بنت الوزير

بنت الوزير الحلقة الأولى

المقدمه

ربما تجمعنا الصدفه بشخص يغير لنا مسار حياتنا ويقلبها راسا علي عقب

بنت الوزير
الحلقه الاولي
مساعد الوزير :الداخليه كلها مقلوبه مش معقول بنت الوزير تتخطف ومش قادرين نعمل حاجه دا عار علينا والله
المساعد الثاني:هنعمل ايه هي اتخطفت ف الغردقه والمكالمه اللي جت لسياده الوزير من سينا وما ادراك ما سينا  كلها جبال وكهوف ومهربين من كل صنف ولون
المساعد الاول:ومش عارفين يبقي في تواصل جيد بين الشرطه هناك وهنا
اللواء حمدي:في مقدم  خدم 10 سنين هناك وجاي من كام سنه ممكن ينفعنا ونبعته يبقي حلقه الوصل
بينا وبين الشرطه هناك وف نفس الوقت عارف دهاليز سينا لو اضطرته الامور
المساعدالاول:طب ماتستدعيه  ونكلم معاه
اللواء حمدي :هبعت استدعيه حالا
وفعلا اتصل به لياتي فورا
المقدم نور :تمام يافندم
اللواء حمدي:طبعا انت عارف المصيبه اللي الوزاره كلهة فيها من ساعه اختطاف بنت سياده الوزير وتهديد الخاطفين له باصدار قرارات تيسر لهم التهريب وطبعا الوزير رافض بس دي بنته
نور:اكيد طبعا يافندم بس انا اقدر اساعد ف ايه هي اتخطفت ف الغردقه بعيد عن حدود سلطاتي
اللواء حمدي:اخر المكالمات كانت من سينا
نور:سينا
بس بردو يافندم انا مالي بسينا انا سيبتها من فتره
حمدي:بس تعرفها وتعرف القبايل هناك وعاداتهم وحاجات كتير عنهم
نور:اكيد طبعا خدمت 10 سنوات وكانت علاقتي جيده بشيوخ القبائل بس حاليا اكيد منهم الي مات وخلفه احد ورثته
حمدي:ماهو احنا عاوزينك هناك عشان كده تتابع عن قرب وتدينا التفاصيل اول باول
نور:تمام يافندم مش هسيب ثغره الا اما ادور فيها
اطمن سعادتك
حمدي:علي بركه الله روح استعد وهنخطرهم هناك يتعاونو معاك وتدينا التفاصيل اول باول
................
في سينا
الضابط مجدي :الداخليه مش واثقه فينا وبعتالنا المقدم نور يشرف علينا قال
الضابط:خليه يجي اما نشوف هيعمل ايه  بسلامته اكتر من اللي بنعمله
.............
شد نور الرحال لسينا ليبدا رحلته الشاقه
وعندما وصل الي هناك لم يجد الترحيب كما يجب ولا التعاون كما يجب
فاتخذ قراره ان يتعامل وحده وبلغ هذا رؤساءه
نور:انا حاسس مش مرحبين بيا هنا وحاسين اني جاي اخد مكانهم بس ماتقلقش انا هحاول افتش بنفسي ف اماكن الجبال كاني من بتوع الرحلات عشان مانكشفش
حمدي:ربنا يوفقك انا حاطط فيك امل كبير مش عاوز تكسفني
نور:ربنا معانا
اخذ نور يبحث ف الاماكن التي كان يداهمها ايام خدمته وكان يتخفي بها المهربين ف الصحراء في كهوف الجبال
وبعد فتره من المتابعه  راي كهف وعليه حارسان مسلحان
واحد بجهه والاخر بجهه فاحس انها فرصته فلم يتصل بقوه لتاتي
ولكن ذهب خلف احدهم وكسر رقبته والقاه من فوق الجبل ولف للاخر  وكرر الشيء نفسه
ودخل وجدها مربوطه وهناك شخصان ناءمان بعيدا عنها نوعا ما ففك وثاقها وتسحبا ليخرجان ولكن لن يذهب من الطريق الذي جاء منه لانه الطريق الذي يبحثون فيه ولا بد من الالتفاف حول الجبل وهو طريق صحراوي لا يعلمه ولكن لابد من المغامره والا سيقبضون عليه وعليها اذا قابلهم احد
وفعلا فعل هذا واخذا يمشيان ف الصحراء وهي لا تستطيع ان تمشي بهذا الكعب واحيانا تغرس واحيانا تلتوي قدما
لينا:اف بقي انا مش قادره امشي
فلاحظ نور الكعب العالي
نور :طب ممكن الشوز لو سمحتي
فاعتطه لها فكسر الكعبين واعطاه لها
اتفضلي كده تقدري تمشي
لينا:انت ازاي تعمل كده انت عارف دي تمنها كام
فلم يعيرها اهتمام واكمل طريقه فاضطرت تلبسها لتسير وراءه
واحس نور انهما تاها فالصحراء واخذ يبحث حوله المكان كله صحراء
فلفت نظره ساعتها
نور:ممكن اشوف الساعه دي
لينا :ايه عجباك واعتطه اياها دي ب50 الف ....
ولم تكمل ووجدت نور فتحها واخرج العقارب واخذ غطاءها وعمل بوصله ليستكشف المكان
وهيتصيح فيه ان مجنون دي ماتحلمش بيها اصلا ماعملتش ببتاعتك ليه
نور :اصل بتاعتي ب2500 مش هعرف اجيب غيرها لكن انتي ابوكي يبقي يجبلك غيرها
لينا :حيوان سافل سوفاج بيتش
فاخرج نور مسدسه وعمل زر الامان والله لو سمعت صوتك لافرغه ف نفوخك وادفنك هنا واقولهم العصابه قتلتها
فانكتمت لينا وقعدت تبرطم مالقوش الا الرذل ده اللي  يبعتهولي والله لاقول لبابي لما ارجع  يرفده خالص