#تفاعلكم_احبطني
" زواج مْـع وّقـف الـتـنـفـِيـذ ❤ ..*! "
# الحلقهه السابعهه و الخمسون 🌸
حسيت النفس ه ينقطع عليا 💔 محمد قرا فاتحته ؟ بسهوله هذه ؟ ف أسبوع قدر يدير هكي ؟ نسى حبنا ؟ نسى كل اللي كان بيناتنا ؟؟ م فكرش شن ه يصير فيا لما نعرف ؟؟ لدرجه هذه يبي يقهرني هُوَ. ؟؟
نحس ف الدنيا تبرم بيا و معش فطنت لشي الا و انا ف المستشفى و الدكتوره فوق راسي و تقول
الدكتوره >> مبروك المدام حامل " و بحتت ف مراد "
مراد >> حامل ؟
الدكتوره >> اها / بس لازم تنتبهو عليها الفتره هذه و تأكل كويس لانه الباين انه سبب الهبوط اللي عندها قلة الوكال و يكون أحسن لو اتريح من شغل الحوش الفتره الجايه عند ما تتحسن
مراد >> ان شاء الله
الدكتوره >> نستاذنكم توا بس قبل م تروحو مر عليا عشان نكتبلك شوية فيتامينات لها
مراد >> تم تم
طلعت الدكتوره و انا قعدت نجرب اني نقعمز
مراد >> خليك متريحه
انا >> سمعتها شن قالت ؟؟
مراد >> اها " و قعد يبتسم " المفروض تفرحي
انا >> عليش نبي نفرح ؟؟
مراد >> عشان ه تجيبيلنا بنوته سمحه كيفك
انا >> وين بابا ؟ كيف جيت انت هنا ؟؟
مراد >> لما كنت نحكي مع ايهم و انتِ دختي قلتله يشيلك لأقرب مستشفى و طلعت طول ع هنا / اما باتك و خالتك و البنات كانن هنا حتي هن بس قلتلهم انا و ايهم انهم يروحو
انا >> و ايهم ؟
مراد >> مشى ترا شن يبي يجيب و تو ايجي
انا >> خطرها مبروك
مراد >> ع شنو ؟
انا >> ع خوك
مراد >> تو لما يعرف انك حامل ه يردلك
انا >> يعرف اني حامل ؟؟ و من قالك انه ه يعرف ؟
مراد >> كيف ؟؟!
انا >> بدون كيف مش هوا كمل حياته بدوني و تزوج حتي انا ه نكمل حياتي بدونه
مراد >> و ه تتزوجي !؟؟؟
انا >> ههههه تحسابني كيفه امالا ! صاح قهرني و مستحيله نسامحه ع اللي داره بس هوا الوحيد اللي حبيته و مستحيله نحب حد غيره " و خنقتني العبره "
مراد >> بشرى م نتحملش نشوفك هكي ، امسحي دموعك
انا >> نبي ماما 💔😭 " و معش قدرت نمسك روحي "
مراد >> خلاص باه عشاني م تبكيش
انا >> تعرف شن اللي قاهرني ؟ مش انه باعني بالسهوله هذه و تزوج غيري ! اللي قاهرني انه اللي خذاها هي رانيا ! اللي كانت سبب ف كل مشكله بيناتنا " و قعدت نمسح ف دموعي "
مراد >> حتي و انا م نحكيش مع محمد بس ه نمشي و نحكيله كل حاجه و مش ه نخليه يسافر
انا >> وين يبي يسافر ؟
مراد >> لتركيا
انا >> تركيا ! عليك ايام لما مشينا غادي
مراد >> تو انجي انا
انا >> وين ماشي ؟
مراد >> بنشوف ايهم و نشوف الدكتوره و تو انجي
انا >> اوعدني !!
مراد > ب شنو !؟
انا >> انك مش ه تقول لمحمد ع الحمل
مراد >> " قعد يبحت فيا و عيونه مدمعات "
انا >> مرراد !! اوعدني ؟ " و رديت نبكي "
مراد >> بس هكي تظلمي فيه
انا >> و اللي داره هوا مش ظلم !
مراد >> و البيبي شن ذنبه ؟!
انا >> لو تمشي تقوله مش ه يكون في بيبي
