بسم الله الرحمن الرحيم
يقف بابتسامته الجذاب وجسده الرياضي وعيني السوداوتين ولحيته الخفيفة التي تزين وجهه يلقى المحاضره في كليه الصيدلةيوسف بابتسامة جذابه:كده المحاضرة بتاعتنا خلصت ودي هتكون آخر محاضرة لينا بإذن الله اشوفكم على خير
احد الطلاب:والله يا دكتور احنا مش مصدقين ان حضرتك هتسبنا وتمشي حضرتك مش بس الدكتور بتاعنا كفايه أن حضرتك بتعاملنا زي اخوات حضرتك الصغيرين كفايه كمان الدروس الدينيه ال حضرتك بتشرحها لينا خارج المنهج بجد هنفتقد حضرتك اووي ياريت متتاخرش علينا
طالب اخر:ربنا يرجعك بالسلامه يا دكتور بجد والله حضرتك متعرفش اد ايه احنا زعلانين أن حضرتك هتسبنا انا الماده بتاعت حضرتك بحبها لأن حضرتك ال بتشرحها
يوسف بابتسامه:بجد انتو ال متعرفوش كلامكم ده ال فرحني اد ايه شدو حيلكم وربنا معاكم بإذن الله. وانا واثق اني هشوفكم حاجة كبيرة كمان... السلام عليكم
الجميع:وعليكم السلام
وبعد خروج يوسف
طالبه لصديقتها:يلهوي يعني انا مش هشوف المز ده تاني ده انا باجي الجامعه علشان اشوفه
صديقتها:ومين سمعك يخربيت حلوته يابخت ال هتتجوزه ده امها داعيه ليها
أنهى يوسف باقي إجراءات سفره لينطلق عائدا إلى منزل المنشاوي
_____________________________
بينما في الصعيد الجواني وفي أحد المنازل التي يظهر عليها الثراء تجتمع عائله المنشاوي
الام:يعني انت مصمم يا يوسف تسافر برردو وتسبني
يوسف بابتسامه:يامي ياحبيبتي انا قلت ليكي ده مستقبلي والفرصه دي انا كنت مستنيها من زمان تقوم لما تجيلي اسبها
الأم بطيبه: يا يوسف ده انا ومقدرش اقعد المده دي كلها وانت بعيد عني اطمن عليك كيف اني
يوسف بابتسامه:يا حبيبتي وهو انا صغير علشان تقلقي عليا ابنك دكتور في الجامعه وبعد مانا سايب معاكي أحمد وهنا أهم
أحمد:خلي يشوف مستقبله يا ماما
هنا زوجة يوسف:واحنا معاكي اهو يا حبيبتي والا انا واحمد بقاا مش زي يوسف يا ست ماما
الام:لا يا بنتي تقوليشي أكده دانتي عندي زي أحمد ويوسف تمام ده انتي بنتي ال مخلفتهاش يا هنا
هنا بابتسامة:ربنا يديمك لينا يا ست الكل وميحرمناش منك ابدا
الجد المنشاوي:خلاص يا سعاد سيبي ابنك يشوف حاله هتقعديه جنبك كيف البنات والا ايه يوسف ده راجل ياك عيل صغير وبعدين بص ليوسف..... سافر يا ولدي وشوف حالك ومستقبلك وربنا يوفقك بإذن الله بس خد بالك من نفسك
أنت تقرأ
تزوجت مسلما بقلم مريم محمود & نورهان احمد
Ficción Generalفتاه مسلمه اسما فقط من أم فرنسيه واب مصرى ... تركها والدها لظروف ماا من صغرها ... عاشت مع والدتها ... تقابل شاب مصرى صعيدي يلقي ندوات اسلاميه ... تحبه وتتزوجه وتكتشف انه ....... تابعوا النوفيلا حتي تعرف الاحداث ومن الشخص دا ؟!