أفراح : من دخلت كاعده بالغرفه وابجي خايفه لان ناس ماعرفهم كله من ابوي حسبي الله ونعم الوكيل 😭😭
الاب : ابني روح شوف امك خل تروح تكعد ويه البنيه من اجت كاعده وحدها بلكي محتاجه شي وتستحي
أمير : حاضر يابه
أمير : يمه
الام : ها وليدي
أمير : يمه فدوه رحت الج ماترحين تشوفين هالبنيه كاعده وحدها من اجت ابوي كال خل امك تروحلها من اجت ملخت روحها بس تبجي تكطع الكلب
الام : خطيه رايحه اشوفها يمه
أفراح : جنت كاعده بمكاني وفجأه نفتح الباب اني متت خوف كلت حيجون يموتوني جان تدخل مراة جبيره بالعمر اجت بصفي
الام : يمه اسم الله شبيج تبجين يبعد طولي منو وياج
أفراح : بس حجت ويايه نفجرت بالبجي 😭😭
الام : كافي يمه هالعيون الحلوه مايلوك الها البجي كومي غسلي وغيري ملابسج وعتبريني هنا مثل امج
افراح : فرحت بكلامها كلش حبابه طمنت وكمت غسلت وغيرت ملابسي لبست دشداشه زيتوني منقطه اسود بس مبهذله عليا مو قياسي مرت عمي مخلتلي ياها وطلعت وتلكتني الحجيه
الام : ماشاءالله فدوه لهل وجهه المنور يلا بنيتي تعالي نزلي
أفراح : حاضر حجيه
الام : بنيتي كوليلي يمه
أفراح : حاضر يمه 😊
الام : يبعد امج شحلاتها من حلكج الحلو كلمه يمه
أفراح : حسيتها مثل امي تنحب وحبابه كلش نزلنا جوا اني وياها
الام : ها حجي شقررتو
الاب : حجيه كومي انتي وبنتي الحلوه سون اكل وبعدها نتفاهم
الام : حاضر حجي
الام : كومي بنيتي
افراح : صار يمه
دخلنا للمطبخ مطبخهم كلش حلو وجبير كلش حضرنا الاكل اني والحجيه طلعت دجاجه وسويت تمن والحجيه ساعدتني اني متعلمه اني معلمتني ع كلشي صبينا الاكل
أمير : من دزيت امي ع بنيه رحت كعدت وحدي بالصاله العب بالفون بس بالي يمها كل شويه واتذكر عيونها وبجيها وشهكتها وصاحتلي امي ع الاكل طلعت وشفتهم مسوين الاكل رحت كعدت وهيا جانت كاعده بصف امي بس باين عليها خجلانه حتى مارفعت راسها ملامحها كلش حلوه اكل وعيوني عليها
الام : فروحه بنتي شمالج ماتاكلين
افراح : ماشتهي يمه
الام : ميصير بنيتي هنا احنا مثل اهلج بعد المن مستحيه
افراح : بتسمت الها واجنت عيني بعين هذا الولد حتى ماعرف اسمه جان يباوعلي خجلت ونزلت راسي
أمير : دايمه يمه
الام : عافيات وليدي
أمير : يعافيج يمه
أمير : طلعت ال غرفتي طبعا كمت لان حسيتها خجلانه بوجودي كمت حتى تاخذ راحتها خاصه من صارت عيني بعيونها صارت طماطه خدودها تخبل صحيت من تفكيري طبيت سبحت طلعت خابرت فارس صديقي مقرب اش يصير وياي احجيله
فارس:جنت كاعده العب بتلفون ودك امير 📞📞
امير :📞📞مرحبا فارس
فارس :📞📞اهلين امير
امير :📞📞فارس ضايج تجي نطلع ويه جماعتنا صارلنا هواي ماطالعين وياهم
فارس:📞📞اي يخوي صارلنا هواي ماطلعين وياهم من الامتحانات ماشفنه بعض
امير :📞📞 اي صدكت يخوي صارلنا هواي يالله نلتقي بل كافتريه يلي نلتقي بيها دآئما
فارس:📞📞 بس البس واجي على كافتريه
امير: 📞📞اي يخوي انتظرك
سد فارس اني رحت لبست بنطرون اسود وقميص ازرك وخليت عطر ولبست ساعتي وطلعت تلكتني امي وكالت
الام : ها يمه وين رايح
أمير : يمه طالع اغير جو ويه فارس
الام : اي يمه دير بالك ع روحك ولاتتاخر
امير :صار يمه بستها براسها وطلعت
أفراح : من كملنا الغدا الحجيه دلتني ع غرفتي رحت رتبت ملابسي جنت كولش تعبانه خليت ونمت ماحسيت للعصر
لبست شالي ونزلت
الام : هلا يمه تعالي كعدي بصفي
أفراح: اعذريني ماحسيت بروحي ونمت
الام : نوم العوافي بنيتي
افراح : ربي يعافيج
الام : احجيلج ع ولدي وبناتي اني عندي بنات ثنين مها وسلوى وعندي اربع ولد سعد واحمد وعمر وأمير الي شفتي ويانه ع الاكل كلهم مزوجين سعد خاطب وان شاء الله بس نكمل تجهيزات العرس ازفه وأمير انتظره يكمل دراسته واشوفله بنيه حلوه وحبابه كون مثلج يمه
أفراح : ستحيت ونزلت راسي وبقت تحجيلي عن بناتها صراحه حبيتهن قبل ماشوفهن دنحجي وجان تسالني .....
.
