#قصص_كهرمانه
#سهى_وحبةالهيل
بارت 16_17_18_19_20
.......................
حادثة الاغتصاب
من خابرني استاذ رافد استغربت بس مااهتميت ونمت فرحانه راح يجي سيف كعدت الصبح ويه اهلي
وهم طلعوا واني بقيت بلبيت عزلته رتبته
ورحت لبيت جدوا ابقى يم نسوان خالي لان شذى عدها جرعه كيمياوي وابقى اداري رامي وريان
وب11 صبح خابرت ريمان
اني: ها
ريمان: عفيه سهى راح يجي فارس انطي مفاتيح بجنطتي الحمره
اني: هسه يجي
ريمان: لا من يطلع من الدوام يمر عليج بس حظريها اله
اني: ماشي
بوقتها الجو حلو وبداية شتا وصارت الظهر وخالو وامجد وشذى بعدهم بلمستشفى
اخذت ريان ورامي وطلعنا بلكراج نغسله واجه سيف واحنه دنغسل من شفته ركضت عليه وحضنته ومحد اكو بلبيت من الولد
سيف: لااحد يشوفج
اني: محد اكو بس خالاتي والبنات
وبهذا اليوم صرت جريئه وبسته بخده وهوه بارد
اني: شبيك
سيف: انتي شبيج بوس وحضن عبالك خايفه من شي
اني: شنو قصدك
خاله: هلا يمه شلونك
سيف: هلا يمه
وسلم عليها بحراره واني بكل برود وصافنه عليه ودخلنا للبيت
خاله: مامتغدي اكيد
اني: اني اسويله غده اسبح وبدل
سيف : اي جوعان
وصعد يبدل وضايج
اني: سيف شبي
خاله: تعبان وهستوه اجه
حظرتله الاكل ومانزل
خاله: روحي صيحي
اني: بغرفته استحي
خاله: غير هوه رجلج
وصعدت للغرفه دكيت الباب
اني: سيف الغده
وجاي يمشط
سيف: نازل
تقربت منا وحضنته
اني: شبيك
سيف: شعجب صعدتي الغرفه
اني: خاله كلتلي
سيف: مشتاقتلي اهواي سهى
اني: ميته عليك
سيف: نزوج
اني: لوما قصة شذى نزوج واروح وياك اتحمل سنه سنتين فراك اهلي المهم يمك
سيف: قبل ماتقبلين نزوج
اني: لان جنت هستوني مخطوبه ومسيطره هسه بديت اشتاقلك وماتحمل فراكك ياريت ماترجع لو تاخذني وياك
سيف: يله ننزل نتغده
رغم بغرفته وحاضنته ماباسني ولاحضني ونزلنا وتغده وبقى يسولف ويه خاله
وطلعنا كملنا غسل الكراج وطلع ورانا
سيف: سهى موبايلج يدك
اني: منو
سيف: ريمان
واخذت موبايلي من ايد سيف
اني: الو
ريمان: ساعه زمان وفارس يجي طلعتيهن
اني: اي حظرتهن
ريمان: خوش وانطي ملابسي حبابه مابيه حيل ارجع المهن واروح لعيالي
اني: ماشي
وسديت الخط
سيف: شبيها
اني: فارس راح يمر وانطي مفاتيح وملابس ريمان
سيف: يمر وانتي وحدج
اني: ههههه كلها يمي وبلباب انطي الغراض
سيف: غيري دشداشتج ضيكه
اني: تغار عليه اموت عليك
وكرصته بخده وبسته
سيف: اليوم شكو
شاورته
اني: مشتاقتلك
فجأه باسني
اششششششش
ووخرته اجتي خالتي وهمزين ماشافتنا
سيف: غيري دشداشه لايجون الولد
اني: ماشي
ودخلت لبيتنا وعادي ماسديت الباب وصعدت غرفتي و جاي اغير الدشداشه ودخل سيف غرفتي
اني: يمه اخترعت
سيف: ليش اخترعتي
اني: ليش اجيت انزل سيف واطلع
سيف: ليش انتي مرتي
اني: ادري بس مايصير اذا احد شافك دخلت شيكولون
وتقرب وكام يتلمس بطريقه مو حلوه
اني: هاي شنو سيف لا مااحب هيج منك وخر واطلع
سيف: ليش ماتحبين مو دكولين مشتاقتلك
اني: اكيد بس مو هذا القصد اشتياقي الك وخر ايدك سيف😡
ودفعت ايده عني
سيف: شلون هيج ادفعيني😡
اني: شوف اسلوبك انزل سيف بسرعه
سيف: ماانزل
اني: اني طالعه من الغرفه
سيف: اعتبريني فارس
اني: 😱شنو فارس
سيف: لابستله ضيك حتى يشوف جسمج حلو ومخصر
اني: الك لابسه هذا البس فارس شنو
سيف: وهاي اني صعدت
اني: وخر سيف وعيب تذكر اسم فارس
سيف: ليش تخافين عليه اكو وحده تحب واحد زوج اختها عبالج مااعرف من طلعتيله ذاك اليوم وتتبسبسون بيناتكم شكلج ها تتواعدون بره هيج انتي وصخه
دفعته بقوه وكام تقرب اكثر ولزم ايدي بقوه
اني: سيف وخر سيف ابعد عني
سيف: انتي من الظهر لحد هسه تتحارشين بيه واني مبتعد عنج وهسه صرتي شريفه وتوخريني
ضربته برجلي وتخبلت وكمت اصيح
سيف: خايفه اتقربلج ليش خايفه ها بيج شي تريدين تزوجيني وتورطيني بيج
اني: تخبلت هاي شبيك سيف اطلع بره اني اشرف منك
سيف: هسه نشوف منو الشريف
اني: خاله الحكيلي سيف وخر حباب سيف لاهيج تسوي وخر سيف عني
ويأذيني ونومني بفراش ريمان وحركات سخيفه
اني: خاله خاله الله يخليكم ساعدوني لا سيف ابوس رجلك لاهيج تسوي
ومااكدر ادفعه ولااوخره وضربني ولواها لايدي
اني: ابوس ايدك عوفني الله يخليك باباااااااااااااااا باباااااااااااا وينك باباااااااا ساعدني بابااااااااااا
لاسسسسسسسسسسسسيف
وضربني براسي دخت اريد احجي ومااكدر دايخه وسمعت صوت باب يدكون وماادري بلدنيا
بس اسمع خاله دخلت غطتني
خاله: ياتخبلت ولك شنو هذا
واحجي بصوت مخنوك
اني: خاله ماصار شي حبابه كولي مابيج شي
وطلع سيف وبلباب نضرب ومااعرف منو غير بس الصياح والضرب
وبهذا الوقت اغمى عليه
حلمت بابا بهذا الوقت وايده اليسره مخلوعه الي ينطيني بيها الهيله وكاعد يبجي وجفن واحد من عينه محفوره وماما جاي اطرز بملابس اطفال وتسولف ومامهتمه وماتسأل بابا ليش يبجي وليش ايده وعيونه هيج وعبالك ماتشوفه واني اشوف الحلم بس مو وياهم
كعدت شفت نفسي بلمستشفى
