يامن : شذى نتي ليش متكونين صريحه وياي شنو هذا الغموض العندج ؟
اعرف تحبيني وتريديني وتموتين عليه بس لو تفتحيلي كلبج الكلشي لو تكولين اني مكدر هشكل ع مود اني اروح بحالي لان ما احب الغموض اتوتر من هلشي صراحه
شذى : اني هشكل والله يعني شسوي
يامن : وك حبيبتي
شذى : يي حبيبي
قبل اني وصديقاتي من اسولف عليك يبقن يضحكن عليه لان سالفتي نته صاير شوكت ماروحلهن اسولفلهن عليك حتى ملن من عندي
بقن يخترعن من اجي من كثر مدوخت راسهن بيك
هههههه
يامن : صدك صديقاتج وياج بلدوام
شذى : لا حبيبي صديقاتي ع التواصل
يامن : اها اشو مكايلتلي عليهن قبل شنو ذني من صديقات وشلون تعرفتي عليهن
شذى : اني جنت مدمنه نت معندي شي اقضي وقتي دخلت كروبات تفاعل قبل سنتين
يامن : بس حبيبتي نتي زغيره ع هلشي عمرج بوقتها 15 سنه يعني مجنت اتوقع هلشي يطلع منج صراحه فاجئتيني
(التفاعل : عباره عن اشخاص منعكفين شخصيا من النوع اللا سلوكي واغلبهم يتكونون من عديمي الشخصيه لم يكونو شخصيات واقعيه في العالم الواقعي يستخدمون التواصل ليفرضو شخصياتهم على الناس من (كلام وايحائات جنسيه ) ( تهديد وابتزاز في ما بينهم ) عالم متكون من حثاله المجتمع لم يجتمع فيه سوى السفهاء والتافهين )
.
.
شذى : حبيبي اني بس اباوع عليهم معندي شي وصديقاتي هن الي يسولفن بيناتهن اني بس اباوع ومرات اشارك وياهن بس ب الاشياء التعجبني
وهسه اني عفتهن من تعرفت عليك لان وقتي كله وياك
يامن : تمام حبيبتي نطيني حسابج اشوفه اذا تركتي هلشي
شذى : حسابي راح معندي هسه حساب
يامن : تمام ..
هنا يامن بقى صار عنده شك انو هاي مو شخصيه شذى الحقيقيه اكو اشياء مضمومه خلف الكواليس
لايكدر يسحب نفسه ولايكدر يستمر .!
همل العلاقه لان التفكير وكف عقله السلبي مو الايجابي
بس بنفس الوقت شذى مخلته يلزم نقطه ضعف عليها لان حبته ومرادت تخسره بس ماضيها المضلم جان لغز عند يامن ؟
يامن : شذى اذا اسمع نتي راجعه الهيج شخصيات انسي اكو شي يربطنه مع بعض تمام
شذى: يا حبيبي والله تركتهن اني اصلن كرهت هلشي نته خليتني اعرف شنو هلشي الغلط الي جنت اسويه وكرهت نفسي
يامن : مو مشكله بقي وي صديقاتج بس اذا تشوفيهن من كد مقامج ابقي وياهن بس اذا مو كد مقامج اتركيهن لان كل شخص اله مكانته وموقعه بلحياه ؟
شذى : يي حبيبي تامر امر وكتلك اني متندمه نته اجيتني نعمه من الله
يامن : حياتج بيها غموض وسلبيات لازم نصلحها مع بعض لان اني اريدج دوم مو يوم اذا تريديني اساعدج بهذا الشي لازم تكونين صريحه وياي
شذى: ماشي حبيبي شنو تريد اني حاضره بس لتتركني لان اني تعلقت بيك ومكدر اخسرك
يامن : ماشي حبيبتي لتتوقعين يجي يوم اتركج
.
عند يامن جانت هاي حقبه زمنيه نادره
وحاول يحافض عليها بكل ماعنده من طاقه
بعد ما مرت فتره من علاقتهم جانت اكو غلطه بحياه يامن دفع ثمنها غالي كلش
ح ندخل بحياه يامن الشخصيه
ابو يامن : يامن نته جنت مرتبط ببنيه المفروض تاخذها متتركها لان انته عقدت عليها
يامن : يابه اني ما اخذها افتهمو اني ما اخذها ليش هشكل دمرون حياتي جاي تضغطون عليه لان اني ماكسر كلمتكم البنت معدها اخلاق مستحيل اخذها
ابو يامن : يامن معندي شي احجي وياك بيه بعد اذا متاخذها تطلع من البيت وماعرفك ولا تعرفني بس وين ما اشوفك اكتلك لان راح اتفشل وي ابو البنت
واني وبوها شيوخ منريد واحد جاهل مثلك يخرب تقاليدنه ومعتقداتنه؟
يامن : شنو تريدون سوو سوو اني العندي حجيته مستحيل اخذها افتهمو كلامي اذا اخذتها راح اخسر مراح انجح بحياتي ؟؟؟
يامن من يكلم شذى وهاي جانت ضروفه
جان يشرحلها الي يمر بيه بس بطريقه غير مباشره
شذى جانت تتفهمه وتشاركه ب الي يصير ويا بس جانت محسبته هوه جاي يبالغ عليها ع مود يكسب عطفها تجاها
مجانت متوقعه كلام يامن لازم تصدكه ع مود تتفهم وضعه وتتقبل الراح يصير ؟
فجئه يامن اختفه
شذى مكدرت تنام تصلت بصديق يامن سامان
شذى : مرحبا اخي شخبارك
سامان : اهلا منو
شذى : اخي بس اريد استفسر عن يامان اشو ماكو خو مبي شي بالي يمه وتصل عليه مغلق
سامان : يي يامن تلفونه نكسر ومعنده تلفون يكلمج
شذى : شكرا اخي بيباي ؟؟
ثاني يوم نفتح تلفون يامان وجان يريد يصارحها ويكولها اني تزوجت شذى شوفي طريقج
بس بنفس الوقت جان يامان يبجي ع الصار لان بليله زفافه مدخل ع زوجته لان غصب صارت ومكدر يتقبلها لان ابو ضربه وفشله كدام الناس وطرده بلشارع وابو جان من العرق العشائري المتعصب ع تقاليدهم
————
