الو هلو يامن
هلو منو
يامن اني شذى
شنو تريدين لشوكت تبقين تاذيني كافي الي سويتي بيه رجائآ بعد لتتصلين تركيني بحالي
يامن بس اسمعني الو يامن يامن !!
سد التلفون يامن
شذى تفاجئت من تصرف يامن حسته غريب
بس هيه نست تصرفاتها مع يامن
شذى مبقت تثق مبقت تحب مبقت تفكر كل همها وتفكيرها ترجع حب يامن الها الي جاي يصير وياها شي غريب لان هيه من النوع المندفع رغباتها الشخصيه متعدده معدها اكتفاء ذاتي مزاجيه تحب تعيش التجربه والغريب بشخصيتها انو تحب تجرب اي شخص يلفت نضرها نكدر نكول موهبه استثنائيه متعرف انو يامن من النوع يتخذ شخصيه المستشار بس الاغرب من طبيعه شذا انو صاحب الكاريزما والاناقه والشخصيه النادره كدرت تصيطر عليه عاطفته لاول مره ويضعف كدام شذى ؟؟
عندما تفقد من كان يكون لك كل شيئ ف اعلم ان عقارب الساعه تتوقف لتعود الذكريات الى نقطه الصفر لتعيد طاقتها الايجابيه وتنعش الذاكره من ذكريات لطيفه مع شخص كان لك كل شيء ؟
نرجع الى بدايه السلم .
دا امشي بوقت متاخر من اليل تقريبا ع الساعه عشره او عشره ونص سمعت صوت المسج فتحت المسج جان صديقي دازلي رساله يامن امس ماجيت للنادي ؟
مرديت عليه لفت نتباهي رقم (27 )الي هوه جان ع المسجات المعلقه بـ الانستا فتحت المسجات شفت بنت دازتلي اكثر من مسج صار عندي فضول اشوف شنو دازه .....
الو سلام عليكم كيفك اخي اذا عندك مجال كلمني
الو ممكن ترد
هلوو شخبارك بس ممكن ترد عندي موضوع مهم معاك
هففف ترد لو لا ترى شلعت كلبي
رديت عليها منو تفضلي ؟
اني اسمي ايمليا وابقى اكلمك بمضوع مهم
تفضلي شنو الموضوع
تعرف شذى
منو شذى
اها متعرف شذى صح لان تعرفها ب اسم ثاني
مهره تعرفها
مهره البنت صديقتي ع التواصل
يي بلضبط
يي اعرفها شبيها
ايميليا : شوف ح كولك بموضوع بس يبقى سر
يامن : تمام كولي شنو
ايميليا : شذى تحبك ومعجبه بيك وكل حياتها انته وتتمنه تسولف وياك بس تخجل ومعدها الجرئه تكلمك
يامن : لج انتي شنو تحجين اني هماتين معجب بيها وتمنى اكلمها سنه اني اراقب بيها بس معندي الجرئه اكوللها
ايميليا : تمام متفقين اذا هشكل هاك هذا معرفها وكلمها ؟؟
يامن : اخذت المعرف طبعا المعرف مالت السناب بوقتها
دزيتلها مسج مرحبا شخبارج
مهره : تمام منو
يامن : اني يامن صديقج ع التواصل وطبعا جيرانكم بنفس الوقت
مهره : يامن اهلا وسهلا
شنو رايد
يامن : ممحتاج شي بس رايد اكولج اني معجب بيج
مهره : منين تعرفني ع مود نعجبت بيه وثاني شي منو نطاك معرفي ؟
ومنو كالك اني مهره
يامن : وك تمام معرفج مو شي اعجازي وثاني شي اذا انتي مو مهره اني اسف خذت من وقتج
مهره : تعال لتروح اني مهره بس منو نطاك المعرف مالتي
يامن : اذا ع المعرف مكدر اكولج منو نطانيا اسف ع هلشي
مهره : مو مشكله يجي يوم تكولي منو
يامن : هنا اني خليت التلفون ع صدري وضحكت بصوت عالي لان حسيت بيها هيه هماتين تريدني (يجي يوم تكولي منو ) هلكلمات اثرت بيه حسيت ب الامل وشعور غريب حسيت بي الزمن توقف لحضات
مهره : اني هسه ح روح وجيك ب2ونص بليل
يامن : تمام ح نتضرج .
