الجزء ١٢
وظليت اتوسل بيه بس يجي يخطبني ايكلي اييي وميخالف بس ميجي يحجي وياي يقول اذا زوجتك او زوجت غير مااريد الله ينطيني بنيه ولا اريد اخلف اخاف واحد ابن حرام يسوي بيه مثل مااني سويت بيج وضيعت مستقبلج وظل الحال كما هو عليه الى ان يووم من الايام حدث ما ليس بالحسبان وبعد مرور السنه الثانيه من علاقتنه
الشي الي صار وحدث هو أجتي من السفر سهى بنت عمتي اقبال
سهى..كانت مزوجه بالخارج وعدها ولد وبنت وبعد زواجها سافرت للخارج وبعد غياب سنتين رجع واجتي لبيت اهله الي هم بيت عمتي اقبال وكان الكل فرحان ويريد يستقبله وعمتي ومصطفى وضحى فرحانين ويحضرون البيت وتعديلات وترتيبات
ضحى. همات زوجة عن حب وصار عدها ولد وعاشت بغير محافظه سمعت سهى حتجي ف اجتمعنه كل احنه بيت عمتي اقبال اجتي سهى والكل استقبله بالهلاهل والجكليت وفرحانيين بيه اذكر كانت جيته للعراق قريب امتحاناتي اخر السنه اني عدت السادس وقررت اشد حيل لازم اطلع من السادس واكمل دراستي لازم استسلم واخلي احلامي تروح ف صعدت فوك بغرفة ضحى بنت عمتي اقبال اخذت كتبي وكعدت ادرس وطبعآ المبايل الي جابه اليه علاء عندي ومحد يعرف عنه شي صار تقريبآ سنتين هو عندي وظليت اتواصل مع علاء وبقيت تقريبآ اسبوع بيت عمتي اقبال لانه كانوا يوفرولي الراحه حتى ادرس واطلع معدل بعدها بأيام كالمعتاد اتغده واصعد فوق بالغرفه ادرس واني كنت كاعده ادرس سمعت واحد اجة بأتجاه غرفتي كان المبايل بأيدي ضميته بمحفظة الاقلام انفتحت الباب طلعت ضحى
ضحى...ها هند شدسوين
هند...دا اقرأ
ضحى....اني صعدت عى كيف فسمعت صوت دخلت للغرفه شفت هند شكيت انه هند دتحجي مع احد وبعد ذلك من شافتني ضمت محفظتها جوه رجليه بعدها طلبت اشوف محفظته وهي رفضت كمت اخذت المحفظه منه وشفت المبايل تخبلت اني الي اعرفه هند ماعدها مبايل اخذته وفتحته شفت رسائل حب وغرام ومواعده واتصالات تخبلت بالزايد وضليت افور مااعرف شسوي والمن انطي وجهي هاي هند العاقله المؤدبه الي ماينسمع صوته وهادئه عدها مبايل تفاجئة
ضحى... بعدها كمت اسألها منو هذا وشلون تعرفتي عليه وكم مره طلعتي وياه وشنو صار وشكد علاقتج بيه
وهند مدنكه رأسه متحجي بس تبجي وكتبها بحضنه اني انقهرت عليه لان يتيمه وابوها عافه وعدها امتحانات نهائيه للسادس علمي عفته واخذت المبايل وطلعت
ضحى .... كنت فرحانه بجيت اختي سهى للعراق وكنا متفقين مسوي عيد ميلاد ياسر ابن مصطفى بس بعد مشفت المبايل راحت الفرحه وضجت حيل ياربي شيوي المن اكول فكرت اكول لاختي سهى اكبر مني واعقل
ضحى...سهى تعال اريد احجي وياج
سهى...ها شكو شبيج
ضحى...لج مصيبه
سهى...لج احجي شكو صاير
ضحى..لكيت مبايل عند هند ومسويه علاقة ويه ولد
سهى..عززززه لج معقوله هند هذا العاقله الحبابه اصلا اني افكر بيه شلون اذا تزوج شنو حسوي وشايله همه معقوله عدها علاقه ومبايل وسوالف حب
&
&
&
يتبع
