Mr.Min * My Boss

4

Ziak ve leh deuh pawp mai aw, lo chhiar ve leh tawp mai rawh hahha

Min tur nasa la, ka ziak hma a ni mai

Mahni a ka kal bap bap lai chuan motor pakhat hi a rawn ding a... Yoongi anih ring in hawi pawh ka hawi duh lo lui a. Ka kal lui ngat ngat ka hnung ah chuan a rawn tlan ve zel bawk a.

Ka hnung lama rawn zui zel tu chu a reh ta daih a... Hawi let ka duh a mahse a lo ding run ang tih ka hlau deuh tho bawk nen...ka mit sir in ka melh leh ralh ralh thin a, mahse engmah ka hre chuang lo a. Ka insum thei lo chu ka ve en let a hahah ka thil hmuh saw Yoongi chu a motor a lo pet a nih saw... Hahah a chhia a nih ka ring

Ka hawi let leh nghal vat a, ka kal leh nghal.

Motor pakhat hi ka zawn ah a rawn ding dat a, Yoongi car erawh a ni lo.

Glass a down chuan nichin a min phurh tum tupa chu a lo ni reng mai...

"Tinge ke a i kal a, i va thleng har duh dawn ve" a rawn tih chuan ka ner nang a

"Nia" rih ringawt in ka chhang

"I duh chuan lo chuang la, phurh hran ka nei chuang lo nia" a tih chuan Yoongi lam chu ka melh leh zeuh a

"I ti tak tak em ni"
Ka tih chuan a nui suk a, a hmel tha reuh khawp mai

Ka lut ta thak a, Yoongi tih thinrim nan hrim hrim pawh...Nilo engah chuan nge a thinrim ngawt ang ni, ke a ka kal pawh pawi ti lo kha nia... Misualpa kha a

***

"Ka lawm takzet" tiin ka chhuak vat a, a tlai tawh hle bawk

"Kha heihi i ta ni in ka hria" ka keychain chu min pe a, ka tihtlak lai pawh ka hre miah lo

"Ka lawm lutuk" ka ti ringawt

"Kan la inhmu leh dawn nia chuan taka Daniel ka nia, Kang Daniel" a ti a

"Zoi min ti mai rawh" ka tih chuan a nui suk a, a mah hi a pa hle na chu a nuih hian a duhawm tawp...

Kan inthlah fel hnu chuan inah ka lut a

Yoongi kha engtin nge a awm tak zel ang ni... Lo lungni lo viau leh lawng maw le mahse ho em mai min ngaihtuah hauh lo tu chu ka ngaihtuah awm bik lo... Tun atang chuan office lamah pawh ka be vak tawh lo ang .

Lo thawk ve ten Yoongi min duhsak vangin min ngei in min rel nasa em em a, mahse a nih na takah chuan min duhsak tak tak pawn ka hrelo. Midang hmuhloh ah min ti duhdah em mai. A sual hi ka ti tawp a ni mai

Tluangi nen kan inbe leh te te a, ka thil tawn ka hrilh a. A thinrim ve rap mai, Daniel min thlah thu ka hrilh bawk a, duh daih rawh a rawn ti nih chu. Mak thei thin nia

******

Hna kal pawh ka phur lem lo. Kha misualpa hmel kha ka hmu peih hrih lo bawk em a ni... Hna ka kal loh chuan insawifiah na tur ka ngah leh dawn bawk nen. Kal hram chu ngai ang. Ka ning eeee

Hma vak loh ah chuan ka kal a, tlai loh chuan a tawk viau e... Thil vel chu ka lo rem fel mawp mawp a

Yoongi a rawn lut a

Dan ngai te in "Good morning sir" ka lo ti leh mai a. Ka thil tih ka tih chhunzawm nghal

Ani ve chuan biak pawh min be lo. Pawilo tihian nuan ka ti feee zawk...

Ka tihfel hnu chuan a coffee la turin ka chhuk thla leh bauh bauh a.. a chang chuan a room ah hian Coffee Siam na tur hi dah mai se ka ti thin, kal na a hla si kal chak ngai bawk si. A duhkhirh si, si hlir a ni mai.