احببتك في مهمه

بارت 8: غيره قاتله

ريهام:انا مش فاهمه حاجه خالص
البنات:ولا احنا
أسماء بفرحه:قالي بحبببببببببك
فجأة وجدت أسماء من يمسك بها من قفاها مثل الارنب و يحركها للامام و الخلف
ياسين:مين ده ياروح خالتك
أسماء بابتسامه بلهاء:ايه ده سينو واحشني والله
ياسين:متوهيش يا صرصار من غير شنبات مين ده اللي قالك بحبك
أسماء بصدمه مزيفه:انا قولت حد قالي بحبك
ياسين:اه
أسماء:دي ريهام كانت هتنزل تجيب اكل من المطعم و سالتني و قالتلي اجبلك ولا لا تلاقيك انت سمعت غلط
ياسين يضيق عينه بشك:عارفه يا أسماء لو كدبتي عليا هعمل فيكي ايه
أسماء و هي بتحضن ياسين:وانا اقدر اخبي حاجه علي سينو حبيب قلبي دا انت حبيبي يلا
ياسين:و انتي كمان حبيبتي بس اقسم باالله لو طلعتي مخبيه حاجه عليا هساوي وشك بالاسفلت
أسماء:احم احم انا كرامتي اتبعترت خالص
ياسين:بتقولى حاجه
أسماء:ولا حاجه يا يسطا
ياسين:في بنت تقول يسطا
أسماء:مش انا قولت
ياسين:اه
أسماء:يبقا فيه
ياسين:جتك الارف وسعي خليني امشي
أسماء:في حفظ الله يا حب
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

عند عدي
عدي كان واقف و شايف كل حاجه و كان هيموت و يروح يضرب ياسين بس مسك نفسه عشان يعرف ايه العلاقه اللي بين ياسين و أسماء
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

في اليوم التالي
كانوا كلهم واقفين في ساحه التدريب
عدي:انهارده هندرب تدريب جري
احمد:و هيبقا تقيل شويه عشان هنحطلكوا عقابات في الطريق اللي هتجروا فيه
أسماء بشك:هو ركس هيبقا في التدريب ده
عدي:لأ مش هيبقا موجود
احمد:بس لو قولتوا لأ ممكن يبقا موجود
البنات: تمام يا فندم
مالك:احلي حاجه اني واقف مليش اي لازمه زي خيال المأته
عدي بلا مبالاه:كويس انك عارف ان خيال مأته
مالك:هو انا جبهتي طارت صح
البنات بضحك:اه
عدي:انتبااااااااه
البنات:تمام يا فندم
احمد:احنا مش جايين نهزر هنا اتفضلوا علي التدريب
البنات راحت علي مكان التدريب و بعد فتره كبيره خلصوا التدريب
و طلعوا علي الغرف
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

في غرفه أسماء
البنات كلهم كانو متجمعين في الغرفه عند أسماء و
أسماء كانت واقفه في الشباك بتبص علي ياسين و هو بيعمل تدريبه ياسين شاف أسماء بتبص عليه هو كمان بصلها بس للأسف كان بيضرب علي ضرب النار و اتصاب
أسماء اول ما شافت ياسين بيقع علي الارض صرخت
أسماء:ياسييييييييييييييييين
البنات اتخضت من صراخ أسماء و راحو يجروا عليها
روكا بخوف:في ايه
أسماء برعب علي ياسين:يياسينن اتتصااب
هايز بتوتر:ايه ياسين اتصاب
أسماء بهلع:اه
أسماء لبست حجابها و نزلت تجري و راحت العياده اللي فيها ياسين و لقت عدي و احمد و مالك هناك بس خي مهمهاش حد كان اهم حاجه عندها تتطمن علي ياسين
أسماء:يياسيين فين
احمد:متقلقيش هو كويس مفيهوش حاجه بس الدكتور بيشيله الرصاصه
أسماء:انت متأكد انه كويس
احمد:كويس والله متقلقيش
البنات واقفين جمب أسماء و بيواسوها بس هايز كانت سرحانه و بتعيط
و عدي كان واقف بيغلي من كتر الغيره و اقسم بداخله ان يعرف سر تلك العلاقه بين أسماء و ياسين
خرج الدكتور و أسماء طلعت تجري عليه
أسماء:ياسين كويس يا دكتور صح
الدكتور:متقلقيش الاصابه كانت في كتفه اليمين و مش خطيره
أسماء:بجد يعني هو كويس
الدكتور:اه والله كويس و يقدر يروح الغرفه بتاعته كمان
أسماء:شكرا يا دكتور
و مشي الدكتور
و ياسين طلع غرفته
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

