بنات الميتم (مكتمله)

البارت 7

بقلم // ديار إيليا //
قراءة ممتعة ♥

يضيق الكون اذا توجع عزيز .. فماذا إذا فقدناه ..

فهل للكون أن يكون كونا بلاه .. وإذا غاب فهل
سيضل الفؤاد ينبض ..

وهل ستسير الأيام والسنين بدونه .. وهل سيكتمل الدرب ..

ام سينقسم الجسر ليفترقا من جديد ...

___________♪

-اسد فزيت مرعوب لااااا أيدااا مستحيللل شفت الساعة بـ 6:15 شنو هل حلم ياربي ضليت قلق اتصل على المستشفى اريد اسئل عنهة محد يرد، كمت بسرعة بدلت وتوجهت للمستشفى، يااا الله دخيلك منين طلعتلي هاي لبنية كلبت حياتي بين يوم وليلة

-وصلت للمستشفى مشيت سريع للغرفة شفتهة نايمة الحمدالله ربي ، رحت للدكتور

-دكيت باب غرفتة

-تفضل

-صباح الخير دكتور

-اهلا النقيب اسد صباح النور شنو حلمان بينة وضحك

-ضحك اسد وكال بصوت ناصي اي والله حلمت بس مو بحضرتك ، المهم طمني عن وضع أيدا

- على حطت ايدك، وبصراحة ما اريد اشغل بالك لكن خلال 24 ساعة اذا ماصحت احتمال كبير تدخل بغيبوبة

-مسح على لحيتة وكال انشاءلله خير، اسمحلي بخمس دقايق اشوفهة

-تمام خمس دقايق لا اكثر

-انشاءلله وترخصت منه، دخلت للغرفة نايمة مثل الملاك جريت كرسي وكعدت يمهة مشيت ايدي على عيونهة، كمشت ايدهة شوكت تكعدين يا اميرتي النائمة اني متأكد انتي قوية وما راح تستسلمين بستهة من راسهة وطلعت ما اكدر ابقة اكثر، اتصلت بفهد

-فهد وصلت نورسين للميتم ورحت للبيت لكيت الكل بغرفهم اني هم صعدت لغرفتي اخذت دوش وتمددت على الجرباية ضليت افكر بنورسين ليش بالميتم وشنو قصتهة لازم اعرف، بس اويلي على ريحتهة اول مرة انام هيج مرتاح بالرغم من المكان وخباثة حضرة النقيب اسد ، هاا شيخ فهد شبيك استجن استغفرت ربي ونمت

-فزيت على صوت موبايلي يرن بدون ماشوف منو رديت، الووو

-هاا ولك لسة نايم شوف البخت

-حضرة النقيب حاسدني على النومة وبعدين ليش انتة وين؟

-اني بالمستشفى

-باوعت للساعة ستوهة 7:30 احم احم وشعندك من هسة بالمستشفى يا شيخ اسد وضحك

-انجب لك سكككط يلااا كوم وقبل متروح للمركز روح لـ نورسين جيبها للمستشفى وبدون احضان مفهووم

-ابتسم ومسح على شعرة مممم مفهوم مفهوم ونهة المكالمة، كمت ومزاجي اليوم فوول اخذت دوش ولبست زي اسود ورفعت شعري وطبعن اهم شي الساعةوالعطر ، نزلت واني اغني