يومياتي 😍

عنايتي بشعر

هلاو شلونكم
حبيت اشتراك وياكم عنايتي بشعري

اول شغلة وهية المهمة استخدم مشط خشب لان ما يخلي الشعر يتساقط وكلش حلو على الشعر صحيح اول بداية مراح ترتاحولة بس بعدين راح تكومون ما تستغنون عنة

ثاني خطوة وهية اهم خطوة اني ما اغسل شعري يومية بشامبو اي لا تستغربون لان الشامبو يتلف الشعر لدكلولي اني الشامبو مالتي غير مشتريتة ماركة عسة ما مشتريتة بمليون اذا تستخدمي يومية يتلف شعرج ويخلي يتساقط يمكن اغلب البنات يعرفون هاي الشغلة بس الشامبو استخدمو يوم اي يوم لا وهاذة الشامبو والمكيف الي استخدمهن

هاذة الشامبو البرازيلي اسمة كلش حلو على الشعر

وهاذة المكيف اني جبت المكيف وتورطت لان المكيف ابد ما يفيدني نهائي لان عودت شعري على الزيوت

الخطوة الثالثة من اطلع من الحمام مو كبل امشط شعري لا ابد لان اذا كبل مشطتة راح يتساقط لا الفة بخاولي لمدة 10 دقايق يالله امشطة بس اقبلهة ادهن شعري وبعدين ورة ال 10 دقايق الشعر راح ينعم وكبل يتمشط

رابع خطوة وهية الضرورية كل اسبوع اخلي لشعري زيوت طبيعية هاي الشغلة ما اكدر استغني عنهة شسولفلكم على مفعولهة وشسوي لشعر يايمة كل الاكدر اكولة عوفي كل الي تستخدمي حاليا لشعرج والتجيئي لزيوت الطبيعية جاي احجي الكم عن تجربة اني شعري قبل كم شهر جان ميتباوع بي بس من استخدمت الزيوت الطبيعة التساقط شبه راح التقصف راح وصار حلو وبي لمعة وصار طويل وكام يكثف الشعر يعني بأختصار اذا تعانين من التلف ومن التساقط استخدمي زيوت طبيعية
هنا اول زيت وهوة زيت جوز الهند كلش حلو على الشعر