لم اعلم ان هذة الحياة اقصى من الحجر قويه كلجليد
. هي كلزهره تمتلك ذاك الجمال الساحر ولاكن توذيك اشواكها
براء
كعدت الصبح على زقزقة العصافير لميت فراشي
ورتبت الغرفه اطيت نفسي مجال علمود اصحصح من النوم مددت جسمي وتثاوبت باوعت على الساعه فتحت عيوني مصدومه 8:30
ركضت قبل للحمام كملت سبح ولبست ملابس المدرسه وقبل للباب لا سلمت على اهلي ولا شي شفت سمير بلطريق بس كتله هلو وطلعت قبل دخلت للمدرسه سمعت صوت الضجه لان مدرسه بنات وهوسه والاداره مقلوبه قلب وناس تروح وناس تجي
دخلت للداره خذيت ورقه دخولي لان متاخره ودخلت
للصف بعد ما تكلمت ويه المدرسه ونطيتهه ورقه الدخول من المديره
كعدت بصف روان صديقتي وكعدنه نتبسبس
بعد عناء طويل بلمدرسه وتعب ودراسه وركض ولعب
رجعنه للبيت
دخلت للبيت وجان الساعه 12:30
اهلي كاعدين بلصاله اخوي قيس يلعب بلموبايل
وسمير يقلب بلتلفزيون
وماما كاعده سلمت وصعدت ليفوق اغير ملابسي
كل عاده روتين يومي
_____________
عند مروان
مروان كعدت الصبح شربت قهوه وطلعت للشركه
دخلت لشركه وما طلعت الا الساعه 12
رحت للبيت لقيت اهلي جانوا يتغدون بدلت ملابسي وغسلت ايدي وكعدت يمهم على السفره جانت بلقاع ممدوده
صقر: شلونك مروان الله يساعدك
مروان: الحمد لله وانته صقرنه
صقر: دوم
ام مروان: ليث فكرت بلشغله الي كلته الك
مروان وهوه متفاجئ: يا شغله يوم
احمد: شبيك ما عرفت تريد تزوجك سحر ام السحوره
صقر ضل يضحك
ومروان قال الامه :يوم تعرفين بعد زوجتي ريان ما ازوج غيرها وبعد لا تفتحين هل موضوع بداعت ابوي
خليت الاكل وكمت لغرفتي نمطلع على الجربايه ضليت افكر بريان وابجي ومنين اجيب القوه بعد وفاتهه خلتني وحيد بهاي الدنيه وراحت
بعد شهر
مروان
جنت بلشركه ادرس الخطط لصفقتنه الجديده واتابع الموضوع وادرسه زين ومخلي كل تفكيري يم الاوراق
دق الموبايل ماشلته
ضل يدق لحد ما مليت وشلته جان اتصال وارد من
صقر فتحت الموبايل جان يصرخ ويبجي وهوسه يمه
صقر: الحكنه مروان لو تلحك لو لا
مروان: شنو شبيك تبجي
طبعا هنا جان قلبي يبزني ودريت صاير شي
صقر :احمد نضرب طلقه بصدره
مروان عاف الاوراق وصرخ:شكاعد تحجي وين انتوا بيا مستشفى
صقر: بمستشفى .......
