......" سيلين"😡
انا قاعدة فلاشومبغ نتاعي سمعت عمي يعيط عليا نزلت تليفوني فوق لاطابل ولبست لكلاكات وهبطت لقيتو قاعد حدا مرتو وبنتو في الصالو
انا"واش عمي عيطتلي "😑
عمي"وين كنتي البارح ؟"😡
هههههه ضحكني راه يهدر صح؟ من وكتاه يحوس عليا وين كنت شفت معاه نتاع من نيتك🤨
انا"كنت في دار خالتو جيهان"😑
وقف وجبد يدو وضربني كف حتى دار راسي رجعت شفت معاه وهو عينيه حمر وراح يطرطقلو كاش عرق من الغش رديت عليه وكانو مدارلي والو
عادي كي العادة يعني مادارش حاجة جديدة
انا"وعلاش هاد الكف دركا "😑
زاد جبد يدو وضربني كف وحد اخر
عمي "اللول على الكذب نتاعك والثاني على قلة التربية نتاعك ...يا ربي تربيتي فيك راحت خسارة "😤
مسحت الدم لي سال من فمي ونضت نضحك بالقوة لي عندي كي المهبولة لي يشفني في هاد الحالة تحسابلو بسيكوبات بيسك صح ضحكني قالو تربيتي فيك راحت خسارة ههههههههه يضحك وكتاه رباني ما شفيتش
خزرت معاه كي فضيت الضحك لقيتهم في ثلاثة يشوفو فيا مشوكيين
انا"صح عمي التربية لي ماربيتنيش جات وحدها 😂 ....وزيد واش درت بيسك لدركا مافهمتش؟"😒
عمي "انا لي رحت مع رخيس كيفك وحتي الوحدة نتاع اليل رجعت ياك؟"😡
ههههه مسكين يا عمي هدا خرب بنتك بصح مرتك لي الشيطان قرا عندها اكيد لسقتها في جدي بصح نورمال انا بيني وبين ربي علابالي ما درت والو ونتا ومرتك ديرو واش بغيتو
تالمو بقيت شاردة حكمني من كتافي ويعيط فيا
عمي "راني نهدر معاك جاوبيني بسبتك دركا كرامتي نزلت بسبت وحدة **** كيفك .....بصح واش نستنى من بنت وحدة رخيسة خلاها راجلها وهر...."😤
هو ما كملش وانا شعلت فيه غير ماما خط احمر
انا "عندك عندك تزيد هدرة على ماما ....ماش سكتلك معناتها كلامك صحيح اوكي 😡"شفت مع مرت عمي وبنتها عرفت بلي راحا نفضحها بقات غير تشوف معايا نتاع تقولو ندفنك حية
هيه انا حابة نجرب هاداك الشعور
كملت "بنتك لي خرجت باه يكون في علمك وانا منستناش منك تامني بيسك انا نعرف روحي "😠
ونفضت يديه وطلعت لشومبرتي وخبطت الباب بلفور وقعدت فوق فراشي بكيت كيما جامي بكيت😭
علابالي ما فاهمين فيها والو؟
انا سيلين ماما ماتت كي كان في عمري 10سنين وبابا ملي كنت صغيرة خلاص خلى ماما وهرب بصح ماما كانت تهدرلي عليه وجامي كرهتو حتى انا ما نكرهش بابا دوكا العكس نتمنى برك يجي نهار ويرجع يديني من هنا
أنت تقرأ
Destiny gathered us "باللهجة الجزائرية "
Humor"تحاول التخلص من الالم المحفور في قلبها ...تهرب من حياتها الصعبة لتذوق طعم الحياة ....لتجد نفسها امام اغرب الاشخاص و اكثرهم غموضا ..لكن هل ستصل الى ما كانت تسعى اليه "
