جوزى ياحته سكره

الحلقه الثانيه

الحلقه الثانيه♡
                          ♤جوزى ياحته سكره ♤
✍بقلم هايدى محمد 🖎
☆اللهم صلى على سيدنا محمد وعلى آله وأصحابه أجمعين ☆

محمد::يوووووه بقى انا خلاص زهقت من ام الحوار ده انتى مش بتزهقى دى عيشه بقت تقرف طهقتينى لاراحه هنا ولا فى اى حته أدى البيت ياست علشان ترتاحى وارتاح انا كمان
⁦✍️⁩جوزى ياحته سكره بقلم هايدى محمد
ليقطع الهدوء والصمت صوت رنين هاتف لتذهب إليه سمر وهى تمسك الهاتف ودموعها على خدها من حديث زوجها لتجيب على الهاتف

سمر::الو ايوه ياتغريد ياحبيبتى عامله ايه

تغريد::الحمد لله ياحبى انتى ايه اخبارك وحشاني اووى ايه يابنتى ماحدش سمع صوتك النهارده ليه

سمر::بحزن ابدا عادى يعنى

تغريد::مالك ياسمر فيكى ايه صوتك مش عاجبني

سمر::انا زهقت وتعبت من خالد وأمه تعبت من تحكمات أمه اللى عمال على بطال مش عارفه اعمل ايه وهو كمان مش همه غير نفسه وبس ولو اشتكيت ولا اتكلمت يفتح فيا ويبهدل الدنيا

تغريد::طيب أهدى أهدى بس واحكيلى حصل ايه

سمر::انتى عارفه أن البيت هنا ليه اتنين باب واحد بيطلع على شقتى والشقتين اللى فوقى والتانيه على حماتى والشقه اللى قدامها

تغريد::ايوه كملى

انا الصبح لاقيت خالتى وبنتها وبنت بنتها جايين يزرونى ويطمنوا عليا لاقيتهم بيقولولى انزلى افتحى الباب نزلت أجرى علشان البت بنتى لاتقع من على السلام ولا حاجه فتحت وطلعت جرى الناس قعده مافيش ربع ساعة ولاقيت الافندى نازل رن رن رن عليا علشان انزل اعمل طفح لامه وأخواته البنات علشان ماكالوش طبعا خالتى لاحظت أنه مش مبطل رن خدت بنتها ومشيوا ونزلت اعمل اكل واخلص الشقه للى يتخفى  اسمها من الدنيا حماتى وبناتها طبعا هو جه وهى بقى ولعته عليا لاقيته قدامهم انتى ازاى تنزلى وماتدخليش لامى ازاى حد يجي ومايعديش على على امى وازاى وازاى وفضل يزعق خدت بعضى وطلعت على الشقه

هو طلع ورايا يكمل خناق وزعيق وحلف عليا ماحد من اهلى يجى عندى تانى وانى ماطلعش شقتى غير على النوم طبعا ماسكتش وفضلنا نتخانق ونزل وسابنى  وبعد فتره طلع كانت أمه مش ساكته بقى بشتكيله طلع فضل يتلكك انتى ماسكه الزفت طول اليوم والشقه مكركبه وتلاكيك فارغه

تغريد::لا حول ولاقوة الا بالله هى عايزه ايه الوليه الحيزبونه دى

سمر::مش عارفه حطانى هى وعياله فى دماغى بشكل غبى

تغريد::بت ياسمر هى عيالها هايتخفوا امتى

سمر::يعنى على اخر الاسبوع

تغريد::اممممم طيب يابت عندى ليكى خطه انما ايه ماتخرش المايه بس قبل اى حاجه اخد رأى البت هايدى فيها وهى اللى هاتجبلنا الخلاصه