تزوجت مسلما بقلم مريم محمود & نورهان احمد

البارت الثاني

بسم الله الرحمن الرحيم 🤍
البارت الثاني 🤍
--- في المطار ---
وصلت الطائره الي فرنسا ... وجد يوسف صديقه أدم في انتظاره
أدم بفرحه : حمدلله علي سلامتك ي جوو ... نورت فرنساا
يوسف باابتسامه : الله يسلمك ي صاحبي ... فرنسا منوره بيك يا حبيبي
سلم أدم علي يوسف تسليم حارا ثم أخذه الي منزله
--- استوب ---
أدم : صديق يوسف - دكتور جامعي في كليه هندسه بفرنسا - مصرى الجنسيه لكنه سافر الي فرنسا في بعثه منذ سنوات واستقر في فرنسا - في العقد الثالث من عمره - ذات جسد رياضي - بشرته بيضاء - شعره أسود وناعم وطويل الي حد ما - عيونه عسلي فاتح - وسيم
------
--- في شقة آدم وبعدما ارتاح يوسف من تعب السفر وأخذ قسطا من الراحه جلس هو وصديقه في الشرفه يحتسون القهوه---

آدم بابتسامه:وحشتني ايامك يا جوو والله مصدقتش نفسي لما كلمتني وقولتلي انك اخيرا جي

يوسف:وانتي وحشني اكتر يابني والله ده انا قولت هاجي الاقيك مجوز ومخلف طابور عيال

آدم بضحك:لا ياعم جواز اي انا مش هجوز من فرنسا مليش انا في الخواجات مفيش احسن من بنات بلدنا يا عم

يوسف بهدوء عندما تذكر ما حدث مع عمه:على رايك عندك حق....... قولي أخبار الجامعة اي معاك وخلصت ورقي والا لسا

ادم:لا من الناحيه دي متقلقش كل حاجة تمام وهتستلم شغلك في الجامعه من بكرا... بس قولي مش غريبه إنك تقرر السفر فجأه كده ده انت كنت رافض الفكره دي ومرضتش تيجي معايا وقعدت تقولي الندوات ومش عارف ايه

يوسف:طيب منا فعلا جي اصلا علشان الندوات ديه

آدم باستغراب:يعني انت هتكمل الندوات عادي في فرنسا

يوسف:لما فكرت عرفت ان ندواتي هنا هيبقاا ليها تأثير أفضل انت عارف ان المجتمعات الغربيه منفتحه ازاي وحتى المسلمين ال عايشين سواء في فرنسا اوي اي دوله اجنبيه تانية اكيد بيتاثروا بالمجتمع ال هما عايشين فيه ودي طبيعه بشريه اصلا ان الانسان بيتاثر بالمجتمع ال عايش فيه هتلاقي هنا معظم المسلمين عايشين في غفله عن دينهم لذلك قررت اني اكمل ندواتي هنا بجانب شغلي في الجامعه ال كنت بحلم بيه من زمان اصلا

آدم بفخر من صديقه:عارف يا يوسف كل ما اتكلم معاك بتعلي ف نظري كل يوم عن التاني حقيقي انا فخور انا ليا صديق زيك يابن المنشاوي

يوسف:تصدقي جدي سألني عليك ووصاني اني اوصلك سلامي

آدم بحزن لتذكر لحبيبته القديمه:والله وحشني اوي ومصر كلها وحشتني بس انت عارف احنا كشباب مصريين مش بنلاقي فرصتنا في بلدنا ال مش بتقدر تعبنا اصلا الواحد مننا بتطلع عينه في التعليم وفي الاخر بيضطر انه يسافر علشان يبني نفسه وخاصة لو واحد زيي أهله على اد حالهم

يوسف بفهم:لسا بتحبها بعد السنين دي كلها يا ادم

آدم بتاثر:خلاص يا يوسف مبقاش ينفع حتى لو كنت بحبها هي فضلت الفلوس عليا