بنين صار العصر نزلنه جوه كلهم كاعدين رحت يم خاله حته اكول الها
بنين :خاله
خاله:ها بنيتي محتاجه شي
بنين :لا سلامتج بس نريد نطلع اني وحنين ضايجات
خاله:والله يابنيتي اخذن شور رجولتجن
حنين :ليش همه شعليهم
خاله :شلون معليهم بنيتي غير انتن مرياتهم
بنين :حاضر خاله اني اكول الهم
رحت كعدت قريب يم علي وهمست
بنين :علي
باوعلي وكال
علي :خيرر
بنين :راح نطلع اني وحنين
علي:ماكو طلعه
بنين :اني مااجيت حته اكلك نروح لو لا اجيت حته اكلك انو حطلع
عفته ومشيت كعدت يم حنين
حنين :ها شصار
بنين :هذا استاذ بطيخه كال متروحن
حنين اهوو يعني منروح افف
بنين :لا اكيد نروح
صعدت حته اجيب جنطتي انداريت لكيت علي ورايه
علي :كلت ماكوو روحه
بنين :ليش
علي :متطلعن وحدجن تردن اخدن محمد وياجن
بنين :اي اروح اسئله يجي لو لا نزلت واني مبتسمه صحت حموودي تجي ويانه لولا
محمد: وين
بنين:ما ادري نفتر
محمد :اوك بس ابدل
راح بدل واجه وطلعنه فترينه ورحنه للمول اشترينه ملابس ورحنه المطعم تعشينه ورجعنه الساعه ٩بليل رجعنه وجان انشوف كلهم كاعدين
خاله :يمه ضل بالي عليكم وادك على محمد مغلق
محمد :خلص شحنه والله وعليش يضل بالكم شنو زعاطيط احنه
بنين :مااكو شي خاله فترينه وجينه
خاله :فوتو يمه بدلو ونزلو تعشو
بنين :تسلمين خاله تعشينه
خاله :ها خوش مادام اجيتو اروح انام نعست
راحت خاله تنام وصعدت اني اخدت ملابس وسبحت وطلعت لكيت علي ع جربايه
علي :ليش تااخرتو
بنين :وين تاخرنه رحنه ب٥ونص ورجعنه ٩
علي :يعني كل هاذا وماخرتو
بنين :اي ووخر شويه اريد انام تعبانه
نمت وكعدت الصبح لكيت حنين نايمه رحت كعدتها ونزلنه جوه ونضفنه وطبخنه وتغدينه ضلينه شهر ع نفس الروتين الممل وعلي اعتمد عليه بكلشي انضف غرفته واطلعله ملابس واغسلهن
حنين:اني هم احمد اعتمد عليه بكلشي وصرنه اصدقاء كلش حته حسيت نفسي تعودت عليه
اليوم الاربعين مال ولد عمهم طبعا سوينه ببيتنه وخاله كلتلي لبسي دشداشه وشال لان الولد طالعه طابه لبسنه دشاديش اني وحنين وشالات يوو طبعا ممتعودات عليهن جابو طباخين يطبخون كملو غده والمواعين وكعت براسنه اني وحنين ساعه ونص احنه نغسل تنكعنه وتنكعت الكاع رفعت دشداشتي وجان اندار واشوف ....