هنا يامن من الفرح والانتشاء بلسعاده معرف شنو يتصرف بقى كاعد كبال التلفون ومنتضر مسج منها ع كعده وحده متحرك ويباوع ع الدقايق وهيه تمشي منتضر رساله مكدر يتحمل حس اكو دافع غريب بقى ينطي دفعات من الاستعجال ب الامور
يامن : هلو ايميليا شخبارج
ايمليا : هلا بيك شنو سويت شصار وياك
يامن : كلمتها وراحت شويه وتجي
ايمليا : لك لو تعرف شكد معجبه بشخصك
يامن : شي غريب اني من زمان اراقبها وتمنيت تكون اليه لان هيه شخصيتها نادره من نوعها مشفت مثل هيج كاريزما وشخصيه كامله
ايمليا : ملينه من كثر متسولف بيك
اني طبعا مشايفتك بس هيه حسب كلامها تكول مشفت رجال مثله عنده هيج شخصيه ورزن وهادء
وعنده حب الذات
يامن : مو شي غريب هواي هشكل يحبن شخصيتي
بس متوقعتها لان شفتها مقاربه الشخصيتي وهلنوع من البشر بصعوبه يرتبطون لان عدهم حب الانا ومزاجهم رايق ميحبون شخص يعكر مزاجهم بحجه الحب
ايمليا : شوفها اذا معجبتك عوفها
يامن : لا لج شنو تحجين اني اريد ارتبط بيها لان بس هيه لفتت نضري ماعرف ليش ؟؟
بنفس الوقت يامن عينه ع الوقت منتضر مهره تجي
شي غريب احساس غريب شخص غريب
ممار بهيج تجربه قبل يريد يعيش شعور الحب الحقيقي الوقت صار عنده بطيئ مثل السلحفاه
وخفقان كلبه يصعد وينزل منتضر صوت رساله من مهره
مهره : الو
يامن : بيباي ايمليا اجتي مهره بس ع فكره شنو اسمها كلتيلي نسيته
ايمليا : اسمها شذى
يامن : تمام شكرا
يامن : هلو مهره شخبارج
مهره : تمام انته شخبارك
يامن : ماشي الحال
مهره : يي كولي شنو عجبك بيه وليش اني بلذات وبلمناسبه انته من النوع الميرتبط بسهوله مراقبه تصرفاتك واسلوبك مجنت متوقعه ترتبط ابد
يامن : يي اعرف بس نتي لفتي نضري
مهره : ع فكره اني اسمي مو مهره
يامن : يي اعرف اسمج شذى ...؟
طبعا الاحداث مطوله علاقه حب بدت عند طرفين بقو مراقبين بعض سنه او اكثر واحد منتضر الثاني يكلمه ؟
ثنائي شخصياتهم اقوى من مشاعرهم يكابرون مع اقرب الناس الهم ميردون يحسسون بعض بضعفهم تجاه العواطف ؟
عترف يامن بحبه الشذى وشذى عترفت اليامن بحبها وهنا بده الغزل والرومانسيه الى اقصى حدودها
صارو البعض مثل الميث الازرق
ادمان مينوصف
بنفس الوقت يامن جان من النوع الحار وحاد بسلوبه وتصرفاته
اما شذى جانت بارده وفاهيه بس من يكلمها يامن تتفاعل مع شخصه تحسب الكلامه حساب الكلمه متنطقها اذا مدارستها لان يامن من النوع الدقيق عند الكلام ويقرئ مابين الاسطر شذى ذكيه عرفة شنو يريد يامن من مفردات ضلت تنتقيهن انتقاء
بس هلشي مامر مرور الكرام يامن عرف شذى هشكل تتصرف وتنتقي الكلام وتحسبله الف حساب يله تحجي وتكلمه معجبه هلشي راد تكون شذى ع طبيعتها مرادها تتصنع بشي ؟
بنفس الوقت كان كلامها بي تناقض حس اكو خفايا بحياتها
بده وياها ينتقي الكلمات الي تناقض اسلوبها يحاول يسحب الي بداخلها ولكلام الي هيه تحجيه تريده مو الي يريده هوه مراد تمشي ع مزاجه
شذى بقت تتاثر بكلامه بحياته بشخصيته حبته بجنون
هنا صار تناقض اكثر عند شذى اجاه احساس قوي اكو خفايا بحياتها بس مبين هلشي
بده يحاول يسحب روحه بس مكدر لان البنت ااتمنته ع سر كلش جبير بقى يفكر اذا راح ح تنكسر وتروح ثقتها بنفسها متبقى تثق بنفسها ؟
يامن من النوع الغريب اذا نكسر شي ميتركه اذا ميصلحه انسان موسوي في زمن يتكاثر فيه الفراعنه
اخليكم هسه وي شذى ويامن ونتو كتشفو شنو صار وياهم ؟؟
