الالام متراكمه

البارت الثاني

هلاوو
شلونكم
طبعا شكرا للغاليه ميامين ع دعمها اليه فدوه لربج حياتي BeydaAl-Tai
------------------ ------------------ اخذوني للمستوصف ضربوني ٤ ابر واني عمري شهرين أثر هل ابر صار بيه. جفاف قوي ورخاوة ب عصب وضمور بالعظام ولين بالعظام وانحناء بالعمود الفقري بمرور الوقت وحصو مرارا ورا ما صار بيه حصو مرارا وراها ب ٤ سنوات وصلت للموت
وظليت ١١ يوم اروح للطوارئ اضرب ابر ترامال الى هي (عباره عن كحول يعني مخدرات بين قوسين)المهم سويت العمليه صار بيه جلطه رؤيه قويه ونزل سكري لل ٥٠ بحيث شفت الموت بعيني وما متت تعلمت بحياتي ع كلشي بيه وجع يجوز محسيت فديوم فرحان او يجوز مااعرف شنو الفرح اتمنى اضحك وارتاح بحيث انسى شكو شي صار ويايه واباوع لوالدي يباوعلي والدكاتره ع راسي واني مخنوك كوه اتنفس والدي بس يباوع بحيث حسيت لدرجه ماعنده اي اهميه الي عايش دائما بين حيطان الغرف مكتئب وانطوائي ومنعزل لاابعد الحدود بحيث اجاني احساس اكره كل البشر حساس الابعد حد وزياده عن الزوم كل شهر أو شهرين ألم جديد عايش حياتي بين الوجع مااعرف طعم الحريه ولا عشتها فديوم ماعرف ليش كلشي ضدي بس عندي ايمان ان الله معي ومن توفت امي شفت اقسى الم والدي باوعلي وباوع للسماء وكال ربي جان بدلت وعرفت بوكتها جان يقصد لو اني اميت ابدال والدتي
والدي إمكانياته الماديه جيدا جدا لكن بخيل ما عالجني بخل عليه بعلاج ابنه من جانت امي عايشه الله يرحمها كالتله نعالجه كاللها كلام حسيت والدي محبني ابد كاللها ....؟!
وشنو الضمان من اذب فلوسي يرجع يمشي جانت كل الم سببه والدي الغريب المحب ابنه يجوز ماعنده مسؤليه اطفال وعافني اتعذب خل احجيلكم شلون قبل ماامي تزوج والدي بيبيتي والي هيه ام امي حلمت باامي بيبيتي دا تحفر بالارض وطلعت 3فناجين لاامي ثنين مابيهن شي والثالث مكسوره ايده معقوله حياتي صايره قبل مااولد وكلشي مكتوب الي مصير بشر يتحدد بحلم بسيط وتافهه شكد صعبه الدنيا عليه بس الله انطاني قوه اواجهه الكل واعرف الصح والغلط واعرف ان القسوه مو من طبع البشر الحياة كلش سهله بس مجموعه من الناس مصعبيها ناس يشوفون كلشي يسوه صحيح وميهتمون اذا السوه يجرح المقابيله كل صداقاتي ويه اصدقاء المصلحه فاشله محد وكف وياي ولامن اتمرض يكولولي مابيك غير العافيه ملكيت انسان الي يصيرلي سند يقويني اواجهه الحياة اني سندت نفسي بنفسي  
.....

حبوا حياتكم  يجوز اكو شخص قبلي عاش اكثر من الي عشته  كل يوم يمر عليكم احمدوا ربكم

احبكم 😍
انتضروني بارت جديد  تفاعلوا ودزوا لاصدقائكم يقروها
الكاتبه ميرا ثائر