مرضي فراقك

الحلقه"9"

#مرضى_فراقك
الحلقه9
هيام:شنهيا الورقه هادي
هاني :تحليل
هيام:DNA
هاني:اي
هيام: لمن
هاني:نفس الاوله غير هادي بالصح
هيام:ككيف
هاني:امنا هناء
هيام:😭قتلك احنا توام واضحه اصلا متصدقشش🔥
هاني:😂ومن صدقها اصلا
هيام:انت تعصبت وهك
هاني:تعصبت لانها قدرت تلعبها صح
هيام:به قولي كيف لعبت فيه هاكا
هاني:عندها ولد اسمه احمد
هيام:اي؟
هاني:المهم دارو التحليل انتي وامي وامنه واحمد انا لا وع اساس احمد تحليلي انا
هيام:توقعت هاامسخه ادير هكي🙂المهم توا
هاني:شن
هيام:بابا واقف مع هالجربوعه وعارفنا مش صغارها
هاني:اي؟
هيام:بنمشي نشكي فيهم
هاني:اقوى بعد😂🔥
هيام:اي ونبدا نعيش مع ماما وخلي بابا ومرته برواحهم
هاني:اي وشن بديري تاني
هيام:شي هوا هدا
هاني:بوك يقدر يكسب ف القضيه هادي متنسيش عنده محامين مش محامي بس
هيام:😒اي وبه
هاني:وانتي معندكش ح 100دينار😂
هيام: ياربي المهم انت خود المهمه انا انفذ بس
هاني:اصلا طول عمرك هكي انتي😂
هيام:تفي😒😂ماه انت فاهم الدنيا كلها انا طايحه عليا سبوره ومنحبش الكلام ف المواضيع هادي
هاني:تم تم
هيام نزلت م السياره هي وهاني دخلو للحوش
هيام:الحوش خيره هكي
هاني:ادخلي ادخلي ديما هكي غير انتي مش مركزه
هيام:لكن جديات المره هادي حسيته مسكت
هاني ساكت ويمشي
تالاء: وصلتو
هيام: لا قعدين ف الطريق فهميني ليش قعده اهني ووينه بابا؟
تالاء:قعده اهني لانه بوك مشي هوا وامك لتونس
هيام:🙄حيوانه هيه
تالاء:😳😳😳
هيام:مش امي متنصدميش
تالاء:املا من؟
هيام:مرت بوي
تالاء:كيف
هيام:مخاطريش نحكى غدوه🙂المهم هناء قعده؟
تالاء:لا قالت غدوه بتجي
هيام:اه به
اليوم لي بعده⛅⛅
ناضت هيام ع صوت هناء
هناء:هيام ... هيام
هيام:نعم
هناء:نوضي ظهر
هيام ناضت مخلوعه:ظهر😳
هناء:اي قريب
هيام:وينه هاتفي
هناء:ف الشحن
هيام:به الساعه كم؟
هناء:انتي غير نوضي
هيام ناضت م سريرها شافت الساعه:الساعه 9🙄
هناء:فطورك تلقيه ف الكوجينه
هيام:بهه ومشت للكوجينه تفطر
هاني دخل للكوجينه:ديرلي دحي
هيام:به غير اسمع
هاني:جيبيلي فطوري ف المربوعه واحكي لي بتحكيه
هيام:به
هاني وهوا طالع يجري وديرلي جبنه معاها
هيام:😂حاضر، كملت هيام فطورها ودارت فطور هاني ووت السفره ورفعتها
هيام:هاني ... هاني
هاني:ادخلي
دخلت هيام بالسفره وحطتها جنب هاني
هاني:شن فيه?
هيام:امتى بنقولو ل هناء انها امنا
هاني:تعرف هي
هيام:😳😳كيف؟
هاني:زما سمعتي
هيام:علاش به
هاني:به توا نحكيلك وبدي ياكل
هيام:نسمع فيك
هاني:امك بوك طلقها وخدي امنه
هيام:😒نا عارفتها خطافة رجال
هاني:وهي لاعندها لابو لا ام متوفين الزوز خلتنا مع بوك
هيام:علاش خلتنا
هاني:ماه مش ح تقدر تصرف علينا وبنتمرمدو واحنا صغار ي راس السطل
هيام:به علاش تقول امك بوك شن انت مش ولدهم😒
هاني:وسكري فمك خلينيي نحكي ولا اقلبي وجهك
هيام:كمل بهه
هاني:طبعا بوك مش ح يعطي النفقه وهدا كله انتقام ومش عارف امك شن دايرتله?
