Mr.Min * My Boss

Ch - 8

A hma a ka ziah sa ka zâwm mawlh mawlh a ka rawn post hmiah. Chhiar dan thiam leh ta mai ila.

Thinrim lungawilo rilru na tel phung chuan ka kal sawk sawk a. Zînga ka hlim nen tunah ve lem, kha Yoongi hmela mai mai kha sual lutuk mai.

Ka kalna pawh ka hrelo, kawng ah chuan ka kal boh boh a ka duh lam lam ka pan bawk.

Park pakhat ka hmuh chuan ka pan nghal vat a

Ka en kual vel a, a mawi ka ti hle bawk.

Ka rilru ka siam a, khapa Yoongi vang mai mai khan ka lungngai tur a ni lo. Atello pawn hlim tak in ka hmang ve thei chiang em mai a, ani pawh khanu bulah khan a awm tho ang.

Thik deuh tho mah ila, ka thik tur a ni lo. Ani kha bum hmang miler sual tak angin ngai tawp tawh ila a ṭha ni mai. Engmah a lakah ka beisei tawh lo ang.

Ka camera chuan thlalak ka ṭan leh nghal mawlh mawlh, Daegu hi a lo nuam takzet a nih hi, a boruak a nuam si.

Ka kal kual hrep hnu chuan ka chau deuh a leiah chuan ka ṭhu thla nghal thlawp. Ka thlalak lâk kual vel chu ka en a ka nui var var ka lo van la thiam ve le Professional ang hial ka ni mai in ka hria te ti ila hahahaha😆😆😆😆

Uite pakhat hi ka bulah a rawn kal a, a cute zia mai chu. Uite ngaina tak ka ni bawk nen  ka lo pawm vat a, a hmelṭha sia ka duh tawp.

Ka hawi kual a, a neitu awm ang tur pawh ka hmu zo lo.

"Nangte hi khawia ṭang a lo kal nge maw i nih chu le, nge helai hmunah hian i bo zawk em ni" ka ti sêp a, ka chûl heuh heuh pah bawk a

Darkar chanve ngawt chu ka ṭhu tawh chuan he uite pawh hi ka bulah a awm tlat.

Darzat ka en chu a lo tlai tawh angreng, ti ringawt hi chuan ka buai palh nge ti ila ka buai deuh tawh chu ni mai. Ka awmna vel pawh hi ka hrelo, ka kal ve pawp pawp kha nia. Ka mawl ka ti dâwn nge pawh ka hrelo e a, ka phone lah chu a thi bal mai sia ho vek amaherawhchu ka hmanhmawh phah hlek lo Yoongi kha lo buai

Ka awm hmun ṭang chuan ka kal chhuak vat a

Min zui zet zet tu vang chuan ka leh hawi a

"Duhawmte tinge min zui reng a, kalna tur i nei lo a mi." Ṭhu hniam pah chuan ka ti a

Kal tûr a ka tih pawn a duh lo, min nek deuh salh salh a. Ka thaw hak a

"Ṭha e, ka la mai ang che. Ka uite ni mai rawh." Tiin ka pawm kanga ka kalpui nghal nal nal.

Dar 4:30 a ri tawh a, ka rilṭâm leh tawh ka uite pawh hi a ril ṭâm tawh ka ring.

Restaurant ka hmuh hmasak na berah chuan kan lut ringawt a, eitur pawh a tui hmel leh to deuh deuh ka order hmak. Yoongi card kha ka la kawl tih ka hre ve kiau lawm kan hmang huau huau nge.

Kan ei leh tak tak nih kha, tui bawk sia ka puar a ka puar zia. Uite pawh a eitheih tûr ang ka ei tîr ve bawk a.

Kan thil ei na bul chiah Dawr pakhat ah chuan ka lut a, kan bazar leh te te phawt a. Uite chaw tur pawh ka lei bawk.

Uite tih rikngawt hi chu dik lo a hming tur kan ngaihtuah nge.

"Nangte hi engtia koh nge i duh le" ka tia, min chhang lem lo a thei miau hleinem

"Ṭha deuh kan ngaihtuah ang aw" tiin ka uite chu ka be reng a. Min lo liak leh ṭhin

"Ka hre ta, Sugar ka ti ang che aw. I duh em" ka tih chuan min liak leh a. A duh tihna ah ka ngai hmiah