخبطة
و علي جهة اخري و هو مبني المخابرات المصرية يصل جواب للواء مراد الالفي
محتوي الجواب :
( قولنالك ابعد و انت طنشت ادي قرصة ودن صعبة شوية بس معلش )
مراد بقلق : يا تري حصل ايه
ويطرق باب مكتبه و يأذن هو للطارق بالدخول
....: سعد باشا مستنيك فمكتبه يا سيادة اللوا
مراد : انا جاي
و ذهب مراد لسعد و هو رئيس المخابرات في ذلك الوقت و دلف مراد بعدما اذن له سعد
مراد : صباح الخير يا فندم
سعد : اعد يا مراد انا عندي خبر سئ ليك
مراد بقلق : ايه هو
سعد باسف : للاسف عربية ابنك اتعرضت لضرب نار علي الطريق الصحراوي و انفجرت
مراد بعدم تصديق و خضة :ايه اكيد لأ طبعا
سعد : اسف بس ده اللي حصل بس هما ملقوش غير جثتين بس و كانوا متفحمين و كانوا ابنك و مراته
مراد بلهفة : و حبيبة
سعد : ملهاش اثر
مراد :يعني ايه
سعد : احنا هنعمل كل اللي هنقدر عليه
و في هذه الاثناء طرق باب مكتب سعد و اذن بالدخول
دخل المقدم علي الاسيوطي بلهفة : سيادة اللوا في تليفون وصل لسيادتك واحد بيقول انه هو اللي انقذ حفيدتك و ملحقش ينقذ ابوها و امها و هي معاه دلوقتي فالمستشفي
مراد بلهفة : بجد
علي : اه و الله و اداني عنوان المستشفي
سعد : طب يالله بسرعة و خد بالك يا مراد محدش يعرف انها عايشة عشان حياتها متبقاش في خطر
مراد و هو يخرج : حاضر يا فندم
و بعد ساعة وصل مراد المستشفي
مراد بلهفة : حضرتك اللي كلمتني عشان حفيدتي
الرجل : اه حضرتك اتطمن هي كويسة بس اغمي عليها من الخبطة
مراد بدموع : انا مش عارف اقولك ايه بجد شكرا
الرجل : علي ايه يا فندم اسف البقاء لله
مراد و هو علي وشك البكاء : البقاء لله وحده
و بعد اسبوع و تم في هذا الاسبوع دفن ادهم و هند و بقيت حبيبة في فيلا جدها بعيدة عن الانظار
مراد بحزن : بيبو حبيبتي مش انتي بتحبي جدو
حبيبة ببكاء : ايوة يا جدو بس ماما و بابا وحشوني اوي
مراد بحزن : حبيبتي بابا و ماما عند ربنا دلوقتي بصي ايه رايك نروح البحر
حبيبة بطفولة : ماشي يا جدو
و كان اشتري مراد جزيرة تابعة لليابان و اسماها (حبيبة القلب) حتي تعيش بها حبيبة بعيدا عن الانظار
و اخذ مراد حبيبة للجزيرة و كانت معها دادة اميرة لتتولي تربيتها و كان جدها يذهب لها كل شهر ليطمئن عليها و كانت تتدرس مريم بالجزيرة و تذهب لاحد المدارس المشهورة في اليابان علي مواعيد الامتحانات و عندما اتمت سن العاشرة اصبح جدها يأتي لها كل شهر و معه احد اكفأ الضباط في المخابرات في جميع المجالات فكان المقدم علي الاسيوطي احد اكفأ الضباط في فك و تركيب القنابل و المقدم ليث عبد السلام من اكفأ الضباط في التصويب و هكذا و قام بتعليمها العديد من الرياضات و تعلمت الكونغ فو و التايكندو و الكاراتيه و كان تفكيرها ذري و مرت السنوات والتحقت بكلية هندسة كمبيوتر قسم برمجة و عاشت حياتها علي هذه الجزيرة
بعد مرور عشرون عاما من وفاة والدي حبيبة فاصبحت في عامها ال25:
(نركز شوية كدة اللي فات كان من عشرين سنة دلوقتي المقدم بقا لوا و اللوا بقا رئيس المخابرات و نكمل)
في مبني المخابرات المصرية يقف فريق الفهود السوداء و يطالعهم اللوا حسن الكيلاني بفخر
اللواء حسن : شرفتوني يا فهود المهمة نجحت كالعادة
احمد: الفضل لسيادتك بعد ربنا يا سيادة اللوا
حمزة : شكرا يا باشا
عمر : الشكر لقيادتك يا باشا
مهاب بمرحه المعتاد : بص هما شكروك بس انا عايز مكافأة الولية حماتي قارفاني
حسن بصرامة مزيفة : مهاب
مهاب : ابوس ايديكوا البت هتروح من اللي خلفوني
حمزة : خلاص شكلنا مش هنخلص منك نستأذن احنا يا باشا
حسن : اتفضلوا و بكرة تجوا بدري عشان المهمة الجديدة هينضم ليكوا فرد جديد مهندس كمبيوتر جاي من اليابان
الفرق : تمام يا فندم ، و ذهب الفريق و هم ينوون الاحتفال بنجاحهم
ملاحظة: حسن بيعتبر حمزة و احمد و عمر و مهاب زي عياله بس هن صارم فالشغل
قرر الفريق انا يجلبوا طعام جاهز ما يسمي (بالسمين 😂😂)و ذهبوا لشقة يتجمعوا بها و ....