هيام: مش فيه قانون؟
هاني:لا انت جديات راس سطل
هيام:خير دعوتك
هاني: ت بوك هدا مداير محامين
هيام:به به حتني فاضيه نسال فيك كمل
هاني:اي وقعدنا احنا مع بونا وع اساس مرت بونا هي امنا
هيام:علاش مجتش ح تشوفنا🥺هكي خلتنا؟
هاني:كانت تجي لكن هما ميخلوش فاها تشوفنا،واعطت وعد انها مش ح تقول الحقيقه لحد لانه لو بتقول بونا ح يزرنا من الحوش وبنتمرمدو
هيام:🥺💔احيه
هاني:ووتجغجج
هيام:مبردك كمل ماكلتك بعدين تكلم😒
هاني:😂المهم تمت القصه شن مزال تبي؟
هيام:نبي علاش طلعاتك ولدها؟
هاني:واضحه لانه نص املاك بوي ب اسمي😂وكاتب وصيه لو مات نص لي عنده ليا والربع ليك وهي بتاخد الربع
هيام:اشيه الطماعه حيوانهه والله😒وسفرة تونس مش مرتاحتلها علاش ببعد معرفنا طارت؟
هاني:🤦‍♂️اقلبي وجهك وانتي كل شي شاكه فيه خليني ناكل
هيام:طالعه😒
___________________________
حسام:امي ي امي
رقيه:نعم
وليدي؟
حسام:اليوم نبيك تمشي تخطبيلي هيام
رقيه:روروروري
حسام:😂مزال زغرطي بعدين
رقيه:😂خديت الدبل؟
حسام:لالا نبيك انتي تختاريلي وتعرفي صح
رقيه:ان شاء الله
حسام:هي توا فاضيه
رقيه:ونفضالك حتى كان مش فاضيه راك ولدي الوحيد
حسام:ربي ميحرمني منك❤
رقيه:ولا منك ي رب شوي نلبس ونجيك
حسام:خودي وقتك تلقيني ف السياره
رقيه:به ودخلت ل دارها
شوي ومشت ل حسام ركبو السياره ومشو
____________________
وسن: اطق ع باب حوش آية: آية .. آية
آية فتحت الباب:نعم؟
وسن:شوفي هاجر عزمتنا ع عيد ميلادها اليوم
آية:اوووبه؟
وسن:بتمشي؟؟
آية:مش عارف لكن مفروض نمشو مدام عزمتنا
وسن:انا بنمشي😂نشوف الجو غادي كان معجبنيش نروح شن خاسره
آية:دوري
وسن:غير هي بتمشي؟
آية:اي به
وسن:به وجهك بنمشي ل نجلاء
آية:باي
روايــــ🔥ـــات عــــيـــــــوشـّه نـــــ🔥ـــــــاصـــر
_________________________
هيام مقعمزه ف دارها وتفكر كيف بتفتح الموضوع مع هناء،شوي وطق الباب
هيام:تفضل؟
دخلت هناء:ا....
هيام:نبي نعرف؟
هناء:عع شن؟
هيام:نبي نفهم القصه كامله؟ من حقي نعرف كل شي ع عيلتي وحياتي وطفولتي
هناء واقفه وساكته تسمع ف هيام
هيام: كنت صغيره وكذبتو عليا اي كنت منعرف شي وصدقت انها امى
هناء: كيفف؟
هيام:عرفت كل شي ،مش لازم تكملي ف التمثيليه
هناء:😳😳
ترن ترن🎶🎶
هيام:الووو
هاجر:اهلا هيام كيف حالك؟
هيام:الحمد لله وانتي
هاجر:تمام بنقولك باش تتفضلي اليوم عازمتك ع عيد ميلادك
هيام:صحيتي💗
هاجر:باش تجي ها آية ووسن ونجلاء بيجو
هيام:تمام ان شاء الله امتى؟
هاجر:العشيه
هيام:تمام
هاجر:نستنى فيك باي
هيام:باي
آسياء:واتي كل شي
هاجر:حلوو بنمشي نلبس،دخلت هاجر لدارها طلعت قفطان تلاته ارباع لونه لوسي💛كمامه نص كم منفوخات لبساته وخلت شعرها مفتوح وبخت من برافانها وقعمزت ع سريرها تفكر ف مفاجاءة سراج🔥.
