سفوان

الورقة الأولى

/// البارت الثالث  ///

/// ثغور سفوان ///

                 ⌯ ســـــــــــــفـــــوآنـــــــہ ⌯

... ارجوان

( ارثيك يا قلب بنتك وانا كلي أهات )

أبوية هو بدايات الحب بگلبي

اعتز بيه كدام العالم و افتخر بحبي له .. مو شي قليل هل انسان الي احمل اسمه طول حياتي

كلنا الي بل بيت ورثنا من ابوي عزة النفس و القوة و الثبات .. و علمنه عا الحكمه و الشموخ و حب الانجازات

ما انكر ..  جان واكف ويانه بكل خطوه .. جان سند النا ما يوم خله شي بنفسنه أو خلانه نحتاز أحد وهو موجود

علمنه الصبر و الثبات وقت المصيبات .. ومثل ما كان يكرم الضيف و يحل المشكلات .. علمنه نحل مشاكلنه بينه .. اني من جد افتخر ربي نبتني بذرة بضهر هيج رجال ..

.. اكيد ما اكو بنيه اتريد ابوها يتزوج على امها ..
و حالي حال اي بنيه اليوم مطنكرة بملجة ابوي على بنت جيرانه نجوم ..

عفت خواتي يتجهزن واني رحت الغرفت أمي لكيتها شادة راسها بوصله و كاعده .. رفعت راسها من شافتني .. كالت

... هاج هذا العلاج ضميه

اخذته منها بدون ما ارد و ضميته !!!

ضليت كاعده عا التلفزيون .. ماعرف اذا افرح وي ابوي لو ازعل وي امي .. بس امي هم شدعوه عليها ابوي تعرفه روحه با النسوان ما يرتاح اذا ما يخلي اربعه على ذمته ..

مو جديدة عليها غير هو اتزوج عمه نوال و عمه سحر عليها ..

تقريباً البيت صار هدواء لنو الكل راحو البيت نجوم .. و بقينه بس انا و امي و سوزان النايمه ..

امي نزلت لجوى وانا بقيت كاعده .. مندمجه وي سبيستون .. انفتح باب الغرفه بسرعه و امي تباوعتلي بخزرة و كالت ..

... وين علاجي ؟

... ها !!!

... علاجيييى ويننن ؟؟

كمزت و ركضت للكنتور ما لكيته طار من بالي وين ضميته .. بيه طبع أضم الشي و انسه مكانه مو بيدي .. ضلت شفايفي ترجف ايدي ترجف اريد اتذكر وين خليته ما ادري ..

... هاا وينننه .. طلعيه بسرعه كدامي .. اذا ما لكيت العلاج اليوم موتج على أيدي

استغربت من كلامها .. ليش تحجي وياي هيج و هي تعرف بيه بسرعه انسه اماكن الاشياء

.. كمت افتح و اسد البيبان الخزانات و ملاكيه العلاج .. دموعي كامت تنزل درت وجهي بخوف و كلت

... ماما والله نسيت

تقربت من يمي بسرعه و جرتني من شعري .. صرخت بوجع لطمتني على حلكي بقوة حسيت فكي السفلي كله خدر ..