الحلقة 30
يوسف: فرح الي معانا يافندم دي
ادهم بضيق شديد: انتوا ارتبطوا
يوسف: كنا هنعلن انهاردة للكل بس حضرتك و عمر بيه و دعاء اول ناس تعرف انهاردة
ادهم بضيق:طب يعني اكيد لازم يكون في واحد يمسك الشغل بدالي
فرح: ايه رأي حضرتك في سيف باشا سمعت انه اشتغل في شركة قبل ما يكون ظابط لأنه وقتها كان عنده 22 سنة تقريبا
ادهم: وعرفتي كل ده منين
فرح: نرمين قالتلي قبل كدة لأن كان عاوزني في موضوع مهم فقالتلي حياته و كدة
ادهم: طيب انا هتصل به و اشوف رأيه اتفضلوا و يوسف انت هتيجي معانا و قال في سره للأسف
يوسف: تمام شكرا يافندم
و طلعوا من الغرفة معادا عمر
*****
عند فرح
يوسف: انا وافقت على الي طلبتوه هنمثل و عرفت كل حاجة
فرح: طب ياريت بقا بلاش حد يقول لحد لأن كدة بقا اوفر اوي
دعاء: قصدك اني انا السبب
فرح: لا لا لا والله بس مش عايزة حد يعرف موضوعي انا و ادهم غيركوا بس
دعاء: متخفيش مش هنقول يلا اشوفك في الاستراحة و يوسف انت عملت الصح على فكرة
ابتسم يوسف و رحل و ذهبت فرح مكتبها و نظمت شغلها
*****
و عند ادهم
ادهم بعصبية : شوف ارتبطت ازاي ليه عملت كدة هي عارفة و متاكدة اني اني و لم يكمل الجملة
عمر: بتحبها
ادهم: ايوة انا بتزفت بحبها و مش هقدر أنسى حبي ليها انا عشقتها اكبر من العشق كله بحبها يا عمر بحبها بس مش هقدر كبريائي منعاني اني اقولها كدة
عمر: طب و هتعمل ايه
ادهم: هعمل نفس الي عملته
عمر: هتنجرحوا انتوا الاتنين
ادهم: هي الي بدأت مش انا
عمر: و مين قالك أنها لعبة مش يمكن يكون حقيقة
ادهم: مجاش في دماغي بس بردو حتى لو هي حقيقة انا بردو هعمل اللعبة دي
عمر: بس البنت الي هترتبط بيها ملهاش ذنب
ادهم: ده قرار
عمر: الي تشوفه
ادهم: خلي كل اوارق الصفقة الي ناقصة تيجي
عمر: لا خلاص كل الأوراق معاك
ادهم: طيب في شغل انهاردة كتير ؟
عمر: لا خالص مفيش
ادهم: طيب تمام و طلع تقارير من مكتبه و قال
ادهم: روح انت يا عمر
عمر: كل دي تقارير
ادهم: اه تقارير قديمة نصها هديها لدعاء و نص تاني لفرح
عمر: ادهم
ادهم: ايه
عمر: أهدى و بلاش عصبية
ادهم: ماشي
و ذهب عمر الى مكتبه و نهض ادهم و ذهب إلى مكتب دعاء
****
في مكتب دعاء
دخل و قال
ادهك: دعاء دي تقارير قديمة و انشغلنا عنها علشان الصفقة و كدة ياريت تعمليه لاني مش عايز حاجة ناقصة لما أسافر الشركة
و أعطى لها التقارير
دعاء: طب حضرتك محتاج وقت قد ايه
ادهم: قبل السفر يعني يوم واحد
دعاء: دول كتير جدا يافندم
ادهم: كتير ولا مش كتير ده شغل
دعاء: حاضر هحاول على قد ما اقدر اخلصهم
ادهم: لا مفيش هحاول في لازم
دعاء: ان شاء الله
و خرج من مكتبها
*******
في مكتب فرح
ذهب إلى مكتب فرح من غير ما يدق الباب كلعادة و
فرح بعصبية و خضة: هو مفيش حد علمك تدخل و انت بتخبط
ادهم: لا مفيش و لما تيجي تتكلمي مع ادهم الخولي تتكلمي معاه باحترام
فرح:وانت لما تيجي بردو تتكلم مع فرح محمد الدسوقي تتكلم معايا بردو باحترام ولا حرام عليا و حلال عليك
ادهم: بصي بقا علشان معنديش وقت أتكلم معاكي خدي التقارير دي تقارير قديمة و عاوزها بسرعة عاوز اسيب الشركة ومفيش حاجة ناقصة فيها يكون الي هيمسكها بدالي قاعد على الكرسي و بس و تخلصيه بسرعة
فرح:انت اتهبلت ولا ايه التقارير كتير جدا آخرها أخلصها في يومين
ادهم: قولتلك تتكلمي معايا بأدب و انا عاوزها تخلص في يوم و لو مشفتهوش قدامي اعتبري نفسك مرفودة من شغل بتاع البيت و من شغل بتاع الشركة
فرح: و مين قالك اني بشتغل في البيت انا بزور حنين و ماما و بس و مش جاية البيت علشان اشوفك ولا سواد عيونك انا جاية علشان حنين
ادهم: خلاص يا ماما بطلي كلام و شوفي شغلك
فرح: ده انا انتحر قبل ما اخلف واحد زيك ال ماما ال
ادهم بعصبية و رفع يديه حتى يضربها قلما لكن مسكت يديه بقوة و قالت
فرح بقوة:نزل ايدك لاقطعهالك في الأول بس سكت عليك لما ضربتني لكن دلوقتي انت مش بنسبالي حاجة علشان تضربني انت مين اصلا علشان تمد ايدك دي عليا
نظر إليها ادهم بعصبية و تركت فرح يديه و ابتسمت بثقة و ببرود و هو خرج من المكتب
****