مهاب : جماعة كلوا كويس عشان هنتصبح بواحد يقولنا نيها
عمر : لا و انت الصادق ده هنتعامل معاه ازاي تلاقيه قصير و عنيه ضيقة و ابيض و هيتعاكس و هو ماشي معانا
حمزة : انا خايف ليتحفل علينا و ربنا
احمد : فككوا احنا هنظبته
حمزة :علي رأيك ده احنا الفهود
مهاب : بقلكوا ايه تيجي نعمل سيم
حمزة بملل :اتفضل يا تافه
مهاب : احنا نسموا الواد ده سوسن
و ظلوا يسخرون من هذا الياباني
مهاب :يالا نلعب طاولة و لا كوتشينة
و ظلوا يلعبوا و لاول مرة خسر حمزة و استحلف له الجميع
حمزة بمرح : طب اشباب سلامو عليكو انا
احمد :اقفش انت رايح فين يا شبح حلق عليه ولا انت و هو
حمزة : انتو هتعملوا ايه يا شباب نهدي كدة
مهاب : داحنا هنريحوك خالص
حمزة : طب اهدوا انا عندي حل
عمر : قول يباشا
حمزة : انا هعزمكوا علي الفطار بكرة و يعوض عليا ربنا
احمد و عمر و مهاب نظروا لبعض بشر ثم رددوا سويا : موافقين بس بشرط
حمزة : قولوا
مهاب : هنفطر فول و طعمية و ، و اكمل عمر : و مسقعة و بيض ، و اكمل احمد : و سلطات و بيبسي و رز بلبن
حمزة : ليه يعني هو انا ورثت و لا ايه
احمد بصرامة : بتقول حاجة يا حمزة
حمزة بقرف : بكح ربنا مايحكمكوا علي حد جتكوا الارف عيال واطية يالا روحوا اتخمدوا عشان نقابل سوسن ده بكرة
و ذهبوا جميعا في سبات عميق
في فيلا مراد الالفي :
كان يحدث مراد مع حبيبة عن طريق السكايب بغضب
مراد بغضب : قولت لأ يا حبيبة
حبيبة برجاء : ارجوك يا مراد انا بجد نفسي انتقم انا ابوياو امي ماتوا يعتبر قدامي امل كنت بتعلمني الفنون القتالية السنين اللي فاتت دي كلها ليه
مراد بحزن : يا حبيبة انا خايف عليكي
حبيبة : طب انا عندي اقتراح
مراد : ايه هو
حبيبة : متقولش لحد اني حفيدتك و كدة مفيش خطر عليا
مراد باقتناع فهو علم انه ظلمها بعزلتها هذه : ماشي يا حبيبة بس هما وصلولك ازاي
مريم باحراج : ممكن اعترفلك بحاجة بس متتعصبش
مراد بتوجس : عملتي ايه
حبيبة : الصراحة انا من سعة ماتخرجت و انا بشتغل مع المخابرات بس من اكونت وهمي و محدش يقدر انه يتعرف عليا عشان انا امنت الشبكة بتاعتي كويس
مراد بغضب : من ورايا يا حبيبة و انا ازاي معرفش كل ده اذا كان انا رئيس المخابرات يعني انتي الواد اللي بيساعدنا صح ازاي
مشكتش فيكي
حبيبة : عن طريق سعد هو الوحيد اللي عارف (سعد بقا وزير الدفاع )
مراد : انا هكلمه و هستناكي بكرا هتيجي امتي
حبيبة : انا جاية الفجر يا ميمو
مراد : ماشي يا حبيبة تيجي بالسلامة
حبيبة : باي يا مراد يدوب اقفل عشان اجهز
مراد : ماشي يا حبيبة مراد باي
و اغلق مراد المكالمة و هو قلق و لكنه يثق بقدرات حبيبة و كان يعلم انها ستفعل شئ حتي تأخذ حق والدها
مراد : ربنا يستر
في المطار و الساعة الثالثة فجرا
اعلن وصول الطائرة الخاصة رقم.....في الممر رقم ...
