عروس القصر(مكتملة)

Part 2

👈🔥#الجزء_الثاني
#عروس_القصر

ازي رافت ينزل لمسكن الخدم ويبص لجسم يارا وهيا بتستحمى انا هتجنن وقفت نسيم قدام النافذة وهيا بتفكر بالتصرف الي بدر من جوزها وهي مستنياه حتى تتكلم معاها وتسالو عن سبب نزولو لمسكن الخدم
بعد وصول رافت نسيم كانت متعصبة اوي ودار بينهم نقاش حاد
نسيم: ممكن تقلي انت نزلت ليه لمسكن الخدم
رافت بتوتر: نزلت اتمشى شوية ورجلي اخدتني لهناك
نسيم وهي بتتريق : ورجلك دي معرفتش تاخدك غير لمسكن الخدم ارجوك متكدبش عليا منظرك اوفر خالص وانت بتكدب انا شفتك بعنيا لما كنت بتبص ليارا ومش فاضل غير تروح تستحمى معاها
رافت وهو معصب: هيا حصلت تراقبي تحركاتي وبعدين مش شايفة انك بتهيني نفسك اوي بالنقاش العقيم ده
نسيم: ولما احافظ على جوزي الي عينو زايغة ابقى كدة بهين نفسي
رافت بعصبية: اه بتهيني نفسك وكتير كمان انتي حاطة نفسك بمغارنه  بخدامة لا وكمان مسدقة اني ممكن ابصلها فوقي لنفسك يا هاااانم
رافت مشا وساب نسيم معصبة وبتكسر في كؤوس الوسكي.
في جانب اخر من القصر كنت بتجول وانا شايلة ادوات التنضيف دخلت لاوضة ام رافت ومخدتش بالي انها موجودة لانها مقعدة بكرسي متحرك اخدت راحتي وقعدت بالسرير وفضلت ارفرف باديا فجاة ندهتلي انا اتخضيت اوي اول مسمعتها كنت فاكرة ان الاوضة فاضية مفهاش حد قمت فزيت من السرير زي المجنونة و رحتلها وانا مرتبكة جدآ قلتلها مععش ااااا يا هااانم قلتلي انتي مين وبتعملي ايه هنا؟؟ قلتها انا اسفه يا هانم سامحيني قالتلي اسامحك على ايه؟ انت مين يا بنتي؟ قلتلها انا خدامة جديدة هنا قلتلي ايه خدامة؟! وفي برضو خدامة بالجمال ده!؟ قلتلها عن اذنك يا هانم انا لازم اكمل شغلي قلتلي تعالي هنا انا بكلمك سيبك من الشغل دلوقتي و تعالي اعمليلي مساج ضهري واجعني.
رحت عملتلها مساج وانبسطت مني اوي قالتلي ان دي اول مرة تحس بالراحة دي بعدها طلبت مني احضرلها اكل ومعى اني رفضت بس اصرت لان الخدامة الي بتجهزلها الاكل اتاخرت مجتش بدري..
بصراحة تحضير الاكل مش شغلي بس اعمل ايه هنطرد لو رفضت رحت المطبخ وعملتلها الاكل لما داقته عجبها اوي وقالتلي ان دي اول مرة تاكل كتير كده وان اكلي لذيذ خالص وطلبت مني اطبخلها دائمآ بس انا رفضت لان شغلي الاساسي هو التنضيف بس بردو كانت مصرة.
حسيت اني هنطرد لاني ضيعت وقت كتير معاها والمفروض اني انضف باقي الغرف في الوقت المحدد.
بعد ما اكلت طلبت مني اسرحلها شعرها وانا خلاص هتجنن ايه المصيبه السودة دي مش عايزة تسبني فحالي رحت اسرحلها فجاءة رئيسة الخدم جت وهي متعصبه اوي ندهتلي اول ما طلعت من اوضة الهانم سحبتني من ايدي بكل قوتها لحدي ما ضوافرها انقرزت بايدي وانا فضلت اعيط واصرخ وهيا ولا على بالها سحباني زي الشنطة دخلتني اوضة مضلمة ورزعتني المين على وشي ومسكتني من شعري وقالتي احنا جبناك هنا ليه يا وسخة يا بنت العاهرة؟ عشان تنضفي ولا عشان تعرضي جسمك للرجالة؟ يا وسخة قلتلها انتي عرفتي منين قالتلي انتي فكراني قاعدة هنا طرطور انا اعرف كل صغيرة وكبيرة بالقصر ده قلتلها والله مكنتش اعرف ان رافت بيه ممكن ينزل تحت لمسكن الخدم قلتلي رافت بيه صاحب القصر وينزل في اي حته عاجباه انتي عليك تنستري وتخبي جسمك ورحمة امي تجيني منك شكوة تانية لاحرقلك وشك وجسمك بالنار قلتلها حرام عليكي سبيني ايدي وجعتني قامت زقاني بكل قوتها انا وقعت في الارض واتعورت بايدي قمت قلتلها انا هسيب الشغل قامت مسكاني من شعري وسحبتني وقالتلي انتي رايحة فين يا زفتة انتي هو انتي فاكرة انك شغالة بزريبة ده قصر راجل مهم يا روح امك قلتلها يعني مش هتمشوني؟ قالتلي لا مش  هنمشيك بس حاسبي المرة الجاية مش هرحمك لو حصل منك غلط ودلوقتي هبعتك في مشوار مهم.
رئيسة الخدم ادتني شنطة فيها ربع مليون جنيه عبارة عن مصاريف لعمال المزرعة التابعة لعيلة رافت باشا ومع انو ده مش شغلي بس وافقت حتى ابيض صفحتي قدامها بس من جوايا كنت حاسة بعدم ارتياح ليها.
المهم طلعت من القصر وانا شايلة الفلوس وفجاءة وانا ماشيا طلعلي قاطع طريق ملثم وهو شايل مسدس..... #يتبع..
لتكملة باقى اجزاء القصه كامله