قمر الزمان (قصة بالدارجة المغربية تارخية +18)

لپارت 2

عطر الليل(اخت قمر الزمان)

الجزء 4،قمر الزمان👸🏻🏰

تسالمو لبنات معا مهم بالبكا و حتا السعدية و بنتها تسالمو مع الزاهية و زادو خلفة مع الطريق، الطريق طويلة ما وصلو تاغفر ليهم الله الذنوب كاملة لي داروها و لي باقيا ليهم غير دخلو مع الدخلة البرانية ديال لقر و هوما يتبهضو بالجنانات و الشجر و الورود بقاو غاديين و حالين فمهم تحت الحايك مامسوقينش لواحد من قبايلا و هوا كايشوف فقمر الزمان عارفها من عينيها لي تاواحد ماعندو بحالهم، ولد القبيلة عبد الجليل لي لاصق فقمر الزمان فينما عتبات باب دارهم و هيا معفرة عليه و مامسوقاش ليه بالمرة غايموت بالفقصة حيتاش غاتولي من حريم الملك و يقيصها كيبغا.

دخلو لبنات للداخل بقاو غير كابقللو فعينيهم عمرهم حلمو بهادشي حتا فالمنام، دابا داخلين للقصر كحريم الملك، القصر كان اقل مايقال عنه روعة في الجمال ، منقوش كلو فالسقف و الزليت و اللوحات و الزرابي و الحرير و الذهب رائع، داخلين لبنات دايخين حتا وقفاتهم السعدية، جات واحد لوصيفة سمرة غليضة و مكضرة دايرة السبنية فوق راسها و كاتهضر بالجهد بحال الرجال

الوصيفةلكبيرة.....اشوفوني و اسمعوني و حلو ودنكم مزيلن فهادشي لي غانقول ليكم حيتاش لما درتوش بهاد الهضرة غايتعلق راسكم فباب القصر بلا كسدة، كلشي خاف كملات هضرتها...... كلكم غاتقلبو و لي عزبة غاتواي جارية و لي لا غاتولي خديديمة مفهوم

كاع لبنات بالخلعة: مفهوم

لكبيرة......لي عزبة غادوز عند لا حسينة كبيرة الحرم تنصحها و توعيها على راسها ، دارت و كودات كاع لبنات موراها جراقمر الزمان ختها من يد و زهور من يد و مشات كاتجري لقدام شدات زهور فيد مها و تبعوها يجريو و يتزاحمو بين البنات هالي كايعرفو هالي وجهها ماشي مغريبي كاع لمهم كاع لقبايل تجمعو، غادا حتا وصلات للول ديال الصف وقفات تابعاهم بشوية دارت عند ختها و قالت....خاصنا نكونو اعطر الليل حنا لولين باش تقلبنا حنا لوالة باش ندخلو عند سيدي لوالا واخا عمرني شفتو

عطر الليل....عندك الحق، وشكون شاف مولاي السلطان من غير السعدية ملي مشاو يبايعوه اما حتا مي كانت فالدار ماخرجاتش ديك النهتر هادشي لي قالت ليا مي