احلامي ✨
.
.
.
.
.
.
جواد : الو اسامه
اسامه : اهلين كيف حالكم توا
جواد : متسألش خير
اسامه : انشاء الله خير توا اساعه 12 امتصل شن في
جواد : قول شن مافيش ... تي المهم توا كلمنا صاحبك هدا الي خاطب هناء خالتي
اسامه : خيره
جواد : توا كلمها اقلها معش نقدر انكمل معك او لازم كل واحد يمشي في حاله اسكر تلفونه
اسامه : كيف تي شن اتقول انت اه بعقلك 😲
جواد : اي بعقلي خل كلمه المخلوق هدا بسرعه
اسامه : باهي تمام. ..... " سكر الخط "
انا : خيره جواد شن في
اسامه : قالي كلم خطيب هناء الأنه اتصل بيها اقلها كل واحد يمشي في طريقه
انا : كيف 😱
اسامه. : اي هدا الي صار
اصيد : تي خل كلمه العيل هدا توا اشوف خير عمه
اسامه : تي نتصل بيه قريب ساعه او لاقال ارد
هيثم : تي شن يحساب بنات العيله لعبه ولاشنو 😡
سيراج : اني من الأول بش مستريحله .... تي خل هات رقمه خل نتصل بيه انا
اسامه : معندكش رقمه
سيراج : لاشن تبيني اندير بي رقم واحد وهمي مثلا 😒
اسامه : باهي هاك .. هي اكتب ..
سيراج : هي ...
اسامه : #######091 ها شن كتبته
سيراج : لا والله كنت نتفرج عليك بس 😒 بش كنت تشبح فيا نكتب ولا انعميت 😒
اسامه : اني نشوف الي نبي انشوفه بس اكتر من هكي منشوفش 😏
اصيد : تي فكونا توا منك انت وياه .... اهيا كب تتصل خل انشوفو خير عمه
اتصل سيراج بيه مردش من الأول بس بعد جهد جهيد رد واخيرا 🙂
عبد الله " خطيب خالتي هناء " : الو
سيراج : لا الو او لا غيره
عبد الله : مني معاي
سيراج : اجلك تعرفه ولا متعرفاش 😒
عبد الله : ادوي زين ولا نسكر عليك الخط
سيراج : او ميقاد ريلاكس بيبي .. خوفتني هلبا 😏
يوسف او ايهم و هيثم مقدروش اشدو ضحكتهم اقعدو يضحكو 😂😂😂
عبد الله : شكلك واحد دايخ اسكران ابش علي عقلك
سيراج : لا علي عقلي يا عبد الله
عبد الله " توتر وعرف انه واحد يقرب لي خالتي اجت في باله انه لو بش واحد من خوالي اكيد حيكون صغارهم " : منو معاي اكيف تعرف اسمي اصلا
سيراج : تي احنا نعرفو ماضيك بش اسمك بس اتقريبا فهمت عليا
عبد الله " بشك " : منو معاي تكلم
سيراج : معرفتنيش ياعبد الله
عبد الله " بينه ابين نفسه ... هدا بش صوت اسامه كان بش اسامه ماره منو افف وخلاص " : لا معرفتكش لاكن الي نعرفه انك بتكلمي اعلاش فسخت الخطوبه
سيراج : ايو بضبط يافالح ... " فتح سيراج الميكبر باش نسمعو "
عبد الله : بس الأول منو معاي
سيراج : معاك سيراج عرفته ولا معرفتاش امم قول ... اتعرف لو كان اتسكر الخط ليلتك سوده زي وجهك تسمع فيا ولا اطرش
عبد الله : باهي شن تبو مني توا
سيراج : نبو امك .. شن نبو يعني نبو نعرفو اعلاش افسخت الخطوبه بش حرام عليك خليت البنت اتحبك امتعلقه فيك وتشوف فيك كل شي خليتها اتشوفك سندها امستقبلها وانت شن درت مشيت وطنعتها في ضهر حرام الي درته
عبد الله : عارف اقسم بالله اني انحبها ونشوف فيها كل شي اقسم بالله ونحبها امتعلق فيها اكتر مما يمكن لا اضروف هيا الي خلتني نبعد عليها
سيراج : اشن هيا هدي اضروف الي خلاتك تبعد عليها
عبد الله : اني اخر مده ابدي اجيني صداع حدا صداع بش طبيعي امرات نبدي معش نقدر نشبح او لي درجه انو حتي يغمي عليا اخر فتره امتي كنت انجي غادي نتلقي مع هناء كان واضح عليا اتعب هلبا واخر مره اتلقيت معاها في جامعه اغمي عليا اهيا طلبت مني نمشي واني مشيت علي خاطرها هيا بس لاكن يارتني مامشيت طلع عندي ورم في راس وعلاش هدا اطريت نفصخ الخطوبه امحبيتهاش تتعدب معاي او نكدب عليكم اهو توا نبعتلك اتصوير اتحليل ابري اسئلها بروحك لو نكدب
أنت تقرأ
احلامي ♡
Actionروايه ليبيه من الواقع اليبي💜 . . . . تروي القصه حول فتاة تريد ان تحقق كل احلامها لكن يوجها العديد من المشاكل
