🌛 وعد 🌜
الحلقة الخامسة عشر
🔗🔗🔗🔗🔗🔗🔗🔗🔗
توقفنا عندما وصلت الشرطة الي فيلا الجارحي وطلبو تفتيش الفيلا
بدر : يعني ايه تفتيش الفيلا انت مستوعب ممكن يحصل ايه ديه مهزله
الضابط : اهدي بس يا برنس
بريهان : هو في ايه بدر
الضابط : هتسمح ندخل ولا نستخدم القوة
بدر بغضب : نعم
فراس بحدة : بدر أسكت اتفضل يا حضرة الضابط
انتشر العساكر و توجه بدر بسرعة الى غرفة المكتب ولكن سبقة الضابط وأمر إحدى العساكر تفتيش الغرفة و اخرج منها شنط سفر كبيرة
الضابط : ايه يا بدر بيه كنت ناوي نهرب ولا ايه
بدر : وهرب ليه انا قاعد في بلدى
الضابط : افتح يا بني الشنط ديه
قام العسكري بفتح الشنط و وجدوها مجرد ملابس و أوراق
لم يعثر العساكر على اي أموال ولا اي شي يثبت تورط بدر في التزوير وغادرو
جلس الجميع ينظرون لبعضهم
بريهان : ممكن افهم هما عرفو اذاي ان فى هنا فلوس مزورة
بدر : السؤال الصح راحت فين الفلوس وكمان مين جاب الهدوم ديه هنا فى الشنط
فراس : اهدي يا بدر وان شاء الله خير
بدر بجنان : اهدي اذاي والفلوس كانت فى الشنط و اذاي اتبدلت مفيش غيرها هى وعد و رحمه ابويا لوريها خلاص انا جبت أخري منها
نورسين : اهدى بدر وليه وعد هتعمل كده
بدر بجنان : هتعمل كده ديه شيطان متحرك
خرج بدر واخذ عربيته وفضل يلف بيها واما الباقي كانو مرعبين مما سيحدث فى الأيام القادمة
🔗🔗🔗🔗🔗🔗🔗🔗🔗🔗🔗
عند وعد
🔗🔗🔗🔗
وعد : طيلو انت مش ناوي تتجوز
طلال : أتجوز غريبة اول مرة تسالي السؤال ده
وعد : علشان انا اختك ونفسي أفرح بيك و بعيالك
طلال : وانتى امتي هفرح بيكي
وعد : انا لسه صغيرة طيلو نفرح بيك الأول وبعد كده انا و القرد التاني
طلال : احم هو يعني في يعني
وعد : مالك ياض أنطق على طول
طلال : هو في واحدة معجب بيها بس بصراحة مش عارفة هترضي ولا ايه
وعد : وانا مالي انت اللى هتتجوزها و هتعيش معها وكمان مين ديه
طلال : بصراحة نور
وعد : مين نور ديه حد اعرفة
طلال : اسمها نورسين الجارحي
وعد بفرحة : بجد مبروك يا عمري انتى هفرح بيك
طلال : يعني انتى فرحانة بجد
وعد : طبعا جهز نفسك ونروح ليهم امتي
طلال : بصراحة انا عاوز اتكلم معاها الأول وشوف رأيها
وعد : تمام يا برنس دوس وانا معاك
طلال : انا بحبك اوى انتى بجد احسن و أجمل اخت فى الدنيا
وعد : علشان انت احن اخ و راجل واب عشت تحت جناحة عمري اللى فات و عمري اللى جاي
طلال : ربنا يخليكي ليا يا بنت عمري
وعد : ايه رايك نروح المطبخ نجهز أكله كده جامده ونجيب باقي الشباب و ناكل
طلال : اشطا يا عمري