و خرجت فتاة رائعة الجمال و لكن يبدو علي ملامحها الشراسة وجدت سيارة تنتظرها امام المطار وركبتها و ذهبت العربية لفيلا مراد الالفي و دخلت الفيلا وجدت احب شخص لقلبها ينتظرها ببتسامة سعيدة
حبيبة و هي تحتضن جدها بشدة : قلبي وحشتني اوي اوي فوق ما تتخيل
مراد : و انت اكتر يا بيبو وحشتيني اوي عاملة ايه ياقلبي
حبيبة : مية مية يا حب
(جماعة الافلام و المسلسلات ماسبتش حد حتي لو عايشة لوحدها فهي عادي بتتكلم زينا )
مراد : جتك نيلة فملافظك
حبيبة : ليه كدة بس دانا كيوت خالص يا ميمو
مراد : ميمو ماشي يالا تعالي كلي عشان مكلتيش اكيد و بعدين نامي عشان هتصحي بدري
حبيبة : لا انا جعانة نوم هبقي اكل لما اصحي
مراد : يا بت استني كلي
حبيبة : مراد خلاص بقا عارف اني مبنفذش الا اللي عايزاه فالكام دقيقة دول انام احسن
مراد بقلة حيلة : الوحيدة اللي بتتجرأ عليا تفتكري بسكتلك ليه
حبيبة : عشان انا الحتة اللي فالشمال يالا هاخد شور و انام تصبح علي خير
مراد : و انتي من اهله يا بيبو
و صعدت حبيبة لغرفتها و اخذت شور و نامت
و جاء الصباح
في شقة الشباب الساعة 8 الصبح :
يستيقظ حمزة و يستحم و يخرج من الغرفة و يدخل غرف اصدقائه و يحاول ايقاظهم و ....
حمزة : مهاب مهاب اصحي انت يلا ، احمد ياعم اصحي ، ولا اعمر ازفت انت طب ، يخربيت نومكم دانتوا بهايم ثم فكر بخبث و قال : براحتكم ، و بعد عشر دقائق نسمع اصوات عراك فحدث ....
حمزة : يالا مش خسارة فيك امهاب و عمل (قراطيس صغيرة ) و وضعم في اصابع قدم مهاب و اشعل بهم النيران و وضع اسمنت اسود علي مياه و وضعه في يد عمر و ظل يمرر يده علي وجهه حتي ضرب عمر وجهه بيده اما احمد فسكب عليه المياه
مهاب و هو يقوم بفزع : يلهوي نار الشقة بتولع ، و بعدما فهم الخدعة : اه يا حمزة يا ...... انا ه.......(ملناش دعوة احنا مؤدبين 😂😂)
عمر : هي الدنيا اسودت ليه ، و بعد ثواني : اه يا حمزة يا حيوان يا سخيف يا .....
احمد : هاه بغرق ايه ده و ربنا ما هرحمك يا حمزة الكلب هقول ايه مانت ....
(جماعة دول ولاد و كمان صحاب فأكيد هيشتموا بعض فانا اكيد مش هشتم و بعدين انا ديموقراطية بسيبلكم اختيار الشتايم المناسبة😂😂)
و بعد نص ساعة من العراك ضحك الجميع
حمزة : مانتو زي البقر عمال اصحي و انتو مفيش
احمد : مش كدة يا جدع
حمزة : تستاهلوا و ربنا
مهاب بمرح : طب انا بعد اللي حصل ده هنفع البت ياسمين و لا ايه
حمزة بضحك : هتنفع متقلقش
عمر : طب و انا اللي فوش اهلي ده اعمله ايه
مهاب : سكينة معجون و علي بركة الله
حمزة : بخربيت الخفة ، يا عم اغسل وشك ملحقش ينشف
مهاب : و انا اللي قولت هصتبح علي الكيوت القصير اديني اصتبحت بوشك
حمزة : مالو وشي يباشا
مهاب بخوف مصطنع : انا اقدر اقول حاجة يا شبح
و ارتدوا ملابسهم و نزلوا و ذهبوا لمقر الجهاز
لبس حمزة و سيارته