قصة فتاة يقتل والداها امامها في يوم ميلادها لتعيش حياتها وهي تبحث عن قاتل والداها وتبدء رحلتها بالبحث عنهم لتلتقي بشاب يساعدها على ايجاد قاتل اهلها ولكن هنا تكون المشكلة ......
ملاحظة / القصة بالهجة العراقية
بااااااااااباااااا مااااااماااا لا تخلوني تعالوا تعالوا اخذوني وياكم ساعدوني ساااعدوني فزيت واني اصرخ مفزوعة من الي شفته دخل عليه بابا ... الاب فؤاد: عشق بابا اصحي كابوس هذا حبيبتي اصحي عشق : اهئ اهئ بابا اني ليش هيج ما اكدر اعيش مثل العالم والناس ليش ما اكدر اتخطى هاي المرحلة الاب فؤاد : بنتي كومي اتوضي وصلي وكلي امرج بيد ربج عشق : كمت توضيت وصليت ودعيت ربي يخلصني من هاي الكوابس الي داعيشها يومية وبعدها ما رجعت نمت بقيت افكر لحد ما دك المنبه وكمت بدلت وطلعت للجامعة ...... خلي اعرفكم بنفسي اسمي عشق اسمي غريب شوية بس اهلي الله يرحمهم سموني عشق لانهم تزوجوا عن حب و تاخروا بالانجاب واني كنت اول طفلة الهم والوحيدة سموني عشق لانهم عشقوا بعض لدرجة الموت سوة 😔 المهم عمري حاليا 19 سنة ادرس كلية حقوق ادرس قانون لان هذا حلمي عايشة وية عائلة تبنتني وصاروا اهل الي بابا فؤاد وماما ليلى و 3 اخوان واني البنت الوحيدة يعني المدللة اخواني بالتبني علي عمرة 30 متزوج وعندة ولد وبنية تؤام تزوج زميلتة بالجامعة اسمها حور واطفالهم اسمهم ( جوري وجود ) علي كولش حنين و مددلني كولش ويحبني وكولشي اريدة اطلبة منه طالع بيت. حدة بس قريب علينا نفس المنطقة ويجي وراه كرم الاوسط كلش عصبي بس حنون عليه ويعتبرني صديقته مو بس اخوان اكرم عمره 27 سنة دكتور عيون عايش وحده يحب العزله والقراءة لهذا حب يستقر وحده خاطب بنت عمته وحبيبته ليان تدرس صيدله وبعدها يجي انور اخر اخواني عمرة 23 اني ويا اصدقااء كولش واخوان دوم طلعتنا وطبتنا سوة كمل السنة هندسة معمار ...... خلي اوصفلكم شكلي اني بيضة كولش وشعري لونه بني ما احب اصبغة او شي لا احب اخلي ع طبيعته طولة حلو وسط وعيوني لونهن بني هم وشفايفي منفوخة اشبه الي بالصورة 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اني عصبية كولش وشخصيتي قوية الي يحاجيني بكلمه اردها بعشرة اني مو محجبة عائلتنا عادي بنية بدون حجاب جنت عايشة بغداد بس للاسف بسبب ظروف تعرفوها بعدين انتقلت لاربيل عندي فوبيا من الظلمة و دائما احلم بكوابيس بالليل وافز ابجي واخاف حيل الي يشوف شخصيتي بالنهار ما يكول هاي انتي نفسج بالليل الي تخافين ما احب اظهر الي بداخلي دائما حتى اذا مقهورة واريد ابجي كدام الناس اضحك وما اخلي احد يتقرب مني ولا اخلي احد يعرف مشاعري او يفهمني صدقات عندي بس ابدا ما عندي صديقة مقربة ماما ليلى حبابة كولش واعتبرها صديقتي احجيلها كولشي هي اقرب وحدة الي وبس هاي قصتي الباقي ح تتعرفون عليه بالقصة ......