مروان عاف الشركه وركض لسياره بدون مايدور وجهه وره كام كلشي مايشوف قباله ضل يضرب على الستورن
ويصيح ويعيط وين تروح وتعوفنه يا كل هلي
يا بعد روحي تريد اتعوفني مثل ريان لاتسويهه خوي
وصلت للمستشفى وما اشوف الا هلي وعمامي بلباب
اشوفهه كلها واكفه وتبجي والنسوان تعيط
شفت صقر سالته شصار
صقر: احمد انطاك عمره
هنا نصدمت صدمة حياتي اباوع لمي تبجي درت وجهي على سيرين تصرخ لحد مانغمه عليها
تاكدت الحجي صحيح
فرت بيه الدنيه وما قمت اشوف
مروان: منوا السوه هيج باخويه
صقر: قيس السوه هيج جان يتعاركون وقيس طلع المسدسد وضربه شفنه الكامرات
مروان: وينه هاذا الجلب الا اقتله بيدي وين يروح من ايدي
ضليت اضرب الحايط بيدي لحد ما نزفت دم
_________
عند براء
بعد ماكملت دوام ورجعت للبيت لكيت الباب مفتوح على حيله وامي تصرخ وقيس كامش المسدس وايده كلها دم ذبيت الجنطه وركضت كلتله هاي شنو قيس
ماما حاجيني شمسوي قيس
قيس: يمه والله مو قصدي ضربته بدون قصد جان الغضب واصل لعيوني
ام براء: ولك شسويت بروحك وين اروح راح يقتلونك
راح ياخذون ابني من ايدي وينك يا ابو سمير تعال شوف ابنك شسوه
دخلت الشرطه وطوقوا المنطقه اني ماعرفت شسوي
وضليت واكفه مصدومه اجت الشرطه وكبلت قيس واخذوا ماعرفت شسوي امي كلتلي انطيني العبايه خلي اروح وياهم ماما لبست عبايتها وطلعت
وحت اني طلعت وياهم خذوني لمركز الشرطه
___________
بعد يومين
عند براء
دخلت للبيت ولكيت البيت متروس ناس ما اعرفهم
اجه اخوي سمير دخلني للغرفه وكلي لاطلعين شمهما يصير ذولي ربع احمد جايين يطالبون بدمه
براء: يمه شيردون منه
سمير : ادخلي هسه
دخلت وقلبي نار حاسه راح يصير شي مو زين
بقوا تلث ساعات يتناقشون اني ماطلعت من الغرفه
وماما بقت يمهم شوفهم شمحتاجين اخير شي سمعت صوتهم وهمه يطلعون من البيت
صارت هوسه البيت بعشر دقايق نقلب هوسه
بعد ماطلعوا اجه سمير وصاحلنه اني وامي
سمير: اجوا ومانوين خير
ام براء: انسه اطي بتي محد يوصللها لو على جثتي هاي بتي من لحمي ودمي شلون تروحلهم
نوب فصليه
صاح سمير بصوته العالي: يمه شلون ماتنطيهه هاذا قدرها
شهكت وخليت ايدي على حلكي وصحت شنو السالفه فهموني
سمير: طلبوج فصليه
براء وهيه تبجي : شنو فصليه خويه شكاعد تحجي
شلون يردوني فصليه
سمير: مثل ماسمعتي حاولت امنعهم بس ما قبلوا واتفقت عشيرتنه على انج ترحين فصليه
براء لزمت ايد سمير وكعدت تتوسل بي وتبجي بعدني صغير هوه عمري 17 اشايفه من هل دنيه
ويردوني ازوج واحد ما اعرف اصله ولا فصله
كعدت ابجي اسبوع طبعا اخوي قيس دخل السجن وما نعرف كم يطول واني وسمير يروح للشغل واني وماما بلبيت انقطعت عن المدرسه اسبوع وكاعده بس الطم عيوني حمر من البجي وكمت ما احجي ويه سمير لان يكلي هاذا قدرج وراح ترحيلهم بعد اسبوع
__________
عند مروان
كطعت الاكل والشرب ونسيت النوم والشغل وكلنه حزنانين على موتت احمد راح وعافنه وعاف سيرين زوجته وجهاله بعد ماكو احمد بعيلتنه راح الجبير
كلنه مصدومين بموته كسر قلوبنه كمنه نبجي دم
كعدت يم سيرين كلتلها سمعي خيتي الا اخذ بثار اخويه الا اخليهم يبجون دم
سيرين: بعد شيفيد راح احمد كله بسببهم وكعدت تبجي وخلت راسهم على راس ام مروان
ام مروان: اريدك تكسر خشمهم ابتهم اريدك تبجيهم دم
مروان: يمه بس اصبري وكلشي نلكاله حل
ضل مروان يحلف الا ياخذ بثار اخوه
وما يعرف القدر شضامله وشيخبيله
__________
مرحبا
شلون البارت حلو لا
والاحداث شلونها
البارت الجاي مشوق هواي
احجولي توقعاتكم للبارت الثالث
وشكرا
أنت تقرأ
فصليه +18
Ficção Adolescenteعيونج بحر شدني الج حيل فوق السمه نباوع ونذكر ايامنه الحلوه حيل اني السمه وانتي الطير قصة الفصليه براء الروايه تحتوي على مشاهد جريئه لا انصح بلمشاهده الا لمن هم في الثامن عشر كل ما في الروايه من تاليفي كامل الحقوق محفوضه
