عدي بغضب: طالما انتي خايفه علي فاوي كده ايه اللي يخليكي تيجي لواحد غرفته بليل و تترمي في حضنه
أسماء: اللي يخليني اعمل كده ان ياسين ده يبقا اخويا
عدي بذهول:اخوكي؟؟!
ياسين بغضب: اه اخوها
عدي: وانا ايه اللي يثبتلي انك اخوها و انكم مش بتقولوا كده عشان تداروا علي نفسكوا
ياسين ورا ليه البطاقه بتعاته و أسماء ورته البطاقه
أسماء: لو حضرتك لسه مش مصدق ممكن تسأل اي حد من الفريق و هما هيقولولك انه اخويا
عدي بتسأل: طب ليه مقولتيش انه اخوكي اول ما جيتي؟؟!
أسماء: لاني مكنتش عايزه حد يقول انه جي ورايا عشان يحرصني و تقول عليا ضعيفه زي ما قولت قبل كده ان انا و البنات بنتدلع
عدي: بصي من الاخر انا عمري ما اتأسفت لحد و انتي الوحيده الي هعتذرلها... انا أسف
أسماء بقوه: بس انا مش قابله اسفك
و قبل ما عدي يتكلم كلمه واحده أسماء مشيت و سابته
عدي هو كمان مشي و نزل الساحهوو فضل يمشي و هو بيفكر و ندمان انه شك في أسماء
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عند أسماء
دخلت أسماء الغرفه بعصبيه و لقت البنات كلهم قاعدين راحت أسماء ناحيه الدولاب و اخدت الشوكولاته و راحت قعدت علي السرير و مسكت الفون و شغلت اغنيه ملطشه القلوب
البنات بصين لأسماء بذعول
شروق:مين عصبك يا مجنونه
أسماء و هي بتاكل الشوكولاته بعصبيه:حيوان
هايز:هو مين يا سمكه
أسماء بعصبيه:بارد
روكا:هو مين يا بنت
أسماءبعصبيه:متخلف
ريهام:مين الزفت اللي بتتكلمي عنه
أسماء:اهبل
سالي:اللهم طولك يا روح يا بنتي مين المهزء ده
أسماء:عبيط
زينب:مين اللي ألهي يدوس عليه قطر يفرتكه مليون حت
أسماء:متدعيش عليه
ريهام:هو مين اللي متدعيش عليه
أسماء: الحيوان
البنات: عااااااا صبرنا يا رب
أسماء بصتلهم بجمب عينها و كملت اكل شوكولاته
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
تاني يوم
كلهم واقفين في ساحه التدريب
احمد: انهارده التدريب هيبقا في المبني لانه هيبقا تدريب شبيه لتدريب الجيم
البنات: تمام يا فندم
عدي: وبالنسبه للملازم أسماء اي تدريب فيه رفع اثقال مش هتعمله عشان ايديها
أسماء بصتله من فوق لتحت بأحتقار و مردتش عليه
عدي اتعصب من الحركه اللي هي عملتها بس سكت
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
أسماء كانت في المبني و شافت ياسين بيدرب و بيعمل تدريبات صعبه رغم انه متصاب في دراعه
أسماء اتعصبت و راحتله
أسماء بعصبيه: ممكن افهم انت بتعمل ايه
ياسين: بتدرب يا أوسو هكون بعمل ايه
أسماء: والله! و حضرتك مش واخد بالك انك متصاب في كتفك و غلط االي انت بتعمله ده و بعدين في الشاش اللي كان الدكتور رابطلك بيه دراعك عشان متحركهوش
ياسين: اولاً انا مينفعش ما ادربش عشان انا القائد و مينفعش اقعد من غير ما ادرب ثانياً انا خلعت الشاش عشان اعرف ادرب و بعدين مش كفايه انتي دراعك متجبس هيبقا انا و انتي متجبسين
أسماء بعصبيه و صوت عالي: انت ليه مش خايف علي نفسك و مستهتر و....... عااا
قاطع كلامها ياسين وهو بيمسكها من قفاها زي الحراميه
ياسين: اخر مره يا كلب البحر يا صرصار من غير شنبات تعلي صوتك عليها فاهمه
أسماء: فاهمه اباشا بس بعد اذنك سيبني عشان كرامتي اتبعترت خالص
ياسين و هو بيسيبها: اتأسفي
أسماء و هي بتشده من خده: انا اسفه يا سينو
ياسين بذهول: انتي بتتكلمي مع ابن اختك
أسماء و هي بتحضنه: لا بتكلم مع اخويا و حبيبي و انت احلا اخ في الدنيا
ياسين و هو بيضمها لحضنه: و انتي احلا قطه يلا علي تدريبك يا قطتي
أسماء: حاضر بس خلي بالك من دراعك عشان الجرح ميتفتحش
ياسين وهو بيبوس راسها: حاضر يلا علي تدريبك بقا
أسماء: سلام يا سينو
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
أنت تقرأ
احببتك في مهمه
Romanceهو احبها لا بل عشقها و اصبح حبها يجري في وريده عشقها لأنها مثل الطفله عشقها لأنها ناضجه احبها لأنها مجنونه احبها لأنها عاقله و هي ايضاً احبته من كل قلبها و عشقته و عشقت تفاصيله و اصبح حبه كالأدمان بالنسبه لها روايه رومنسيه ❤️😍كوميديه🤣😂اكشن💪👊💥...
