قمر الزمان (قصة بالدارجة المغربية تارخية +18)

البارت 1

 الجزء 1، قمر الزمان👸🏻🏰

طولت عليكم غانقول ليكم القصة ديال ناس زمان، زمان كان فيه الحشمة و الحية و لي كانو فيه الناس يآمنو بالجن و الجنية، الراجل و المرة دايرين النية و لي ليا ليا و لي عليا عليا و الجار مايفوت جارو الا فالخطية و الحب و الغرام سلعة نقية، زمان ماكان فيه لا تيليفون لا بيسي غير لبرية لي تنقل بين الحمام و لا الساعي تال بين يديا، الظلم ماشوفوه عينيا و لا سمعوه ودنيا، و لبراح و يجيب لخبارات للشعب من القصر هدية، يا خبار زينة تفرحني و لا خبار مكفسة تكمل عليا، سلطان عادل و عائلتو نقية، و بنت عايشة فالميزيرية، زينها يفتن عينيا ووجهها بيض و مضور بحال البدر فليلة مضوية، عينيها زرقين و مشفرين و خدودها و فمها حمرين بحال وردة بلعمان مسقية، سالفها كحل قاتم طويل يتجر موراها و يقولها يا الولية، رخفي عليا شوية، راه كاع الارض شطبتها و لا قلبك يحن عليا، قلبها بيض و لكن لي ضرها تبقا ضربتها هيا لقوية لا معا راجل و لا مع المرا كلشي سوية، قوامها رائع و جسمها بيض مع رجلين خمرية

سميتها زين السمية، قمر الزمان يا هنية يتيمة الاب عايشة مع مها و ختها فدار فيها علية، كي جيتكم فالقافية هاهيا غاطير عصرت مخي ههههه، ختها سميتها عطر الليل و مها الزاهية عندهم الخادم السعدية و عندهم ثور و بقرة و 2 حولا و جوج نعجات و الدجاج فالكوري، قمر الزمان فعمرها 15 عام و هيا الصغيرة اما ختها ففعمرها 17 عام و هيا لكبيرة ، هيا و مها مفششين قمر الزمان و هيا تآمر و تنهي فالخادم لي فعمرها 32 سنة سمرة و غليضة كاتبان بحال الراجل هيا و بنتها زهور لي عمرها 17 عام و مها الزاهية لي عندها 31 ماكاتحطش قمر الزمان يديها فالما واشمين ليها سميتها بالخط العربي ففخضها ( كانتمنا تنال اعجابكم القصة راني كاتبة قصة ثانية على الله نزلها قريبا بقلمي هاجر سلطانة💎

الجزء 2، قمر الزمان👸🏻🏰

قمر الزمان جاية كاتتمختر فجلايلها قفطانها الحمر و شعرها الكحل وراها كايتعتر مع رجليها رجليها حمرة و فيها خلال ديال النقرة فيه سميتها و مكحلة عينيها، كاتشوف زهور و السعدية تالفين و كايجريو و ختها عطر الليل تتمشط فشعرها الشهب لي واصل لنص ضهرها و لابسة قفطانها الخطر و السعدية كاتحك ليها فرجليها