صاحب الظل الطويل((مكتمله))

part 7

#صاحب_الظل_الطويل

7

👑 سبحان الله وبحمده ... سبحان الله العظيم👑

جلسو بعد ان هدء هو يضمهم اليه وهي تنظر له وتمسح دموعها

يحي : حور انتي لسه بتعيطي
حور: لا يا بابا خلاص

مهيب : بابا .
شويكار: هفهمك بعدين. بس حور دي بنتي

مهيب : وخلفتوها امتي بقي
يحي : بعدين مش وقته

حور : بابا. انا هطلع في الشقه اللي فوق . عشان ياخد راحته

شويكار: تطلعي فين ..لا اقعدي

حور : مش هينفع يا ماما

يحي : في اوض هنا تاني غير اوضتك. وغير كده الشقه عايزه تنضف . اسمعي الكلام

حور : حاضر يا بابا

مهيب كان ينظر لها ببرود .

يحي : الوقت اتاخر. يلا ننام وبكره ونتكلم براحتنا
مهيب: ماشي يا بابا

حور : تصبحو علي خير

ردو عليها الا. هو. . دخلت الغرفه واغلقت الباب وهي تشعر بالتوتر. والخوف.

اتي ابنهم الان هل سيتخلون عنها كما يحدث لها دائما .

اكثر من ثلاثه سنوات كانت تعيش تحت سقف بيتهم بحب وامان. الان ماذا ستفعل

حور : مع انهم هيوحشوني. بس هشوف مكان تاني

جلست تبكي وهي تتخيل ان ستمكث بمفردها وحيده بدون اي احد

شويكار ويحي كانو مع مهيب في الغرفه يجلسون معه

يحي : دي كل حكايه حور. انا بحبها جدا وبحس انها بنتي

شويكار : طيبه جدا يا مهيب . اطيب حد ممكن تقابله

مهيب : مش ممكن. يا جماعه انتم مش خايفين تعملو فيكم حاجه. دي بتستغلكم

يحي : ايه اللي انت بتقوله ده. لا طبعا. حور مش بتستغلنا. بالعكس من وقت ما جت وهي بتساعد مامتك كتير. وكمان بتنزل تشتغل معايا في الكافيه وهي اللي عملتله داعيه وجددت فيه وجابت شيف وبقي احسن من الاول ميت مره.

شويكار : مهيب اوعي تزعلها. هزعل منك . البنت ملهاش غيرنا

مهيب بلامبالاه : اصلا مليش دعوه بيها انا جاي عشانكم. .هستقر هنا وهفتح شركه ليا هنا في اسكندريه. خلاص زهقت من الغربه

يحي وشويكار بفرح : ده اسعد خبر.

ابتسم لهم وقبل يدهم ..

ليتركوه يرتاح وهم يشعرون بالاطمئنان انه هنا بجانبهم

نام الجميع بسعاده معادا تلك التي تبكي بخوف ان يبتعدو عنها. ايضا كما فعل الجميع