امل .. بوجع ..: متكلمو حد .. انا نبي انقوللكم شي
بوي : ادوي
امل : حاتم ... لولاد في امانتك .. دير بالك عليهم
اسامه .. بعياط ..: ياانور ... ياانور
كلهم جو علي عياط انور
انور : خير شن في
اسامه : بالله شوف امي خيرها باللهي
انور : باعدولي هكي ... قعد يفحص فيها ... بيصراحه وضعها خطير
اسامه : انور دير شي
انور : لي الأسف معش نقدر اندير شي
امل .. بوجع ..: اسامه .. سيراج .. انتم لكبار ديرو بالكم علي خوتكم ديرو بالكم علي هيثم و ملاك و اصيد ... وانت هيثم وصيد كملو قرايتكم اديرو بالكم علي روحكم اخلوكم يد وحده متخلوش اشيطان افوة بيناتكم
اسامه : امييي 💔
امل .. بتعب ..: تعالي ياشيماء
شيماء ...جت قعمزة
امل .. مسكت يد سيراج ايد شيماء ..: سيراج منبيش انوصيك هلي شيماء حطها في عيونك امتخليهاش تزعل منك خاف فيها ربي متسمعهاش كلام اوجع حطها في عيونك
سيراج ... اهو يبكي ..: حاضر 😭💔
امل : نصيحتي ليكم الاخير ديرو بالكم علي بعض اخلوكم يد وحده .. يوم وفاتي احزنو عليا بس تلاته ايام بس وانت ياحاتم دير بالك عليهم كون ليهم سند اضهر كون ليهم ام بعد وفاتي
بوي .. خانوه دموعه ..: متوصيش حريص هدم صغار وانتي بدن الله ماحيصرلك شي تحملي شوي بس 💔
امل : اشهد ان لا إله إلا الله واشهد ان محمد هوا عبده ورسوله .... اغمظت عيونها 💔😢
اصيد : امييييي امييييي 😭
انور : حول هكي ... شاف دقات قلبها ولقاها واقفه
بوي : انور خيرها اكيد هيا رقدة صح
انور .. بحزن ..: رحمت الله عليها ربي يرحمها برحمته الواسعه 💔😢
بوي ... حط اديه علي وجه وانهار بي الابكي ..: لاحول الله 💔
هيثم .. بعياط ..: لاااااااااااا ... امييييي لااااا 😭😭😭 امييييييييي
انا : اميييي لااا امييي نوضي متخلينيش اميييي 😭😭😭
انور : ساعة الوفاة 5:30
اصيد : وفاة شني انور دير شيييي
انور : لازم ناخدوها لي المستشفي انديرو اجرائات الوفات
بوي : انشاء الله
هيثم .. حظن امي بقوه ..: لاااااا لااااا امي ماماتتش لاااااا 😭😭😭
اسامه : هيثم وحد الله هدا قضاء وقدر 💔😭
هيثم : اااااااخخخخ .. يا امييييي ياربي خود روحي وعطيهالها يارب 😭😭😭
طلاع سيراج من دار لي انه متحملش
انا : امييي هيا نوضي اميييي 😭😭 مني عندي غيرك من الي بيسمعني أو بي واسيني وقت جرحي امي 😭😭😭
ديما : خلاص ياقلبي خلاص 😢💔
انور .. غطي وجها ..: عمي لازم ناخدوها لي المستشفي
بوي : باهي حاضر ... اقامها
اصيد : اميييي 😭😭 ربي اصبرني علي فراقك ياغاليه 😭😭😭
ادهم ... حظن اصيد ..: خلاص ياخوي هدا قضاء وقدر
________________________________
شيماء .. خشت لي دار سيراج من غير ماتخبط الباب ..: سيراج
سيراج .. حاط اديه علي وجها ايبكي بكل جهده ..
شيماء .. خشت اسكرة الباب ومشت قعمزة بحدي سيراج ..: سيراج ليش لبكي هدا قضاء وقدر ولي كاتبه ربي بنشوفوه ابعدين انت بي حزنك اتعدب فيها
سيراج .. من غير ما يقول ولا حرف حظن شيماء بكل قوته وقعد يبكي بكل جهده
___________________________________
أنت تقرأ
احلامي ♡
Actionروايه ليبيه من الواقع اليبي💜 . . . . تروي القصه حول فتاة تريد ان تحقق كل احلامها لكن يوجها العديد من المشاكل
