الام : بنتي حجيلي عن اهلج شون هيج ينطون بنتهم شون نطاهم كلبهم
أفراح : احجي ودموعي تصب شحجيلج يمه هوا اني من جيت للدنيا عيشتي قهر وعذاب وضيم ماشفت راحه بطفولتي ولا حتى من كبرت عايشين ويه بيت عمي ابوي مو زين ويايه ابد ميحبني ومرت عمي وعمي هم كذلك يحبن نفسهن بس امي لاحول ولا قوة مابيدها شي غير تصبرني ابوي يكرهني لدرجه انطاه بنته علمود قطعه ارض سكته بيها عمي 😭😭 اجيت مكان ابنه مهند الي اتحارش بنتكم عمي ماقبل ينطي ابنه او بنته وابوي كل همه فلوس باعني علمود قطعه ارض ولا سال عني امي توسلت بي وباست رجله بس هوا ولا مهتم احجي وابجي والحجيه مصدومه خطيه 😭😭
الام : حسبي الله ونعم الوكيل بنتي لاتبجين الله ياخذ حقج منهم 💔 كومي بنتي غسلي ولاتفكرين بشي اني هنا مقام امج وشتحتاجين بس كوليلي
أفراح : حضنتها جنت صدك مشتاكه ومحتاجه حنان الام من حجيت البكلبي ارتاحيت كمت غسلت وجهي وطبيت اسبح طلعت مجان اكو احد بالبيت نزلت بدون شال افتر بالبيت نفسيتي كلش مرتاحه
أمير : لتقيت ب فارس والشله
فارس : ها ولك عار
أمير : 😹😹 متبطل سوالفك ولك
الشله : هلا بالعريس
أمير : ياعريس هذا وجهه الفكر
فارس : ليش يابه ماعقدت عليها
أمير : نجبو ولكم سالفه طويله لفونا لااطيح حضكم 😹
الكل : يابه سكتنا اعصابك استاذ امير
امير : عفيه هيج اريدكم 😹😹
فارس : خاب ماتنجب مصدك روحك ترا اكوملك املخك
أمير : تعال ونشوف
الشله : كلبت ساحه حرب
فارس : أمير اليوم عشويه ع حسابك
أمير : يابه تدللون شتحبون اطلبكم
الشله : بكيفك
فارس : لا بله اني اريد كباب وبيتزا وكنتاكي
امير : ادري بيك ابو بطن صار يابه تدلل اهم شي كرشك ميزعل
الكل 😹😹
افراح : نزلت افتر بالبيت الحجيه جانت تبتسم الي طلعت للحديقه عدهم مرجوحه صغيره داخل الحديقه كعدت بيها وشعري مفتوح ع هوا ودنيا ليل تقريبا جانت ساعه ب 8 هيج شي فجأه ونفتح الباب عزا ...
أمير : طلبتلهم ودفعت الحساب وطلعنا نفتر كضيناها شقه وضحك ماطولت وياهم شويه وترخصت
الكل : ها يابه لازم مرتك ماتخليك تتاخر
امير : ولكم اني مو كلت نجبو
فارس : يابه دعوفو روح خويه لاتخلي البنت تنتظر 😹
امير : خرب يومك ع هالسان يجي يوم واكصه بيدي ورتاح ترخصت ورجعت للبيت فتحت الباب وجان اشوفها كبالي كاعده ع مرجوحه وفاله شعرها شكلها يموت
أفراح : دخل واني جمدت بمكاني ماعرف شسوي ادور ع شالي ماكو صار كبالي
امير : سلام عليكم
افراح : عليكم السلام
أمير : مم شونج
أفراح : الحمدلله تمام
أمير : دومج
افراح : تسلم
عفته وركضت للغرفه البس شالي عزا شكد خجلت حسيت كلبي حيطلع من مكانه دكاته فاضحتني اول مره احس بهل شعور لبست شال ونزلت
امير : حسيتها خجلت مني لان شفتها بدون شال بس صدك منضرها يجنن تمنيت تبقى كبالي واباوع بعيونها الي دخت بيهن مادري ليش هيج دخلت للصاله وشفتها نزلت ولابسه شال ع راسها وتباوعلي وتنزل راسها مستحيه
الام : ها يمه جوعان اسويلك اكل
امير : لا يمه اكلت ويه جماعتي
الام : يمه الف عافيه وليدي ابوك يريد بموضوع ينتظرك بالمضيف
أمير : خير يمه صاير شي
الام : خير وليدي خير روحله يلا
افراح : اني كاعده واسمع حجيهم عرفت الموضوع عليا كلت يمكن وجودي وياهم ازعجهم
أفراح : حجيه اريد احاجيج
الام : كولي يبعد طولي
أفراح : يسلم طولج يمه
اني خايفه وجودي وياكم ازعجكم داحجي وقاطعتني .....
الام : اششش ماريد اسمع هالحجي بعد اني من دخلتي البيت الله شاهد معتبرتج بنتي ازعل منج اذا عدتي هالحجايه
أفراح : الله لايحرمني منج ويخليج يمه بستها وحضنتها
الام : فدوه لبنيتي
امير : طبيت يم ابوي جان يصلي نتظرته يكمل صلاته
تقبل الله
الاب : منا ومنكم صالح الأعمال وليدي
أمير : اي يابه امي كالت عندك حجي ويايه ان شاءالله خير
الاب : وليدي رتك بحجايه
امير : كول يابه
الاب : ابني هي بنيه نحنا جبناها اهنا وهي حتى مالها ذنب ابن عمها السبب واحنا كل تفكيرنا يسلمونا ابنهم ماتوقعنا ينطون بنتهم فاا اني اكول نسأل البنيه اذا حابه ترجع نرجعها وذا تريد تبقى نخليها بعيونا وتبقى هنا واكيد اذا رادت تبقى انت راح تعقد عليها
أمير : بس يابه اني ممفكر بالزواج اني اريد اكمل دراستي مو وكتها
الاب : حتى لو خطوبه بس منا وحجي العالم وليدي
أمير : ماشي يابه ال تشوفه يجرالك
.
