المدير "انسة سيلين *****"
وقفت وقلت "انا"😁
المدير "ما شاء الله نتي الحاصلة على اكبر معدل في التخصص هدا "
ياي قلبي راهو في السما مانقدرش نوصف شعوري حاليا حابة نطلق رجليا ونبكي ونعيط من الفرحة 🥳بصح تصدمت كي كمل😮
المدير"مع الاسف بنتي المنحة لي كانت في ايطاليا اتلغات "
تصدمت تشوكيت حياتي كامل وانا نقرا باه نحقق حلمي ونكمل عامي اللخر في افضل جامعات في العالم بعثت زوج طلبات واحد في ايطاليا وواحد في افضل كلية في العالم لتخصص الهندسة المعمارية ولي هي كلية اوكل في لندن (ucl)بصح مادام ايطاليا ماطارتليش امبوسبل نخمم في لندن
الدمعة نزلتلي غاضتني روحي كي شغل شفت حلمي تبخر كانو ماكاه بقيت غير نشوف مع المدير ودموعي يسيقو في وجهي😥
المدير "بلعقل برك انسة سيلين ماكملتش هدرتي قبلتك كلية اوكل في لندن مبعد لغينا المنحة في ايطاليا "😂
القروب قاع ناض يضحك عليا😂 وانا الفشلة حكمتني قعدت فوق الكرسي وشربت من القرعة نتاع الما لقيتها قدامي😶
باركلي المدير والبروف وخرجو ومبعد ناض الغاشي الكل وجا وعندي يباركولي وانا الدنيا ماوسعتنيش من الفرحة
رحنا انا وسارة للكافيتيريا وقاعدين نرهجو ولي يعدي من حدانا يباركلي
كي نعود في لافاك نحس روحي عبدة الغاشي الكل تحبني ولا واحد يحتقرني تمنيت انو نعيش هنا ومنرجعش لدار عمي حياتي الكل وانا نتعامل تقول قاتلة شي رقبة الغاشي الكل تكرهني بصح من نهار طلعت للفاك تبدل كلشي
شفت مع سارة هادي صحيبتي لوكن نموت مانبدلهاش من الليسي وهي معايا كرهوني الكل غير هيا عندها شعر مارو طويل وعينين زرق مايلين للgري وسمرا عكسي انا بيضا وعينيا خضر وشعري شقر قصير
سارة"واش سيلين نسيتي عينيك عندي ؟"😏
انا"هههه تافهة 😑 ....هيا تروحي معايا عند سي محمد نعرف علاه عيطلي"😊
سارة"نوضي نوضي اصلا راكي مزروبة باه تروحي وتخليني هنا "😒
انا"هيه نتهنى من وجك كاين نعمة كثر من هادي"🙄
هدرتها وقلعت نجري 🏃♀️
سارة"والله يا وحد الشمبانزي يصحلك تشوف وجي الجميل والكيوت و..."😑
هي تتبع فيا 🏃♀️
قاطعتها "اممم على بيها لي يشوفك تحسابلو شاف جن "😂
نتشتني من شعري "ياوحد القردة بصح مانتواحشكش"😏
حضنتها "انا تاني مانتواحشكش"😂
وصلنا دخلت عند المدير
المدير"انسة سيلين 3اشهر وتكون الرحلة نتاعك خالص كلشي وتكون كل الرسوم مدفوعة وخلي في بالك بلي السكن عندهم مختلط حاولي تحكمي وحدة تكون معاك "
أنت تقرأ
Destiny gathered us "باللهجة الجزائرية "
Humor"تحاول التخلص من الالم المحفور في قلبها ...تهرب من حياتها الصعبة لتذوق طعم الحياة ....لتجد نفسها امام اغرب الاشخاص و اكثرهم غموضا ..لكن هل ستصل الى ما كانت تسعى اليه "
