#مرضى_فراقك
الحلقه7
هيام:خيرك هكي حاطنا ف الهامش ووك
هاني: موضوع حساس
هيام:😂 ياي
هاني:احكي هي
هيام: امنه مش امنا
هاني بملامح وجه بارده: وكيف عرفتي
هيام: اولا معمري حسيت معاها ب حنان الام وتانيا هكي مش هامينها بكل ولا حتي نشبهولها اصلا
هاني:به كملي
هيام:طبعا كنت مصدقه لن جت هناء هادي ل حوشنا
هاني:😳هناء من؟
هيام:هيا هادي شكلها امنا الحقيقه؛ يوخيي حنينه هلبا❤
وحسيتها حتي تشبهلنا وهكي وحاسه بينا؛ مش زي امنه المشطه هييهه
هاني: اي وامتي جت هادي؟
هيام: يوم تخرجي شوفتها حتي ف الكليه تبكي 🥺 وامنه منزلتش حتي دمعه🙂💔باش تعرف بس وفيه يوم اتصل بيا رقم فتحت الخط قالت بنتي قوتلها من معاي قتلي انا امك حبيبتي وبعدها فصل الخط ربطت الاحداث هكي طلع معاي، يعني عمرنا كله عايشين مع ام مزيفه تخيل حرمونا من امنا الحقيقه
هاني: به توا نديرو تحليل DAN ونشوفوا
هيام:انا متاكده بدون مديره اصلا
هاني:نتاكدو احني شن خاسرين
هيام:اي جعانه
هاني:😂كيف كنت بنطلب حتني جعت؛ اصبري نمشي شوي ونجي
هيام:به متعطلش
هاني:حاضر
هيام قعدت فاتحه نت مابين هاني جي
عبدو: اي ولي وين صلتو
هيام:😳وشن جيبك اهني انت
عبدو:جاي نشوف خطيبتي
هيام:قتلك انا مش خطيبتك ولا عمري ح نكون ليك اقلب وجهك
عبدو: الله غالب لكن انتي في الحقيقه هكي
هيام: اطلع خير ميجيك هاني توا تشوف
عبدو:به اهدي خلاص اسسس وطلع
هيام تنهدت: زي الكابوس وهوا ديما ملاحقني ووك💔
هاني:اه خيرك تحكي مع روحك
هيام: اء لا شي
هاني:خيره وجهك هكي لونه مخطوفه
هيام:🥺جعانهه
هاني:😂هي شوي بسس
هيام:اي به بنقولك
هاني: ع شن
هيام: توا كيف بنديرو التحليل
هاني:متحضريش ف مسلسلات ولا كيف؟
هيام:نعرفف ي حمار قولي الشمطه هاكي كيف بنجيب منها شعر ولا دم ولا حتي ظفر
هاني:خليها عليا هديكا انتي خليك ع هناء
هيام: به، غير خيرهم عطلو💔
هاني:اسكتي اهو جي
_______________________
آسياء:هاجر ... هاجر
هاجر:انعم
آسياء:نوضي
هاجر:شن تبي مني؟
آسياء: بوك يبيك بسرعه
هاجر: به وناضت
بعد مطلعت هاجر آسياء خدت فون هاجر طول وبدت تفتش فيه لقت شاتها هي وسراج وقعدت تقرا لن سمعت صوت سكرت وردت الهاتف ف مكانه
آسياء:اه شني يبي منك
هاجر:نمشي معاه
آسياء:لي وين؟؟
هاجر: تجهيزات لعيد ميلادي الاسبوع الجاي
آسياء:اي به نوضي
هاجر: مخاطريش
آسياء: عيد ميلادك ي حماره
هاجر: ايححح به هي ولبست ع السريع ومشت
ناضت آسياء سكرت الباب متع الدار
آسياء:واخيرا بنعرف
طق طق
آسياء:🤦♀️🤦♀️اكيد هي ومشت فتحت الباب
امها: انزلي ل دار الجلوس
