ضجيج الهمس

البارت التالت

ف صباح اليوم التاني
يونس_اي ي همس كل دا نوم يابنتي
همس_صباحك ورد يا يونس لا انا قومت الفجر مكنتش موجود صليت ونمت تاني
يونس_طيب ي حبيبتي قومي علشان نفطر
همس_معلش ي يونس بس انا فعلا مش جعانة هعمل قهوة اعملك معايا
يونس_قهوة اي وزفت اي ع الريق ي همس مفيش كدا هتقعدي معايا تعيشي بنظام كفاية استهتار شوفي السواد اللي تحت عيونك خسيتي النص وعيونك دبلانة فين همس و حيوتها و جمالها فين
همس_يونس انا تعبانة روميو وحشني جدا ساب اثر جويا كل ليلة بحلم بيه انا حقيقي معرفتش اخلي بالي منه ولا اهتم بيه ياريتني مانزلت يومها
بكت همس بشدة ع فراق روميو قطه الحبيب حضنها يونس وقالها عارف انك كنتي متعلقة بيه يا همس بص نصيبه كدا هتعترضي ي همس
همس_لا و الله ربنا يعلم اني معترضتش بس روميو كان اخر هدية من بابا يا يونس اخر حاجة جبهالي وقالي خدي بالك منه انا مقدرتش اوفي بوعدي ليه
يونس_قدر الله و ماشاء فعل ي حبيبي قومي اغسلي وشك و اتمشي شوية ع البحر و ان شاء الله نجيب كلبة او قطة جديدة وتاخدي بالك منها و فين كتبك و رواياتك مش ظهرين ف كل مكان يعني
همس_ضحكت قالتلو مانا لسه مخدتش وضع التملك ف البيت شوية وهتلاقي روايات ف كل مكان لا تقلق ي عزيزي و غمزتله

يونس_طيب ي لمضة هقوم انا عمران عنده رحلة كمان يومين وهنظبط كام حاجة ف الباخرة
همس_بصتله ب عبوس كل شوية عمران عمران هو طالعلي ف البخت ليه كدا
يونس_همس اتكلمي عنه كويس لو سمحتي عمران ف مقام ابني ممكن
همس_حاضر
خرج يونس من البيت وراح ل عمران قابل ريكس حط ايده علي شعره وضحك ريكس كمان بيحب يونس جدا اغلب الوقت عمران بيسيبه معاه
نده يونس علي عمران ف خرج ليه
عمران_يونس مدخلتش ليه
انا مستنيك من بدري يلا علشان نظبط كام حاجة ف( اوهانا)
(اوهانا)دي الباخرة اللي عمران قبطانها وبيطلع بيها دايما الرحالات
يونس_يلا بينا كنت عاوزك تشوفلي كلبة من نفس نوع ريكس او قط رومي
عمران_لمين
يونس_لهمس اهو حاجة تونسها وانا برة طول اليوم وهي بتحب تربي الحيوانات
عمران_عاصفة ام لسان
يونس_بتقول حاجة
عمران _ابدا ي يونس ابقا تعالي ننزل نشوفلك حاجة حلوة كدا
ع الجانب الاخر
ف الفيوم تحديدا
فريدة سيف النصر
حرم المرحوم جمال الشريف
ام عمران
فريدة _فوزية يا فوزية
فوزية_نعم يا ستي
فريدة_اطلعي شوفي البيه صحي ولا لسه نايم
محسن_انا صحيت ي فيري
فوزية حضريلي القهوة ممكن
فوزية_امرك يابيه عن اذنك
فريدة_اي التاخير دا يا محسن ف النوم عندنا معاد مهم كمان ساعة
محسن_مانا صاحي قبل المعاد ي فريدة هشرب القهوة ونمشي
هكلم السواق يجهز العربية
فريدة _بعد موت جمال شافت انها لسه صغيرة وجميلة حرام تدفن نفسها و جمالها ف رباية طفل وقرارت انها تتجوز بعد متخلص عدتها وفعلا بعدها بحاولي سنة اتجوزت محسن راجل اعمال ف الفيوم شركته ليها كذا فرع كان متجوز قبل فريدة و معاه ولد وبنت لكن عايشين معا امهم وبيجيو اسبوع كل شهر يقضوه معاه
لكن فريدة بعد جوازها مبقتش فاضية ل عمران عاش حوالي 8سنين معا ام فريدة ولما ماتت وقتها عمران كان عنده 18 سنة
بعدها بقت الجامعة كل وقته ومبقاش يشوف فريدة او هي كانت برة حياته من يوم م اتجوزت
لانها نسيت ان ليها ابن ليه حق عليها لكن هي عاشت حياتها ومن وقتها بقا بيكره فريدة من اهمالها ليه وعدم اهتمامها بيه
نرجع للبحر الاحمر
خرجت همس تتمشي ع البحر هي بتحب البحر من برة لكن بتخاف تقربله او تبقا جواه همس بتعشق القراية و تربية الحيوانات و التصوير 
فضلت شوية ع البحر لمحت يونس و ريكس لما شافها جري عليها
همس_ريكس صديقي الحلو عامل اي
ريكس_نبح وكانه بيرد عليها قعد جمبها وكان هادي وهي بتبصله وتبتسم
همس_انا مبحبش البحر ي ريكس بخاف منه ومش بحب ادخل جواه البحر غدار وبيغدر باللي يأمن بيه

سبب خوف همس من البحر زمان كان ليها صديقة كانو طالعين مصيف  همس و اهلها و اهل روان صحبتها كانو بيلعبو ع الشط وفجاة روان دخلت وفضلت تلعب جات موجة عالية اخدتها ومن يومها و هي بتخاف منه
رجعت بذكرياتها لليوم دا كإنه امبارح نزلت دموعها ومسحتها لما سمعت صوت يونس
يونس_همس انتي بتبكي ليه
همس_لا مش ببكي يا يونس عيني دخل فيها حاجة
يونس_ذكري روان مش كدا
همس_وحشتني يا يونس مكنش عندي صحاب غيرها كانت صاحبتي واختي اه ماتت 12سنة بس انا طلعت لاقيت روان معايا ف الحضانة و الابتدائي اول سنتين اعدادي ف الرحالات و المصيف و التمرين اتملت عيونها بالدموع
حضنها يونس وقالها ادعيلها ي حبيبة يونس يلا علشان نروح نجيب قطة حلوة شبهك ونفس عيونك كدا ضحكت همس علي يونس وقالتلو بتغريني مش كدا
يونس_دموعك غالية ي همس متخليهاش تنزل كتير
همس _حاضر
كان عمران بيتابع الموقف من بعيد ومستغرب من ريكس اللي قاعد معاها
انتهي البارت