طق طق
آسياء:هي هاجر المعازيم بدوء يجو
هاجر:هيا هيا وطلعت
وسن:اهلا هاجر كل عام وانتي بخير
هاجر:كل سنه وانتي طيبه😊
وجت آية سلمت علاها وعايدتها وعطوها الهدايا
هاجر:هي تفضلو الحفله ف الجنان الخلفي
آية:اوك ومشت
وسن نخصت آية: خيره هيام مجتش؟
آية: وين نندري علاها اكيد توا قريب اتجي
وسن: بنتصل باها نشوفها
آية:اتصلي
وسن خدت فونها واتصلت
وسن:متردش
آية:بالك تلبس مش فاضيه
وسن:اهي ردت الو هيام
هيام:اهلين
وسن: وين مش جايه ولا كيف؟
هيام: لالا قريب نوصل توا غير عطلنا ف المحل شوي
وسن:اه بهه بسرعه خفي روحك الحفله بتبدا
هيام:تمام هي
وسن:قالت قريب توصل
آية:ماه قتلك اكيد قعدت تلبس هدا علاش عطلت
وسن:😒قالت عطلت ف المحل مش ف البس
آية:ايح عاد🙂انتلفي قدامي هي
وسن:😂😂 هي
_____________________
حسام:اي حلووه
رقيه:حتني عجبتني حسيتها بسيطه وحلوه ذوق هيام❤
حسام:تم توا ناخده معليشي خوي نبي هدا
صاحب المحل:تمام وخدي الدبله وحطها ف باكو وعطاها ل حسام
رقيه: هيا ولدي وقت علينا راه مزال هلبا قضيه
حسام:هي امي هي
رقيه:علاش مقلتش من امس بالوسع راه نصها شريناه امس وكملنا اليوم
حسام:جت فجاءة الحكايه
رقيه:به تعرف هيام هي؟
حسام:لالا لكن خوها يعرف
رقيه:مفروض قتلها البنت
حسام:لا نبيها مفاجاءة🔥
رقيه: وكان بوها يرفض زي كل مره
حسام: نمشيله مرتين وتلاته واربعه وعشره
_______________________
دخلت هيام وكل الانظار علاها🔥كانت لابسه القفطان لي جايبهولها حسام❤.
وسن:هادي هيام وله
آية: اي بلا عبط
وسن:متغيره ههلبا
آية: اي لكن مش لدرجة متعرفيهاش
وسن:😒مفضاني نسال فيك
هيام:اهلا وسنن ايوته
وسن&آية:اهلين
هيام:وين نجلاء؟
وسن:قالت معندهاش نيه
هيام:اها به، نسلم ع هاجر ونجيكم
آية:اوك خودي راحتك
ومشت هيام ل هاجر
هيام:اهليين هاجر كل عام وانتي بخير حبيبتي
هاجر: اهلين نورتيي وانتي بخير ي عمري
هيام:تفضلي
هاجر: ي عمري صحيتي تعبتك معاي
هيام: ولايهمك مفيهاش تعب واجبي❤
وقعدت هاجر تحكي مع هيام وتسال فاها ع هلبا حاجات
وهيام كلمة وقص متبيش تطول معاها ف الهدرزه
هيام:حاق منين شريتيه
هاجر: م المحل لي قبل ديما نمشوله
هيام:حلووو حتني خاطري فيه وملقيتش
هاجر: توا بعدين نوريهولك
هيام:اوكك
هاجر ابتسمت:بنمشي نستقبل المعازيم
هيام:اوكك ومشتت ل آية ووسن
وسن: انا مليت
آية:حتني
هيام:وانا😩
آية: به هيا نروحوا؟؟
وسن: لاع مزال مقصتش التورته
هيام:😂😂
آية:وشن فاها
وسن:عجبني منظرها حرام واضح علاها حلوه😒😂🤤
آية:يالطيف ع الفجعانه
هيام:بعد متقصها توا نروحوا😂
وسن:حي شكلها بتقصها هي نمشو
آية&وسن:هي
روايــــ🔥ـــات عــــيـــــــوشـّه نـــــ🔥ـــــــاصـــر