شغف

حلقه3

#شغف 3

لايك+تعليق

اسراء:طلعت من دار لقتهم في صاله يتغدو
سعاد:قلبت وجها
جنات:حست ان الجو مش تمام...اهلين اسراء...هي تعالي تغدي
اسراء:في كشيك ولا نجيب😒
طلال:بصوت حاد...لا في تعالي
اسراء:باه...ومشت قعدات جانب طلال
شيماء:تشوفلهم بكسرة خاطر كبيره في الحظه هذي تمنت ان بوها وامها مامتوش وان خوها ماسيبهش ومات حتى هو تمنت ترد حوشهم وتقعد براحتها من دون ماحد يكسر بخاطرها💔💔💔
سعاد:شافتلها...كولي شيماء بنتي كنك واقفتي
شيماء:نيتها اصكرت...لا عميمه تمام كليت...وصبات
سعاد:تشوف الطلال...البنت هذي لها كم يوم مش عجبتني
جنات:اكيد مرايفه لهلها
سعاد:ربي يرحمهم...صبات...الحمدلله يلا جنات واسراء بعد تكملو نضمن السفره والكوجينه انا ماشيه نراقده شوي
جنات:تمام ماما
طلال:الحمدلله
اسراء:زيد حبيبي
طلال:فنص فيها وصبا
جنات:تلم في الخبزه...هي اسراء شيلي السفره والحقيني للكوجينه
اسراء:بدون اهتمام...ولله انا عروسه جديده مزلت وتبوني نشتغل😒
جنات:مسكه اعصابها...صبي وانا توه نعونك
اسراء:لا مانبيش نصبي...ولا نقولك امشي كلمي شيماء تساعدك
جنات:😤صبراً بالله المستعان...وعدت
اسراء:هو انتو لسه شوفتو حاجه🤭😏

                  روايـــات أسـمـاء أشــــرف❤️🔥
                   أســــــمــــاء أشــــــــــرف❤️🔥

طق طق طق
شيماء: مسحت دموعها...خشي جنات
طلال:خش وقاعد جانبها
شيماء:بتوتر...اء طل طلال انشالله خير كنك
طلال:تنهد...عارف انك سمعتي كل كلامي امس مع امير
شيماء:شافتله ونزلت راسها😞
طلال:عارف انك خذيتيني غصبن عنك وانا كذلك💔بس نحاول نعدل بينك وبين شيماء
شيماء:بحزن..شوف طلال انا عارفه اني انجيرت عليك كيف ما انت انجبرت علي...بس نبيك تعرف اني محولتش اني نخرب زوجك من اسراء لاني عارفه انك تحبها وتحبك💔يعني انا طرف ثلاثه في قصه وماليش اي داعي...تنهدت...عشان هكي نبي نطلاق
طلال:بصدمه...شنو تتطلاقي...في ايش تحكي انتي
شيماء:يا طلال فكر بالعقل انت تحب مراتك الثانيه وهي كذلك انا ايش دخلني بيكم
طلال:شوفي حنعتبر روحي ماسمعت شي والكلام يلي قالتيه توه انسيه...وبالنسبه للكلام يلي سمعتيه امس اسف عليه لاني اكيد جرحتك من دون قصد...وطلع
شيماء:قعدت تبكي...مش معقول هكي نقعد ع ذمته ونتعذب في بُعده وهو راجلي و حلالي😭💔
_________________
امير:واصل هل وداد لحوشهم وعدا جاب خضر ولحم ودجاجه وميه وتمر وحليب ومشالهم للحوش اخر عط لحاجه لهم
(طبعا زي ماتعرفو هم ماعندهمش اقرب وحتى لو عندهم بس يكونو برا مسافرين...لكن طبعا الجيران وصحبات وداد واختها جو للعزا💔)
استمر العزا لمدة ثلاثه ايام وطبعا امير هو مستلم كل شي حتى الرجال يلي جو يعزو قدمو واجب العزا الامير
وفي اليوم الرابع خش امير ع ام وداد يحكي معها💔

ام وداد:بارك الله فيك ياوليدي ولله لو كان عُمر كبير ماكنش حيدير يلي دراته
امير:بحزن...ماتقوليش هكي انا كيف ولدك وانتي كيف امي💔
ام وداد:تبكي...كانت تحبك كانت تشوف فيك سند لها ولنا😭
امير:مسح دمعته من طرف عينه...ومزلت سند لكم واي حاجه انا حاضر...ومستحيل نسيبكم
ام وداد:ربي يخليك لشبابك ياوليدي
امير:حظنها💔💔وكان خاطره يبكي لكن مسك روحه..لان فراق وداد مش سهل بالنسبه له🔥
___________________
جنات:خلاص شيماء معقوله هكي لك ساعه تبكي
شيماء:مش قادره مش قادره نحبه وهو مش حاسس بي🔥وفوق من هذا اجوز علي وانا رضيت بس عشان نحبه😭
جنات:حظنتها..خلاص حبيبتي قطعتي قلبي حرام عليك
شيماء:نحبه يا جنات نحبه😭
جنات:شوفيلي شيماء
شيماء:مسحت دموعها عشان تشوفلها كويسه
جنات:بصوت حاد...لازام تخليه يبحبك
شيماء:كيف
جنات:شوفيلي هنا...الراجل مهم كان واعر لكن ديما تلقيها قدام مراتها او البنت يلي يحبها تمام
شيماء:منتبهتلها...كملي كملي
جنات:
___________________
طلال:خش لسور الحوش لقى امير قاعد ع كرسي ويدخان بغل...واخيراً شفنك
امير:شافله وكمل دخانه
طلال:قاعد جانبه...كنك
امير:وداد💔
طلال:كنها
امير:ماتت😭
طلال:بصدمه...تحكي جد
امير:يبكي...مشت وسيبتني...يضرب في صدره...مشت وخلتني بروحي
طلال:لالا ياراجل امسك روحك كنك ربي يرحمها
امير:مش قادر نتخيل حياتي من غيرها💔
طلال:امير امسك روحك الموت علينا حق...وهي هذا عمرها ادعيلها...انت هكي تعذب فيها
امير:مزلت صغيره حرقتلي قلبي عليها🔥
طلال:ربي يصبرك...ولو فعلا تحبها زكي عليها
امير:من غير ماتقول
طلال:تمام...بس هي امتى ماتت
امير:شافله...من4ايام
طلال:ماعندهمش اقرب هم صح
امير:اها...بس الجيران وصحباتها وصحبات اختها جو عزوا كلهم💔
طلال:ربي يرحمها
امير:انشالله💔
___________________
#تسريع_في_الاحداث💔