آسياء:علاش
امها:فيه مراء تبي تشوفك
آسياء: وعلاش
امها:انزلي واسكتي
آسياء:بهه، وغيرت حوايجها ع السريع ونزلت
كانت متوتره هلبااا
نادية ابتسمت لما شافتها؛ سلمت علاها آسياء وقعمزت جنبها
_______________________
آية: انا نبي نعرف شن خبصتي بس
وسن: مشيت درت دورة ع هيام طلعت مش ف الحوش
آية:وين
وسن: ف المستشفي قال
آية:علاشش😳😳
وسن: منعرفش
آية:مسالتيش ؟
نجلاء: ت هاني واخدلها عقلها
وسن:🤤شوفته غاادي وح وقعلي
نجلاء:حي تبصري😳😭
وسن: ها شوفي
نجلاء: ع ايدك😭
وسن:اي
نجلاء:يعنيي لمس ايدك الخاين
وسن:خاين شن مصحك🙂مش سادك موسي
نجلاء:بالله فوتيني منهه
وسن: خيره
آية:اسكتووووووووو
وسن:🌝سكتت
آية: قوليلي لما قالك ف المستشفي
وسن: كان يضحك
نجلاء: شن ماشيه ادير ف عملية تجميل مثلا
وسن:😂😂مصحح وجهكك حماتي حلوه معندها علاش ادير فاها
نجلاء: اي عللاش بيضحك وهي ف المستشفي
وسن:وين نندري انا خلوني توا ف عالم تاني
آية خدت فونها واتصلت ب هيام
هاني: سكري هاتفك
هيام:آية
هاني: به سكريه
هيام:بهه وسكرت علاها وبعتتلها رساله
آية:سكرت عليا
وسن: مش فاضيه اكيد
نجلاء:شوفي جاتك رساله
آية: انا ف اجتماع سا ارد عليك لاحقا
نجلاء:خيرها تتكلم بالعربيه الفصحى😂
وسن: رسائل واتيت ي حماره😒تقعدش تكتب
آية: اجتماع؟
وسن: اي اكيد مع بوها😂وامها
نجلاء:مرات مع هاني🤤
وسن: تعرفي وربييي ي نجلاء مزال تذكري اسسمه ع لسانك لما نقطعه طروف طروف
نجلاءء: هاني هاني هاني😂
وسن: مصحككك وناضتلها
_____________________________
هاني: غير لا زيدي كولي
هيام:لا وربي شبعت
هاني: بتشبعي غصبا عنك😂
هيام:حيوان😒
هاني: اي هي نوضي بهه
هيام: بهه هي
هاني: اركبي السياره وجايك
هيام: به ومشت ركبت السياره واتصلت ب آية
وسن: من؟
آية: هاني وردت
هيام: اهلا ايه
آية: اهلين
هيام: سامحيني كنت مش فاضيه
آية: ولايهمك
وسن: لا جديات تحكي مع ولد هادي😳تعالي جاي
آية تضحك وتبعد من ع وسن
وسن: آية🙂
هيام: الووو آية
آية: شوي بسس؛ نبصر وربي هيام شوفي ها
وسن:كلبه🙂
آية: المهم خيرك سمعت ف المستشفي
هيام: اء لالاشي غير كنت اندير ف تحليل
آية:اها به
هيام: اي باي توا
آية: باي وسكرت
وسن: خيرها؟
آية: مش فاضيه البنت
وسن: اها بههه
روايــــ🔥ـــات عــــيـــــــوشـّه نـــــ🔥ـــــــاصـــر
أنت تقرأ
مرضي فراقك
Romanceاعلان الرواية الجديده💕؛ قصة حب كبيره بين بنت من عائلة حالتهم متريحه ويشوفوا للناس من نظرة المادية وولد من عائلة بسيطه وع قد حالهم؛ حيرة بين حب الماضي والحاضر واي واحد فيهم هوا الاختيار الصح✔
