" زواج مْـع وّقـف الـتـنـفـِيـذ ❤ ..*! "
# الحلقهه الخامسهه و الخمسون 🌸
حسّيت روحي تريحت شويه بس معدتي كانت توجع فيا و خشيت نجري جوا للحمام
حنان >> بشه ؟. كنك ؟؟؟
زينب >> وجها رايح اصفر
وداد >> بكل حاله
حنان >> بشه ؟؟ افتحي البابفتحت الباب و طلعت قعمزت ف الصاله
حنان >> شن في ؟
انا >> لا يا ربي ان شاء الله 😥💔
حنان >> كنك ؟ نديرلك حاجه تاكليها ؟ أكيده مازلتي م فطرتي
انا >> تعالي نبيك ف الدارصبيت انا ويّاها و خشينا لدار / حكيتلها كل اللي صاير عند مليت و انا نعاود ف القصه 😪
كانت ردّة فعلها " لا 😳 تبصري 🙄 "
انا >> مش هذا موضوعي توا
حنان >> في موضوع غير هذا !
انا >> شاكه اني حامل 😥
حنان >> حي جديات 😍 معناها كل شي ه يتصلح
انا >> م نبيش
حنان >> شن اللي م تبيش !؟
انا >> م نبيش نجيب بيبي منه م نبيش//
//
//بابا >> حتي انت مصدقها ؟
مراد >> طبعا
مؤيد >> و شن اللي يخليك متاكد هكي ؟ نحن بنتنا و عارفينها بس انت ليش واثق هكي !
مراد >> لاني عارف القصه كلها من بدايتها
بابا >> ايهم خليهم يديرولنا قهوه
ايهم >> باه
مراد >> يا عمي بالنسبه لباتي مش ف يده شي را و صدقني لو يعرف الحقيقه هيكون اول واحد ف صف بشرى و ه يردهم لبعضهم
بابا >> ان شاء الله
مؤيد >> كيف م سمعتهش لما قالت تبي تطلق ! و غَصْباً عنه ه يطلقها
مراد >> م فش حاجه اسمها غصباً عنه ! لو محمد يسكر رأسه و يقول لا مش ه يصير الا اللي يبيه
مؤيد >> بجوكم الموضوع امالا !؟ تي يطلقها كيف الراجل الطيب
مراد >> كيف عناد القصه ؟
مؤيد >> لو تبيها عناد اها عناد و بشرى معش يحلم بيها
مراد >> بالك عيب هالدوه !
مؤيد >> و انتو خليتو فيها عيبصبى مراد و كان يبي يطّلع بس بابا قال
بابا >> قعمز
مراد >> تسمع فيه شن يقول
بابا >> بنت خالته و خايف عليها
مؤيد >> بعدين هوا شن دخله اصلا ! مش خلاص حكيت اللي عندك ؟ البنت و ردتلنا و انتو معش نبو منكم شي
بابا >> مؤيد صبي معايا شويهطلع بابا مع مؤيد و قعد يحكي معاه
انا >> ايهم ، مراد مازال قاعد !
ايهم >> " بحت فيا و ما ردش " وداد ديري 4 فناجين قهوه / " و مشى لداره "انا >> كنه ما يبيش يرد عليا
حنان >> أكيده الموضوع مش ساهل عليه ف الاول
انا >> نشوف مراد و تو انجيمشيت للمربوعه و لقيته مقعمز بروحه و يدخن
انا >> شن قلنا ع الدخان
مراد >> الدنيا خاشه بعضها
انا >> مش انت اللي كنت تقول كل شي ه يكون تمام !
مراد >> تقريبا كنت نكذب / م في شي ه يكون تمام انظني بذات مع ولد خالتك
انا >> مؤيد ! تي هذا طيب بكل ع فكره / هوا نفسك غير عصبي شويه
مراد >> عموما بنروح انا توا و بيناتنا اتصال
انا >> خليك يديرو ف قهوه
مراد >> م عنديش نيه ف شي
انا >> تصدق حتي انا
مراد >> من بعد م رجعتي أمس معش كليتي ؟
انا >> لالا و حتي توا رجعت
مراد >> تبي نشيلك للمستشفى ؟! " و خش مؤيد "