انا تسنيم عندي ٢٢ سنه عندي اخ و اخت انا الوسطانيه و في تانيه طب نفسي اطلع دكتوره اطفال اوي لانه حلم بابا قبل ما يموت
في صباح اليوم تستيقظ تسنيم على صوت والدتها
شيماء : يلا يا بت قومي بدل ما اجيب المياه
تسنيم و هي تقوم من على الفراش مسرعه : لا وعلى ايه يا نبع الحنان قايمه و تقبل تسنيم خدي امها و
شيماء : يلا يا حببتي البسي و وصلي ساره معاكي للباص
تسنيم و هي تقبل راس امها : عونيا ليكي يا شوشو
رحت خدت شاور و لبست دريس اخضر في اسود و عليه طرحه سودا و طلعت بره عشان افطر اه بالمناسبه اختي اسمها ساره في تالته اعدادي عندها ١٤ سنه و اخويا الكبير اسمه ادم عنده ٣٠ سنه
ادم : صباح الخير يا توتي
تسنيم : صباح النور يا دومي صباح الخير يا سروره
ساره : صباح النور يا حبيبتي
فطرت و وصلت اختي لباص المدرسه و رحت الجامعه و كنت متاخره لقيت الاء و فرح صحابي مستنيني و
فرح بغضب : كنتي فين يا حيوانه الدكتور هيبتدي كمان دقيقتين
تسنيم : اهدي بس انا اسفه كنت بوصل ساره
الاء بزهق : طب يلا عشان منطردش
و روحنا المحاضره و للاسف الدكتور كان جيه بس كان ايه يالهوي عنيه خضره و ابيض و شعره حلو اوي و دقنه الخفيفه اللي بتزيد حلاوته ولا عضلاته اللي باينه من القميص الابيض اللي هو لابسه ايه اللي انا بعمله ده استغفر الله و غضيت بصري و
الدكتور بيزعق : انتو يا هوانم كنتو فين كل ده
لسه بتكلم و اقله : يا دك...
الدكتور مقاطعا بغضب : بلا دكتور بلا بتاع اتفضلوا بره تاني مره لما تحضري محاضره ادهم الصياد تبقى تحضري بدري يا هانم انتي و هي يلا بره و انتو التلاته ساقطين في الماده بره يلا
خرجت بره و انا ساكته خالص بس اول ما بعدت شويه عن مكان المدرج فضلت اعيط كتير اوي لانه احرجني قدام المدرج كله و طردني و فوق كل ده سقطني في الماده اللي هي أهم ماده في السنه
الاء و فرح كل ده بيهدوني و
الاء :خلاص يا بنتي معلش متزعليش
تسنيم ببكاء حاد : مزعلش على ايه ولا ايه على طردي و احراجي و لا على شخطه فيا ولا سقوطي في الماده حرام كده والله
فرح : خلاص يا تسنيم قولي لادم يشتكي و هو ساعتها مش هيسقطت
تسنيم بإصرار : انا فعلا هقول لادم لازم انتقم منه على اللي عمله بنى ادم غبي احنا متاخرناش غير هما خمس دقائق مش حاجه يعني
ووووووووووووو
اول سكريبت اكتبه هيتقسم على تلت اجزاء
يا ترى تسنيم هتعمل ايه فادهم ؟؟؟
توقعاتكم للجزء الجاي
بس متنسوش الفوت و الكومنت لو حلو
و اسفه جدا لو صغير