عند البنات
أسماء:انا لازم اروح لياسين
روكا: مش هينفع ممكن حد يشوفك
ريهام: روكا معاها حق
أسماء: مليش دعوه انا عايزة اروح لياسين دلوقتي
هايز: طب قولي لأحمد هو اكيد هيتصرف
أسماء:ممكن ميوافقش
سالي:و ممكن يوافق
أسماء:طب أنا هقولوا.......
أسماء:احمد انا عايزة اروح لياسين دلوقتي
احمد:انتى اتجننتي أفرضي حد شافك و كمان الغرفه بتاعته اكيد هيبقا معاه رجاله قاعدين معاه في نفس الغرفه
أسماء:مش انت القائد اتصرف
احمد:امري لله استني اما اتصرف
و بعد فتره مش طويله احمد قالها انها ممكن تروح و راحت أسماء لياسين
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

عند ياسين في الغرفه
ياسين كان قاعد مستغرب ليه صحابه اللي كانوا معاه سابوا الغرفه و مشوا
باب الغرفه خبط قام يشوف مين لقاها أسماء و مره واحده لقاها اترمت في حضنه و عيطت
ياسين ضمها لحضنه
ياسين:اهدي يا هبله انا كويس
أسماء:لا انت مش كويس و كتفك ملفوف
ياسين:كتفي ملفوف عشان اخد رصاصه في كتفي مش حاجه موضوع كبير يعني
أسماء:انك تاخد رصاصه ده مش موضوع كبير ده انت بارد و رزل
ياسين:اشتمي اكتر عشان اديكي كف خماسي الأبعاد اخلي وشك مكان قفاكي
أسماء حضنته:بس يا بارد
و فضلوا يهزرا و كل دا تحت انظار عدي المُميته بسبب غيرته و كان واقف متابع كل حاجه لانهم نسيوا الباب مفتوح و للأسف عدي مقدرش يسيطر علي نفسه و راح عند ياسين و شد أسماء من حضنه و ضرب ياسين بوكس في وشه أسماء اتخضت علي ياسين و راحتله
أسماء بلهفه:ياسين مالك انت كويس
عدي بعصبيه:خايفه عليه اوي هو ده اللي انتي بتحبيه هو ده اللي يخليكي تمشي زي الحراميه في الضلمه عشان تجيله غرفته و تترمي في حضنه
أسماء بصدمه:ايه اللي انت بتقوله ده انت مش فاهم حاجه
عدي:لأ انا فاهم كل حاجه كويس جدا فاهم انك بتحبي الاستاذ ده و بتترمي في حضنه من غير حق او صله ما بينكم طب لزمته ايه الحجاب اللي انتي لبساه ده
أسماء:لحد هنا و مسمحلكش تتكلم كلمه زياده عني او عن سمعتي
عدي:طالما امتي خايفه علي سمعتك ايه اللي يخليكي تيجي لواحد غرفته بليل و تترمي في حضنه
أسماء:اللي يخليني اعمل كده ان ياسين يبقا........
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وبس
يارب البارت يكون عجبكم😍😍😍😘😘😘😘❤❤❤❤❤❤❤
طبعا انهارده انا فرحتي لا توصف لان اختي الحمدلله نجحت في الثانوي العام
و كمان القائد احمد نجح في الثانوي العام وانشاءالله هيدخل عسكري و حابه اباركلهم هما الاتنين ألف ألف مليون مبروك على النجاح🌹🌹🌹😍❤❤❤❤❤❤❤❤❤❤❤❤❤❤❤❤❤❤❤❤❤
سلام😘😘😘😘😘😘😘😘😘😘😘